תפילין פון א אינגערמאן גע'גנב'ט פון א בית המדרש אין בני ברק; פארשוין אויפגעכאפט אויף קאמערע
גאלערי
ווידעאס
בני ברק: תפילין פון א יונגערמאן געגנבעט געווארן אינמיטן העלן טאג אין א לאקאלע שול
א יונגערמאן איז זונטאג נאכמיטאג באראבעוועט געווארן פון זיינע טייערע תפילין אין די 'הראשונים' שול אויף רחוב רבי עקיבא אין בני ברק.
לויט ווי עס ווערט באריכטעט, האט דער יונגערמאן איבערגעלאזט זיינע תפילין אין ביהמ"ד און איז ארויסגעגאנגען פאר א קורצע וויילע. ווען ער האט זיך אומגעקערט, האט ער צו זיין גרויס שאק אנטדעקט אז די תפילין זענען פארשוואונדן געווארן. אויף די סעקיוריטי קעמרעס פונעם שול קען מען זען ווי א פארדעכטיגטער קומט אריין אינעם בנין, כאפט די תפילין און מאכט פליטה.
דער אינצידענט האט ארויסגערופן א שטארקע באומרואיגונג צווישן די לאקאלע מתפללים. די גבאים פונעם שול האבן ארויסגעגעבן א רוף צום ציבור נישט איבערצולאזן קיין תפילין אדער אנדערע חפצים אן קיין אויפזוכט. דערווייל איז נאך נישט קלאר צי די געגנבעטע תפילין זענען שוין אפגעפונען געווארן.