ערשטע מנין אפגעראכטן אין די מדינת ישראל רעזידענץ אין טאקיא ווי אידן האבן זיך פארזאמלט פאר תפילות און תקיעת שופר
גאלערי
ווידעאס
בס"ד
קול שופר אין יאפאן: א מנין אידן קומען זיך צוזאם ביים נייעם מדינת ישראל אמבאסאדאר אין טאקיא
א מנין אידן פון פארשידענע לענדער איבער דער וועלט האבן זיך די וואך צוזאמגענומען אין די אפיציעלע רעזידענץ פונעם מדינת ישראל אמבאסאדאר אין טאקיא, יאפאן, פאר א בציבור'דיגע תפילה און תקיעת שופר אין צוגרייטונג צו די קומענדיגע ימי הדין.
דאס איז געווען דער ערשטער מנין וואס איז אפגעהאלטן געווארן דורך דעם ניי-באשטימטן אמבאסאדאר, עמנואל נבון, זינט ער איז אנגעקומען קיין טאקיא אין אויגוסט אנצוהויבן זיין דיפלאמאטישע מיסיע. די ארטיגע אמבאסאדע האט אים אפיציעל אויפגענומען דעם 4'טן אויגוסט, און נבון האט ארויסגעברענגט זיין פרייד צו קענען גאסטירן זיין ערשטן מנין אין זיין נייער רעזידענץ.
איבער צען אידן פון פארשידענע אפשטאמען און ערטער האבן זיך באטייליגט אינעם מנין, זיך פאראייניגנדיג צו דאווענען אינאיינעם טראץ וואס זיי קומען פון אנדערע בעקגראונדס.
וויבאלד מיר געפינען זיך שוין אין חודש אלול, האבן די באטייליגטע אויך געהאט די געלעגנהייט צו הערן קול שופר, אנהאלטנדיג דעם מנהג ישראל צו דערוועקן אידישע קינדער צו תשובה און זיך גרייטן צו ראש השנה. אין א ווידעא וואס נבון האט געטיילט, קען מען זען ווי מען בלאזט שופר ביים צוזאמקום.
דער צוזאמקום האט געדינט אלס א קליינע אבער באדייטנדע צייכן פון אידישקייט אין טאקיא, ברענגענדיג אידן פון איבער דער וועלט צו א מנין טויזנטער מיילן ווייט פון די גרויסע היימישע צענטערן.
נבון ווערט דערווייל נאך אפיציעל געפירט אלס "אמבאסאדאר-דעזיגנירטער" ביז ער וועט איבערגעבן זיינע אפיציעלע פאפירן פאר די רעגירונג, כאטש די יאפאנעזער אויסערן מיניסטעריום האט אים שוין אריינגעלייגט אין זייערע רעקארדס אין זיין נייעם פאזיציע פונעם 26'סטן אויגוסט.
קול שופר אין יאפאן: א מנין אידן קומען זיך צוזאם ביים נייעם מדינת ישראל אמבאסאדאר אין טאקיא
א מנין אידן פון פארשידענע לענדער איבער דער וועלט האבן זיך די וואך צוזאמגענומען אין די אפיציעלע רעזידענץ פונעם מדינת ישראל אמבאסאדאר אין טאקיא, יאפאן, פאר א בציבור'דיגע תפילה און תקיעת שופר אין צוגרייטונג צו די קומענדיגע ימי הדין.
דאס איז געווען דער ערשטער מנין וואס איז אפגעהאלטן געווארן דורך דעם ניי-באשטימטן אמבאסאדאר, עמנואל נבון, זינט ער איז אנגעקומען קיין טאקיא אין אויגוסט אנצוהויבן זיין דיפלאמאטישע מיסיע. די ארטיגע אמבאסאדע האט אים אפיציעל אויפגענומען דעם 4'טן אויגוסט, און נבון האט ארויסגעברענגט זיין פרייד צו קענען גאסטירן זיין ערשטן מנין אין זיין נייער רעזידענץ.
איבער צען אידן פון פארשידענע אפשטאמען און ערטער האבן זיך באטייליגט אינעם מנין, זיך פאראייניגנדיג צו דאווענען אינאיינעם טראץ וואס זיי קומען פון אנדערע בעקגראונדס.
וויבאלד מיר געפינען זיך שוין אין חודש אלול, האבן די באטייליגטע אויך געהאט די געלעגנהייט צו הערן קול שופר, אנהאלטנדיג דעם מנהג ישראל צו דערוועקן אידישע קינדער צו תשובה און זיך גרייטן צו ראש השנה. אין א ווידעא וואס נבון האט געטיילט, קען מען זען ווי מען בלאזט שופר ביים צוזאמקום.
דער צוזאמקום האט געדינט אלס א קליינע אבער באדייטנדע צייכן פון אידישקייט אין טאקיא, ברענגענדיג אידן פון איבער דער וועלט צו א מנין טויזנטער מיילן ווייט פון די גרויסע היימישע צענטערן.
נבון ווערט דערווייל נאך אפיציעל געפירט אלס "אמבאסאדאר-דעזיגנירטער" ביז ער וועט איבערגעבן זיינע אפיציעלע פאפירן פאר די רעגירונג, כאטש די יאפאנעזער אויסערן מיניסטעריום האט אים שוין אריינגעלייגט אין זייערע רעקארדס אין זיין נייעם פאזיציע פונעם 26'סטן אויגוסט.