א פינף און אכציג יעריגער ליידער אומגעקומען אין טעראר אטאקע אין מדינת ישראל 

א שרעקליכע טעראר אטאקע איז פארגעקומען אין צפון אר”י אין די אינדערפרי שעות מאנטאג ווי א 25 יעריגער טעראריסט כארים דזשאברין פון די דערפל זאלאפא אין די מעלה עירון געגנט וואס האט פארמאגט מדינת ישראל בירגערשאפט האט דורכגעפירט א דרייפאכיגע טעראר אטאקע פון וואס איינער איז ל"ע אומגעקומען, ער איז אידענטיפיצירט געווארן אלס משה הורן הי"ד 85 יאר אלט. נאך איינער אין די צוואנציגער יארן איז שווער פארוואונדעט געוארן, דער טעראריסט איז עלימינירט געווארן דורך  פאליציי קרעפטן אויפן סצענע.

די טעראר אטאקע איז פארגעקומען ביי די תשבי דזשאנקשען אויף הייוועי נומער 66 נעבן די שטאט יקנעם, ווען דער טעראריסט איז געקומען צו פארן מיט א קאר און אריינגעפארן אין א באס סטאנציע וואו ער האט אראפגעקלאפט א מדינת ישראל סאלדאט, דערנאך איז ער ארויס געקומען פון זיין קאר און מיט א מעסער געשטאכן און שווער פארוואונדעט דעם סאלדאט און צוגענומען זיין מאשין ביקס, מיט דעם האט ער דערנאך געעפנט פייער אויף פארבייפארנדע קארס פון וואס משה הארן הי"ד איז אומגעקומען ה”י,