צאתכם לשלום:

נאך 9 פילע וואכן פון וויילן אין מחנה אהל ברוך, מאכן אצינד קרוב צו 1,500 תלמידים זייער וועג אהיים פון קעמפ, אנגעשעפט מיט תורה, עבודה, יראת שמים און מידות טובות נאך אזא רייכן און געשמאקן זומער

עלטערן דריקן אויס זייער הכרת הטוב פארן העלדישן מנהל המחנה הרה"ג אלי' יצחק ראזענבערג שליט"א, וועלכער שטייט אין שפיץ פונעם קעמפ און מאכט זיכער אז יעדער תלמיד וואקסט און בליט, און פאר די געטרייע ראשי המדריכים הרב מתתי ביללער שליט”א, און הרב יוסף גאלד שליט”א פאר זייער געוואלדיגע ארבעט במשכן גאנצען זוממער

ואחרון אחרון חביב: פארן געטרייען מנכ"ל הרב דוד וואגעל שליט"א, וועלכער יום ולילה לא ישבותו פארן הצלחה פונעם קעמפ, ובפרט דעם זומער ווען מען האט באוויזן דאס אומגלויבליכע מיטן אויפבויען דעם נייעם בנין אדיר ומפואר "משכן חוה פעסיל"

ישלם השם שכרם וישלח ברכה בכל מעשי ידיהם

די מלמדים און מדריכים געזעגענען זיך שווער פון די תלמידים, און די תלמידים קוקן שוין ארויס אויפן זומער תשפ"ז לפ"ק אין ירושלים עיה"ק מיט משחי צדקינו אמן.

~~~

הערליכע מעמד "חלוקת הפרסים" פאר די מצטיינים במשך דעם זומער איז פארגעקומען ברוב פאר והדר בראשות הגה"צ אב"ד ור"מ שליט"א

די רב שליט”א האט זיך מטריח געווען בטילטולא דגברא רבא צו קומען באשיינען דעם שיינעם און חשוב'ן מעמד, האט אויפגעטראטן מיט ווארימע דיבורים שטייענדיג ביים סוף פונעם זומער

מנהל המחנה הרב אלי' יצחק ראזענבערג שליט"א האט ארויפגערופן יעדן תלמיד באזונדער און פארטיילט די פרסים

נאכן געהויבענעם מעמד האט מען זיך ארויסגעלאזט אין פייערדיגע טענץ לכבוד התורה

צום סוף פונעם זומער איז פארגעקומען א גרויסער מעמד חלוקת מתנות פאר אלע וואס זענען געווען אנגעשלאסן אינעם "מורא מקדש" פראגראם במשך דעם זומער

די איינגעשריבענע תלמידים האבן ערהאלטן א גאנצן סעט מחזורים

אזוי אויך האבן די תלמידים זיך מקבל געווען און אונטערגעשריבן א פרישע קבלה נישט צו רעדן ביים דאווענען און זיין נזהר בכבוד בית המדרש פאר נאך 40 טעג

דער הערליכער פראיעקט איז נתנדב געווארן, ווי יעדעס יאר, דורכן עושה ומעשה למען כבוד בית המדרש

הרבני הנגיד מו”ה שרגא צבי פישמאן הי"ו

ואתו עמו הרבני הנגיד מו"ה מאיר מענדל געלבמאן הי"ו.

הגה”צ אבד”ק באבוב-45 שליט”א דריקט אויס רגשי לבבו נאכן פארהערן תלמידי כתה ח’ כתה פונעם חשובן מלמד הרב מאיר ראזענבערג שליט”א די סוגיא פון רבי חנינא סגן הכהנים וואס די תלמידים האבן געהארעוועט און געקאכט במשכן זוממער

באבוב-45 רב שליט”א שיקט אפ ווארימע מכתב רגשי לבבו פאר הגה”צ אב”ד ור”מ שליט”א נאכן פארהער, און געט הערליכע כתבים פאר אלע תלמידים

לעצטע וואך אין קעמפ אין שפיץ פון די געטרייע ראשי המדריכים הרב מתתי ביללער שליט”א, און הרב יוסף גאלד שליט”א

זומער תשפ"ו אין מחנה יחד קומט צו אן ענדע מיט פרייליכע קינדער און צופרידענע עלטערן

דעם פארלאפענעם מאנטאג, צום סיום פונעם זומער, איז פארגעקומען אן אייגנארטיגער "יום שכולו תורה"

מען האט אנגעהויבן דעם טאג מיט א נסיעה קיין סטעטן איילענד, וואו אלע תלמידים האבן זיך פארהערט ביי הגה"צ אב"ד בוקאביץ שליט"א אויף די לימודים וואס מען האט געלערנט במשך דעם זומער: כיתה ה' אויף שירת האזינו; כיתה ד' אויף מסכת ראש השנה; כיתה ג' אויף פרק אין עומדין ממסכת ברכות; און כיתה ב' אויף די ד' פרשיות פון קריאת שמע

דער רב שליט"א איז ארויס פון התפעלות זעענדיג ווי גוט די תלמידים האבן געקענט דעם מאטעריאל און געוויסט צו ענטפערן אויף יעדן דבר הלכה כזקן ורגיל

דערנאך איז מען געגאנגען מתפלל זיין ביים ציון פון הרב ר' צבי יהודה שטיינער זלה"ה, א ברודער פון הרה"ק רבי ישעי'לע קרעסטירער זי"ע, וועלכער ליגט אין סטעטן איילענד. מען האט דארט געזאגט תהלים, געדאנקט אויפן עבר און מתפלל געווען אויפן עתיד

דערנאך איז מען געגיינגען זיך אויסליפטערן און א געשמאקע פארק

צומארגנס, דינסטאג, איז פארגעקומען די גרויסע סיום ומעמד חלוקת התעודות פאר אלע חשוב'ע תלמידים

די עלטערן זענען שטארק מכיר טוב די געטרייע מנהלים הרה"ג ר' משה יואל גערטנער שליט"א און הרה"ג ר' אברהם יהושע פראנק שליט"א, און די געטרייע ראשי מדריכים הרב יעקב עקשטיין און הרב מיכאל ראזענפעלד, פאר זייער געוואלדיגער ארבעט במשך דעם גאנצן זומער

לעצטע וואך אין דעי קעמפ ביי די אינגערע קינדער און שפיץ פונעם ראש המדריכים הרב מיכאל ראזענפעלד שליט”א