ווידעא: פאליציי נוצט א קרעין אראפצונעמען א פאלעסטינער פאן אין מאה שערים
גאלערי
ווידעאס
פרישע ווידעא פון מאה שערים: פאליציי נוצט א הייב-קראן אראפצונעמען א פאלעסטינער פאן הויך איבער די גאסן
נייע בילדער און ווידעא פון די מאה שערים געגנט אין ירושלים צייגט אן אומגעווענליכע סצענע, ווי פאליציי אפיצירן האבן זיך באנוצט מיט א ספעציעלן הייב-קראן (ליפט) אראפצונעמען א פאלעסטינער פאן וואס איז געהאנגען געווארן גאר הויך, נאכדעם וואס עס איז געווען אוממעגליך דאס צו גרייכן פונעם גאס.
די יעצטיגע ווידעא קומט אין די נאכווייען פון די גרויסע אפעראציע וואס איז פארגעקומען מאנטאג אין מאה שערים, ווען פאליציי און שטאטישע אינסטאנצן זענען אראפגעקומען אין געגנט אראפצונעמען פאלעסטינער פענער און איבערצופארבן גראפיטי וואס איז געווען אנגעשמירט אויף די ווענט איבער די גאנצע געגנט.
ווי באקאנט האט זיך די אפעראציע אנטוויקלט אין שווערע ראיאטן און אומרוען, ווען עס זענען געווארפן געווארן שטיינער און אנדערע חפצים אויף די פאליציי. די אפיצירן האבן רעאגירט מיט שווערע מיטלען צו צעטרייבן דעם המון, און דריי יוגנטליכע זענען ארעסטירט געווארן דורכאויס די כאאס.
ווי 'א בליק' האט שוין פריער באריכטעט, זענען פארגעקומען שווערע קאנפראנטאציעס, אריינגערעכנט דאס באנוץ פון 'סטאן גרענעידס' דורך די פאליציי. די נייע ווידעא צייגט א באזונדערע סצענע פון די אנגייענדיגע פרואוון פון די פאליציי אראפצונעמען די פענער וואס זענען אויפגעהאנגען געווארן איבער די געגנט.