א שווערע כאאס הערשט אין אייראפעישע לופטפעלדער מיט טויזנטער וואס פראבירן אהיימצופארן פון אומאן
*כאאס אין אייראפעישע לופטפעלדער מיט טויזנטער וואס פראבירן אהיימצופארן פון אומאן*
אוקריינע - דורכאויס די טעג און וואכן פאר ראש השנה זענען צענדליגע טויזנטער ברסלב’ער חסידים פון איבער די וועלט און א גרויס טייל פון זיי פון ארץ ישראל געקומען צו פארן מיט יעדע מעגליכע וועג קיין אומאן צו וויילן דארט אויף ראש השנה, אצינד שטייענדיג שוין צוויי טעג נאך יו"ט זענען נאך טויזנטער געשטראנדעט אין עטליכע אייראפעישע לופטפעלדער זוכענדיג א וועג צו אנקומען אהיים נאך פאר יום כיפור.
טויזנטער געפונען זיך אין די באקאו לופטפעלד אין רומעניע ווי עס הערשט א כאאס מיט בלויז געציילטע פליגער וואס פליען פון דארט מיט צענדליגע מער רייזענדע וואס ווילן ארויספליען, אידן שלאפן אויף די ערד און ווארטן אונטער קאלטע אומשטענדן אינדרויסן פון די טערמינאל, אינדערצייט וואס די רומענישע פאליציי און לופטפעלד באאמטע קימערן זיך נישט מיט די אוממענטשליכע אומשטענדן וואס ברענגט גרויס אויפברויז ביי די טויזנטער אידן.
עסקנים פון איחוד ברסלב און אנדערע ארגאניזאציעס ארבעטן אויף קעסל און כלים צו טרעפן א לייזונג צו אהיימפירן דער גרויסע ציבור געשטראנדעטע, דערווייל אהן גרויס ערפאלג, און אין די זעלבע צייט טוען מדינת ישראל באאמטע גארנישט ערנסט ארויסצוהעלפן די שווערע סיטואציע טראץ פילע אנווענדונגען.
קרעדיט: זעמל
גאלערי
ווידעאס