בס"ד

נייע שטרענגע געזעצן אריינגעקומען אין קראפט אין די 'ווילידזש אוו מאנרא' איבער די באנוץ פון עלעקטריק בייקס און סקוטערס

נייע רעגולאציעס איבער די באנוץ פון עלעקטריק בייקס און עלעקטריק סקוטערס זענען אריינגעקומען אין קראפט אין די ווילידזש אוו מאנרא, אין ארענדזש קאונטי, וועלכע שטעלן ארויף שטרענגע באגרעניצונגען וואו און ווען מען מעג פארן מיט די געצייג.

לויט א באריכט וואס איז פובליצירט געווארן דורך די 'דעילי מאנרא' מיטוואך אקטאבער 21, פארבאטן די נייע געזעצן צו פארן מיט אי-בייקס און אי-סקוטערס אויף די סיידוואקס, ווי אויך איז גענצליך פארבאטן צו פארן דערמיט אינעם עירפלעין פארק, קרעין פארק, און סמיט'ס קלאוו פארק.

די רעגולאציעס פארבאטן אויך אינגאנצן די באנוץ פון "קלאס 3" (Class III) עלעקטריק בייקס איבער די גאנצע ווילידזש. די סארט בייקס זענען די שנעלערע מאדעלן וואס קענען פארן ביז 25 מייל א שעה. פאר די ערלויבטע אי-בייקס און סקוטערס, טאר מען נישט פארן שנעלער ווי 15 מייל א שעה.

נאכט קורפיו:

די ווילידזש האט אויך איינגעשטעלט א קורפיו פאר ביינאכט, וואס טוישט זיך לויט די סעזאנען.
פון אפריל ביז אקטאבער איז פארבאטן צו פארן צווישן 9 אזייגער ביינאכט און 6 אזייגער אינדערפרי.
פון נאוועמבער ביז מערץ פאנגט זיך די קורפיו אן פריער, פון 7 אזייגער ביינאכט ביז 7 אזייגער אינדערפרי.

די נייע געזעצן זענען געמאכט געווארן צו פארזיכערן די זיכערהייט פון פוסגייער, דרייווערס, און די בייק רייטער זעלבסט, ספעציעל אין פובליק פלעצער וואו די עלעקטריק בייקס קענען אהערשטעלן א סכנה.

עס איז וויכטיג צו באטאנען אז די רעגולאציעס זענען בלויז גילטיג פאר די 'ווילידזש אוו מאנרא', און מען זאל דאס נישט אויסמישן מיט די שכינות'דיגע ווילידזש אוו קרית יואל אדער טאון אוו פאלם טרי, וועלכע זענען באזונדערע מוניציפאליטעטן.

איינוואוינער ווערן געבעטן זיך צו באקענען מיט די נייע געזעצן צו פארמיידן טיקעטס און צו העלפן אנהאלטן די זיכערהייט אויף די לאקאלע גאסן און פובליק פלעצער.