ריזיגע בערג פון מיסט אין אומאן נאכן ראש השנה'דיגן קיבוץ
גאלערי
ווידעאס
בס"ד
ריזיגע הויפנס מיסט איבערגעבליבן אין אומאן נאך די מאסן פארזאמלונג אויף ראש השנה
גרויסע הויפנס פון מיסט און גארבידזש האבן זיך אנגעזאמלט אין טיילן פון די אידישע געגנט אין אומאן נאכן ענדע פון יו"ט ראש השנה, בשעת די שטאטישע ארבייטער זענען פארנומען מיט א מאסיווע קלינאפ אפעראציע נאכדעם וואס די צענדליגער טויזנטער מתפללים האבן אנגעהויבן פארלאזן די שטאט.
בילדער וואס זענען ארומגעפארן מאנטאג פון אומאן האבן געוויזן גרויסע זעק, קארדבאורד באקסעס, דיספאזעבל עסן קאנטעינערס און אנדערע שמוץ וואס זענען געווען אנגעלייגט אויף די גאסן אין די געגנטער וואס זענען געווארן באנוצט דורך די טויזנטער אידן וואס האבן געוויילט אויף יו"ט אין די אוקראינישע שטאט.
לאקאלע באריכטן געבן איבער אז די שטאטישע קלינאפ אגענטורן ארבעטן פלייסיג צו אוועקנעמען די אנגעזאמלטע שמוץ נאכן גרויסן קיבוץ אויף ראש השנה.
די שווערע קלינאפ קומט טראץ די פילע צוגרייטונגען וואס זענען געמאכט געווארן נאך פאר יו"ט זיך אן עצה צו געבן מיט די ערווארטעטע דרוק אויף די סאניטאציע סערוויסעס. עקסטערע גארבידזש קאסטנס זענען צוגעלייגט געווארן אויף די טוריסטיוו גאס און נעבן די הויפט וועגן אין די אידישע געגנט, וואס לויט די ארגאניזירער איז דאס געווען געצילט צו העלפן האלטן די ריינקייט בשעת די באפעלקערונג אין די געגנט איז דראסטיש געשטיגן פאר ראש השנה.
די בילדער שפיגלען אפ איינע פון די גרויסע לאגיסטישע שוועריגקייטן וואס די שטאט אומאן גייט אדורך יעדעס יאר, ווען איר באפעלקערונג ווערט צייטווייליג דראסטיש פארגרעסערט פאר די יערליכע ראש השנה קיבוץ.