גע'גנב'טע הצלה בייק אפגעפונען אין בני ברק, פארשוין ארעסטירט
גאלערי
ווידעאס
בני ברק: א 25-יעריגער ארעסטירט פארן גנב'ענען אן הצלה ביציקל מיט טייערע מעדיצינישע געצייג
א 25-יעריגער איינוואוינער פון בני ברק איז ארעסטירט געווארן דורך די פאליציי, אויפן פארדאכט פון גנב'ענען אן 'הצלה' עמערדזשענסי ביציקל וואס איז געווען אויסגעשטאט מיט טייערע לעבנס-וויכטיגע מעדיצינישע אפאראטן.
לויט די באריכטן איז דער ביציקל געגנב'עט געווארן פון א שול אויף די 'העליה השניה' גאס אין שטאט. באלד נאכן באמערקן די גניבה, האבן הצלה וואלאנטירן אונטערגענומען אן אגרעסיווע זוך-אקציע, און עס האט נישט געדויערט לאנג ביז מען האט אפגעפונען דעם ביציקל און עס צוריקגעקערט צו די ארגאניזאציע.
די פאליציי האט פארהאלטן דעם פארדעכטיגטן, וועלכער איז שפעטער באפרייט געווארן דורך א געריכט אונטער שטרענגע באגרעניצונגען. עס ווערט אנגעמערקט אז די קלאגעס זענען דערווייל נאכנישט אויפגעוויזן געווארן אין געריכט.