א 61 יעריגע באס דרייווער איז אומגעקומען און 19 פאסאזשירן זענען פארוואונדעט געווארן, ווען א באס און א טראק האבן צוזאמגעקראכט אויפן שאסיי 91, צווישן מחניים און קיבוץ גדות.

דער טראק דרייווער איז שווער פארוואונדעט געווארן און אראפגעפירט געווארן מיט א מד״א העליקאפטער צו שפיטאל. די 18 באס פאסאזשירן האבן געליטן לייכטע וואונדן און זענען אריבערגעפירט געווארן צו זיו שפיטאל אין צפת.

די פאליציי האט געעפנט אן אויספארשונג איבער די אומשטענדן פונעם פאטאלן עקסידענט.