אידישע פירער קריטיקירן מאמדאני'ס באשלוס אויפצולעזן די NYPD פראטעסט יוניט
גאלערי
ווידעאס
שטורעם אין די אידישע קאמיוניטי נאך וואס מעיאר מאמדאני מעלדט איבער דאס אויפלאזן א ספעציעלע פאליציי אפטיילונג
ניו יארק סיטי מעיאר זאראן מאמדאני טרעפט זיך אונטער שארפע קריטיק פון פירער אין די אידישע קאמיוניטי, נאכדעם וואס ער האט געמאלדן אז די ספעציעלע 'SRG' (סטראטעגישע רעספאנס גרופע) אפטיילונג פון די ניו יארקער פאליציי דעפארטמענט וועט ווערן אויפגעלייזט. די יוניט איז ספעציעל אויסגעשטאט צו רעאגירן צו געוואלדטאטן ביי פראטעסטן און ערנסטע זיכערהייט טרעטס.
דער קאנטראווערסיאלער באשלוס קומט אין א צייט וואס עס איז דא א שטארקע זארג איבער די שרעקליכע העכערונג אין אנטיסעמיטיזם איבער ניו יארק סיטי, וואו אידישע איינוואוינער זענען אויסגעשטעלט געווארן צו כסדר'דיגע סטראשונגען און טשעפערייען דורכאויס די ווילדע אנטי-מדינת ישראל פראטעסטן.
אונטער דעם נייעם פלאן, וועלן די פליכטן פון די SRG יוניט ווערן איבערגעגעבן פאר אנדערע פאליצייאישע אפטיילונגען אינעם NYPD, אריינגערעכנט א ניי-געגרינדעטע דיוויזיע וואס וועט זיך אפגעבן מיט "קאמיוניטי דיאלאג און דע-עסקאלאציע" (בארואיגן אנגעצויגענע סיטואציעס דורך געשפרעכן).
קריטיקירער ווארענען אבער אז דאס אפשאפן די ספעציעלע יוניט קען שטארק אפשוואכן די מעגליכקייט פון די שטאט צו קענען געהעריג רעאגירן צו געפארפולע פראטעסטן, און עס וועט איבערלאזן די לאקאלע קאמיוניטיס אן קיין געהעריגע שוץ ווען עס פעלט זיך אויס.