גרויסע ניסים ווען זעלבסטמארד באמבע האט אויפגעריסן נעבן שוהל אין תל אביב

תל אביב - א אויפרייס האט אפגעהילכט אין די געגנט פון דרום תל אביב נאך וואס א באמבע האט אויפגעריסן פארנט פון די רשב"י שוהל אויף די לח"י גאס. 
דער וואס האט געטראגן די זעלבסטמארד באמבע איז געשטארבן און נאך איינער אויפן גאס האט געליטן פון שראפנעל וואונדן פון דער מאסיווע אויפרייס.

צום ערשט האט די פאליציי געמיינט אז דער אויפרייס איז א נקמה אקציע צווישן פארברעכערישע באנדעס אבער אצינד איז דער אינצידענט אונטער אויספארשונג, צו דער פארשוין איז געווען א טעראריסט וואס האט געטראגן אויף זיך א זעלבסטמארד וועסטל און האט געפלאנט צו דורכפירן א מאסיווע טעראר אטאקע אין א פארנומענע צענטער אין שטאט.

עס איז דערווייל אומקלאר וואס האט געפירט צו דער  פריצייטיגע אויפרייס אויף א נישט פארנומענע גאס, אבער פאליצייאישע אויספארשער זאגן אז עס איז א נס אז די מאסיווע זעלבסטמארד באמבע האט נישט אויפגעריסן צווישן מענטשן וואס וואלט געקענט אנברענגן מערערע פאטאליטעטן , ה"י.

קרעדיט: זעמל,