קול הנערים: הונדערטער ברסלב'ע קינדער פון איבער גאנץ ארץ ישראל ביי א מחאה קעגן גזירת הגיוס פארנט פון כלא 10
גאלערי
ווידעאס
הונדערטער ברסלב׳ער קינדער פון איבער ארץ ישראל זענען מאנטאג צוזאמגעקומען פארנט פון כלא 10 אין בית ליד, בראשות הגה״צ רבי יעקב מאיר שעכטער שליט״א, צו מתפלל זיין פאר די ארעסטירטע ברסלב׳ער בחורים און אברכים און אויסשרייען א מחאה קעגן גזירת הגיוס.
ביים מעמד זענען געזאגט געווארן תפילות און דברי חיזוק, און די קינדער האבן געזונגען ניגוני ברסלב. א באזונדער רירענדע מאמענט איז געווען ווען הרב יואל פוקס, מנהל פון די ברסלב׳ער מוסדות, האט אויסגערופן די נעמען פון די ארעסטירטע בחורים, און די קינדער האבן צוזאמען אויסגערופן: ״חזקו ואמצו!״
דער מעמד קומט אין א צייט ווען ברסלב׳ער חסידים זענען ארעסטירט געווארן אין פארבינדונג מיט זייערע נסיעות קיין אומאן אויף ראש השנה. לויט באריכטן זענען במשך חודש אלול און תשרי ארעסטירט געווארן מער ווי 250 ברסלב׳ער בחורים און אברכים.
משרד החינוך האט רעאגירט אז די באטייליגונג פון תלמידים אין פאליטישע פראטעסטן אלס טייל פון שולע־אקטיוויטעטן איז נישט ערלויבט, און אז דער ענין ווערט אונטערזוכט.
ארטיקל קרעדיט: נחמן
