די שטאט מאנסי און בפרט קהל יטב לב דסאטמאר, גרייטן זיך אויף מיטוואך פרשת כי תצא (ו' אלול), ווען כ"ק אדמו"ר מסאטמאר שליט"א ווועט ערשיינען בעירנו.

הנהלת הקהלה האט ארויסגעשטעלט א קלארן 'סדר היום' ווי אזוי עס וועט געפראוועט ווערן די יומא דהילולא פון מרן הגה"ק בעל "ייטב לב" זי"ע. די הופעת קדשו פון רבי'ן איז באשטימט געווארן אויף 4:00 נאכמיטאג.

באלד נאכן אנקומען אין ביהמ"ד הגדול וועט זיך אנהייבן די 'קבלת קהל' אינעם חדר הפרטי.

חסידים ואנשי מעשה וועלן האבן די ספעציעלע געלעגנהייט אריינצוגיין אל הקודש פנימה איבערצוגעבן קוויטלעך און פדיונות לקראת די ימי הרחמים והסליחות הבעל"ט.

די זמנים פאר די קבלת קהל לויפן פון 4:00 ביז 7:30 אין אוונט.

כדי צו האלטן אן ארדענונג האט די קהילה איינגעטיילט ספעציעלע צייטן; חברי 'אהבת קדומים' קענען אריינגיין ביז 5:00, און די וואס קומען אינאיינעם מיט די משפחות וועלן קענען אריינגיין ביז 6:00.

מנחה וועט זיין ארום 7:30, ארום  8:00 אזייגער, וועט דער רבי שליט"א אריינקומען צום עריכת השולחן הטהור לרגל די הילולא.

עס וועט סערווירט ווערן א סעודת רחבה פארן גאנצן ציבור.

די באטייליגטע וועלן זינגען ווארימע ניגוני דביקות והתעוררות ציזאמען מיט די משוררי הקהילה.

און דערנאך וועט זיין דער קלימאקס ווען דער רבי וועט משמיע זיין דברות קודש און הדרכה פאר די בני הקהלה.

תאו ואתכנשו להילולא דרבי.