קביעת מזוזה - ביי נייע פליגל ביהמ"ד דקיט"ל סאטמאר - שכונת ווינטשעסטער, קרית יואל

בהשתתפות כ”ק אדמו”ר מסאטמאר שליט”א אינאיינעם מיט נגידי משפחת גאלדבערגער

מה נהדר היה המראה! מלכות'דיגע ביקור איבער די גאסן פונעם שכונה ווען כבוד קדושת מרן רבינו שליט”א האט נאכן מעמד קביעת מזוזה אראפשפאצירט מיט די פמליא מלך ביפיו צווישן די גאסן פונעם שכונה צום מסיבת לחיים בבית ידידינו הר"ר יואל גאלדבערגער הי"ו מחשובי תושבי השכונה

בנדבת לבם איז אויפן פלאץ אפגעקויפט געווארן די שם המקוה דורך די בארימטע משפחת גאלדבערגער הנכבדה, הרה"ח ר' ישראל דוב שליט"א, ובנו החשוב הרבני הנכבד ר' אברהם יודא הי”ו, ובנו הרבני הנכבד ר' יואל ני"ו מחשובי תושבי שכונתינו הק’, וואס אין צוגאב צו די פולע לייסטונגען פאר די געגענט ביז אהער, האט דער נדיב החשוב אצינד מוסיף געווען מיט א סכום עצום אפצוקויפן דעם שם המקוה - וצדקתם עומדת לעד

עס איז צום האפן אז בעז"ה וועט די מקוה שוין זיין אין באניץ פאר די קומענדיגע ימים נוראים הבעל"ט, ישלם ה' פעלם בברכות כפולות מן השמים, בברכת כתיבה וחתימה טובה.