היינט, מאנטאג פ’ משפטים לסדר ואנשי קודש תהיון לי, האט הגה"צ אב"ד בית המדרש אבני צדק קרית יואל שליט"א ורב המקוואות בקרית יואל, צוזאמען מיטן הגה"צ אב"ד אלעסק שליט"א, באזוכט די מקוה טהרה ווי אויך די בתי מדרשים און קהילות אהבת השם אין טעמפא פלארידע. דער באזוך איז פארגעקומען אין א מקום וואו עס וואוינען שוין די לעצטע זעקס יאר א שיינער היימישער ציבור פון אידן יראים ושלימים, וועלכע פירן זייער לעבן בדרך התורה והמסורה,

בעת דעם באזוך איז דער רב שליט"א געווען טיף נתפעל פון דער שיינקייט, סדר און ריינקייט, ווי אויך פון דער ערנסטער אחריות פון די הנהלת המוסדות. בפרט האט ער אויסגעדריקט גרויס התפעלות פון דער מקוה טהרה , וועלכע ווערט געפירט מיט א מורא’דיקן אחריות אינטער די השגחה פון די לאקאלע'ן דיין ואב"ד הגה"צ ר' יושע הלוי הערשקאוויטש שליט"א, דער רב שליט"א האט באזונדער אויסגעלויבט דעם היימישן ציבור און די עסקנים הרה"ח ר' שמעון יחזקאל וויינשטאק הי"ו ושתפו הרה"ח ר' שלמה מייער הי"ו, וועלכע טוען מיט הארץ און נשמה, אין מסירת נפש, צו האלטן און אויפהייבן די הייליגע ענינים, און האט זיך אויסגעדריקט אז מען זעט קלאר ווי די ברכה רוהט אויף דעם מקום.

לסיום האט דער רב געגעבן דברי חיזוק און ברכה, אז דער ציבור זאל ווייטער מצליח זיין און בליען לתורה, עבודה וגמילות חסדים, און אז די מוסדות זאלן ווייטער דינען אלס א מקור פון קדושה, טהרה און חיזוק פאר אלע איינוואוינער און פאר די קומענדיגע דורות.