נעכטן זונטאג אווענט לסדר ‘מה טובו אהליך יעקב ומשכנותי”ך ישראל’ איז בסייעתא דשמיא פארגעקומען אַן אימפּאָזאַנטער זעלטענער ״מעמד לחיים וקנין זכותים״ בביתו נאוה קודש פון כ״ק מרן אדמו"ר מסאטמאר שליט״א צו אַן היסטאָרישער דאָפּעלטער נדבה עצומה פאַר מוסדות קרית יואל — כלילת יופי פון ממלכת סאטמאר האדירה! באותו זמן האט דער בונה ומקים הכביר, הרה”ח רבי חנני׳ יו״ט ליפא שלום פריעדמאן הי״ו געשאָנקן אַ נדבה עצומה פאַר די הייליגע מוסדות קרית יואל! מיט׳ן אַנטקעגן קומען מיט אַ קאָלאָסאַלער אַסטראָנאָמישער סכום עצום פאַר׳ן ״בנין יואל לאנדא״ הכביר ההולכת והנבנית אין קרית יואל המעטירה לכבודו פון ידיד נפשו, שר הצדקה והחסד בדורינו, בונה ומקים עולמות בכל קצוי תבל תפארת הנגידים הרב יואל לאנדא שליט״א נדיב שם הבנין ועמוד התווך ובריח הבנין להקים האי מגדל עוז בהוד ובתפארת מיט אַ הייליגן ציל צו בס”ד הייבן דעם קרוין פון די מוסדות רבינו הקדוש זי״ע בעיר שהקים במסירת נפש!

דער נדיב הדגול האט בשכר נדבתו אפגעקויפט אינעם בנין האדיר החדש דעם זכות היכל חדר האוכל לשמו ולזכותו פון אביו הדגול והנעלה, דער לעגענדאַרער סאַטמאַרער גענעראַל, הרב החסיד המפורסם רבי משה פריעדמאן שליט״א, משמש בקודש, ויקרא על שמו ולזכותו לשם ולתהלה היכל משה פריעדמאן משב״ק

אין דער זעלבער צייט, בו בזמן, האט דער נדיב הכביר בסייעתא דשמיא געשאנקען נאָך אַ מולטי-מיליאָן דאָלערדיגע פאַנטאַסטישע נדבה פאַר מוסדות קרית יואל, אָפּצוקויפן דעם זכות נצחי, פונעם גאַנצן מולטי-אַקערלאַנד שטח המוסדות אויף לאַרקין דרייוו וואו העכער 3,000 קינדער ווערן נתחנך בדרך ישראל סבא דער גאַנצער שטח וועט מהיום והלאה בעז”ה גערופן ווערן במתנת חלקו של מש״ה: שיכון משה פריעדמאן משב״ק - MOSHE GABBA DRIVE צו פאַראייביגן מעשי תקפו וגבורתו פון זיין העלדישער מסירת נפש פאַר סאַטמאַר בכלל, און פאַר קרית יואל בפרט, וואָס ווערט איינגעקריצט מיט גאָלדענע אותיות, לדורות יבואו, לעד ולנצח!