אין די יעצטיגע טעג קומט פאר א גרויסארטיגע קאמפיין פאר ישיבת 'אור החיים' קרית יואל יצ"ו,

די ישיבה איז איינער פון די סאטמאר'ע ישיבות קטנות אין קרית יואל און פירט זיך מיט אלע פארשריפטן ווי א סאטמאר'ע ישיבה על דרך הסלולה לנו מרבותינו הקדושים תחת דגלו והדרכתו פון כ"ק מרן רבינו הגה"ק שליט"א,

די ישיבה איז געגרינדעט געווארן פיר יאר צוריק בשנת תשפ"א בעצתו ובעידודו פון מרן רבינו שליט"א און ווי יעדער ווייסט איז עס גאר נאנט ללבו הטהור,

רבינו שליט"א האט זיך שוין עטליכע מאל אויסגעדרוקט פאר אידן וואס זענען עוסק אינעם פעלד פון חינוך: "איר ווילט מצליח זיין אין פירן א ישיבה? גייט געט א קוק אין ישיבת אור החיים",

מ'זעהט כסדר ווען רבינו שליט"א קומט באזוכן די ישיבה, וואו ער קוקט זיך צו מיט גרויס קורת רוח ווי די תלמידי הישיבה שטייגן אויף א מורא'דיגע פארנעם, און דער רבי שעפט נחת דקדושה וויאזוי ס'האט זיך אויסגעשטעלט די ישיבה אז מ'קען דערהייבן די בחורים אויף אזא מורא'דיגע הויכע ניווא.

די ישיבה איז ווי באקאנט גאר אויסגעצייכנט אין זיך אפגעבן מיט יעדע בחור עקסטער, מ'באציט זיך צו יעדע תלמיד ממש ווי א בן יחיד, און מ'לייגט אריין גאר שטארקע כוחות אויפצובויען יעדן בחור אז ער זאל קענען אויסנוצן זיינע כשרונות וואס דער אויבערשטער האט אים געגעבן, די הנהלת הישיבה געט אוועק צייט כח און מח אז יעדע איינציגסטע בחור זאל מצליח זיין אויסערגעווענליך, יעדער כפי יכלתו וכפי כוחותיו, וואס צוליב דעם האט מען ספעציעל צוטיילט די בחורים אין קלענערע כיתות זיכער צו מאכן אז קיין איין בחור פאלט נישט ארויס.

עס קענען מעיד זיין אלע עלטערן וועלכע האבן געהאט תלמידים אין דעם ישיבה אז די בחורים קומען ארויס אינגאנצן אנדערש לטב ולמוטב, נאך דריי יאר זיצן בין כותלי הישיבה איז מען געטוישט מן הקצה אל הקצה, עד אין שיעור ואין ערך - כותלי הביהמ"ד יוכיחו.

מ'קען דערקענען אויף א בחור די איידלקייט, די דרך ארץ, די מידות טובות, די התמדה בתורה, די עבודת התפילה ועוד ועוד, אז ער איז א תלמיד אין ישיבת אור החיים - הכרת פניהם ענתה בהם.

א שטארקע דגוש ווערט געלייגט אריינצולייגן אהבת תורה ויראת שמים אין די חשוב'ע בחורים, מ'שיינט אריין א "לעכטיגקייט" אין אידישקייט, א "לעכטיגקייט" אין לערנען, א "לעכטיגקייט" אין לעבן און אין אלע הינזיכטן.

די לימוד התורה וואס קומט ארויס פון דעם מקום איז א שם דבר אינעם גאנצן שטאט, די שמועות טובות דערגרײכן פיל ווייטער אינדרויסן פון די גרעניצן פון עיר הצדק קרית יואל,

די הצלחה פון דעם ישיבה איז פיל מער ווי ערווארטעט, און עס גלייבט זיך נישט אז אין די פיר יאר האט זיך עס שוין אויפגעבויעט אזא גוטע נאמען אז פילע בחורים רייסן זיך אריינצוגיין אהין, די הנהלת הישיבה אליינס איז ערשטוינט פון די אויסטערלישע הצלחה אבער זענען מוכן ומזומן ווייטער צו גיין מיט א גרייטקייט פאר וואס ס'וועט זיך אויספעלן פאר די הצלחה פון די תלמידי הישיבה.

אין די לעצטע שטיק צייט מוטשעט זיך די הנהלת הישיבה מיט אומגעהויערע סכומים וואס ליגט אויף זייערע פלייצעס צו שאפן, ס'איז דא א דעפיציט פון איבער $50,000 א חודש, און מ'דארף צוקומען צו די הילף פון יעדעם איינעם.

דעם קומענדיגן מיטוואך און דאנערשטאג פרשת בלק קומט פאר א גרויסארטיגע קאמפיין וואו מ'וועט בעזרת השם אוועקשטעלן א יסוד איתן פאר'ן ישיבה למען יעמדו ימים רבים.

די שטיצע פון יעדעם איינעם וועט אסאך אויסמאכן זיך צו קענען אוועקשטעלן אויף די פיס אז די הנהלת הישיבה זאל ווײטער קענען אנגיין מיט די עבודת הקודש פאר די הצלחה פון די תלמידים.

אנשי שלומינו תלמידי וחסידי סאטמאר אלטוועלטליך ובפרט תושבי קרית יואל וועלן טוהן אלעס וואס מעגליך צו לינדערן דעם שווערן עול פון די הנהלת הישיבה,

יעדע סאטמאר'ע יונגערמאן פילט פאר א זכי' צו שטיצן אזא הייליגע ישיבה און ס'איז ערווארטעט צו שאפן אין די קומענדיגע פאר טעג ריזיגע סכומים כדי שלא יחסר המזג.

אן עקסטערע געלעגנהייט ווערט געגעבן פאר אלע וואס ווילן אפקויפן די זכות פון א שעה לימוד התורה אינעם ישיבה פאר $180, און א תלמיד חכם מיקירי ירושלים וועט פארליינען אייער קוויטל און אייך מזכיר זיין להיפקד בדבר ישועה ורחמים ביים ציון פונעם אור החיים הקדוש ביומא דהילולא קדישא,

פאר די קלענערע בעלי יכולת ווערט אויך געגעבן די געלעגנהייט צו קענען שיקן א קוויטל פארצוליינען ביים ציון ביומדה"ל פאר $72.

רופט שוין די טעלעפאון ליין פונעם קאמפיין צו געבן אייער שטיצע אויף: 845-261-4999,

און אין דעם זכות זאלט איר זוכה זיין צו אלע השפעות טובות.