לעיקוואד - בד"ה: ליידער דארפן מיר מעלדן די ביטערע נייעס אז א קליין מיידל פון בלויז צוויי חדשים אלט איז ליידער פריער נפטר געווארן נאכן איבערגעלאזט ווערן אין א הייסע קאר, אינדערצייט וואס די וועטער אינדרויסן האט דערגרייכט ביז די מיטעלע ניינציגער,

דאס קליין מיידל חנה אהובה חייטאווסקי ע"ה איז אפגעפונען געווארן אום 1:45 מיטאג אין א קאר אינדרויסן פון כולל חשק שלמה, הצלה וואלונטירן האט פראבירט צו ארבעטן אויף איר אבער עס איז שוין ליידער געווען צו שפעט.

דער אינצידענט קומט בלויז עטליכע טעג נאך וואס א ענדליכע אינצידענט איז פארגעקומען אין האועל ווי א קינד איז איבערגעלאזט געווארן אין א הייסע קאר דורך די מאמע וואס איז געגאנגען איינקויפן, דעמאלטס איז דאס קינד מיט ניסים צוריקגעברענגט געווארן,

הצלה האט ווידעראמאל ארויסגעשטעלט א סטעיטמענט צו ווארענען עלטערן אז יעדעס מאל מען גייט ארויס פון די קאר זאל מען זיכער מאכן אז מ׳לאזט ח”ו קיינעם נישט איבער.

יה"ר שלא ישמע עוד שוד ושבר בגבולינו ושנשמע ונשבשר בשורות טובות.