מיט פארקלעמטע הערצער און שווערע געמיטער ווערט אויפגענומען די ביטערע בשורה יוצא משערי עיה"ק ירושלים, איבער די הסתלקות לשמי מרום פון האי גאון וצדיק מזקני האדמורי"ם והמקובלים כ"ק אדמו"ר מפאריסוב הגה"צ רבי חנניה יוסף עקיבא ראבינאוויטש זצוקללה"ה, וועלכער איז דעם שב"ק נסתלק געווארן אין טיפן עלטער פון 85 יאר. די פטירה פונעם פאריסובער רבי'ן רופט ארויס גרויס טרויער ביי שלומי אמוני ישראל עדת חסידי פאריסוב וואס האבן זוכה געווען לחסות בצל קדשו. באזונדער איז זיין הסתלקות אן אבידה שאין לה תמורה פארן עולם הקבלה באוויינענדיג די ביטערע אבידה פון האי גאון בתורת הקבלה, מייסד רשת הכוללים 'דרכי צדק' ללימוד תורת הקבלה. די מסע הלוי' איז פארגעקומען היינט מוצאי שבת אום 11:00 אויפדערנאכט פארענט פון רחבת בניני העדה החרדית אויף כיכר זופניק אויפן וועג צום הר המנוחות ווי די רבי זצ"ל איז געברענגט געווארן למנוחת עולמים. וכל בית ישראל יבכו את השריפה אשר שרף ה'.

ובכן בך יכתירו: היינט אויפדערנאכט ביים מסע הלויה פון כ"ק אדמו"ר מפאריסוב זצוק"ל האט אחיו הגדול להבחל"ח האדמו"ר ממשכנות הרועים שליט"א מכתיר געווען בנו הגדול הרה"צ ר' אברהם ראבינאוויטש שליט"א לכהן תחת אביו אלס אדמו"ר מפאריסוב אנצופירן ווייטער דאס ביהמ"ד, דעם רבינ'ס צווייטע זון הרה"צ ר' הלל ראבינאוויטש שליט"א וועט ארויפגיין על כס ההנהגה במקום מושבו אין ניו יארק און פירן דעם פאריסוב'ער ביהמ"ד אין בארא פארק. יאריכו ימים על ממלכתם.

קרעדיט אידישע נייעס