א איד דערציילט: די סאמע ערשטע פאר וואכען ווען דער רבי איז אנגעקומען קיין ניו יארק האט ער געוואוינט אין בארא פארק אויף 46 צווישען 13 און 14 עוועניו. איך בין אסאך מאל געווען דארט. איך געדענק איינמאל דארט א ספירה ציילען, עס איז נישט געווען מיט קיין קולות, אבער מען האט געקענט שפירען דער פייער. עס האט געשטאכען אין הארץ.

כידוע, איז ביי אים נישט געווען קיין זמן פאר טאג אדער נאכט.

מיין ברידער אז איינמאל אהינגעגאנגען א מוצאי שבת בערך האלב נאך איינס ביינאכט און ער האט געהאלטען ביי קריאת התורה פון שבת מנחה.