עס האט איינעם רח"ל אפגעווארט אסאך יארן תפיסה, איז ער אריבער צום רבין האט דער רבי אים געהייסן אריינגעבן א בקשה, אז מ'זאל אפשטופן דעם טאג אין וועלכ'ן דער געריכט דארף ארויסגעבן דעם אורטייל. דער געזעץ איז דאן געווען אז אויב ווערט דער דאטום פונעם אורטייל אפגעשטופט ווערט עס אינגאנצן בטל און ארויסגעווארפן, ווייל דאס איז א באווייז אז עס זענען נישטא גענוג באווייזן צו באשולדיגן דעם פאראורטיילטן (ווייל אויב יא, פארוואס שטופט מען אפ דעם פסק). עס איז אבער קיינמאל נישט געהערט געווארן אזא זאך, אז מ'זאל נאכגעבן אזא פארלאנג, אפצושטופן אן אורטייל. דער איד האט געפאלגט דער רבי, און ער האט דורך זיין אדוואקאט אריינגעגעבן אזא פארלאנג. עס איז אבער צוריק געוויזן געווארן. א טאג איידער דער אורטייל האט געדארפט ארויסגעגעבן ווערן, האט מען אים אבער מודיע געווען, אז מען האט אפגעשטופט דעם אורטייל! (וואס דאס מיינט אז עס ווערט אינגאנצן בטל!) דער אדוואקאט האט זיך דאן אויסגעדריקט: - אין די היסטאריע איז נאך אזא זאך נישט געווען!