פארלאפענעם מוצאי שבת, איז ר' זושא לעווי נ"י אריבערגעגאנגען נאך מעריב צו הרה"צ ידיד 'רופא חולים' רבי אלימלך בידערמאן שליט"א, וועלכער האט געפראוועט אין ירושלים, כדי צו זאגן א "גוטע וואך". ווי נאר ר' מיילעך שליט"א האט אים באמערקט *האט ער אים גלייך גערופן אין א זייט און אנגעהויבן צו דיסקוסירן געוויסע קעיסעס וואס ער האט לעצטנס געשיקט צום אפיס פון 'רופא חולים ירושלים'*, ער האט בכלל געוואלט אזוי הערן וואס עס טוט זיך מיט לעצטיגע חידושים בעולם הרפואה, און ער האט שטארק ארויסגעברענגט זיינע געפילן *וואס RCCS מיינט פאר חולי ישראל ה"י*.

ר' זושא האט אים דערביי געזאגט, אז די דאקטוירים אין 'הדסה שפיטאל' האבן זיך לעצטענס אויסגעדרוקט, אז די פאציענטן וואס ווערן באגלייט דורך RCCS האבן ב"ה פיל בעסערע רעזולטאטן. דערויף האט ר' מיילעך געזאגט: *"ווען אין הימל זעט מען וויאזוי איין איד טוט און זארגט פאר א צווייטן – אוודאי טוט מען השתדלות – אבער דער עצם פאקט אז מ'באגלייט אידישע קינדער, מ'רעדט צו זיי מיט אזא ווארימקייט און מ'אינטערעסירסט זיך אין זייער וואוילזיין, דאס מאכט אזא געוואלדיגן רעש אין הימל, אז דאס אליין ברענגט די רפואות פאר די חולים".*

יבטל כל הגזירות!