Loading

יארצייט - מיטוואך כ"ח ניסן. הרה"ק רבי יהושע ב"ר שלמה יהודה לייב זי"ע, בעל תולדות אדם, מאוסטראובה.

כ"ח ניסן תשפ"ג

0 592
Main image for יארצייט - מיטוואך כ"ח ניסן.  הרה"ק רבי יהושע ב"ר שלמה יהודה לייב זי"ע, בעל תולדות אדם, מאוסטראובה.

הרה"ק רבי יהושע מאוסטראובה בעל תולדות אדם זי"ע,

איז געבוירן חנוכה תקע"ט. 

צו זיין טאטע הרה"ק רבי שלמה יהודה לייב מלענטשנא זי"ע,

בן הצדיק נסתר הרה"ק רבי ברוך מביקובסק זי"ע. 

און צו זיין מאמע הרבנית הצדקת מרת שרה פייגא ע"ה. 

ער איז געווען א איש קדוש, 

נהג בקדושה ובפרישות, און ער איז גערופען געווארן איש אמת. 

ער פלעגט זיך אויסדריקען, 

דא מענטשן וואס האבן ליב דעם אמת ווייל עס העלפט זיי, דא וואס האבן ליב דעם שקר און זיי מיינען אז עס העלפט זיי, ביידע האבן ליב זיך אליין אבער נישט די אמת אדער די שקר, אבער א איש האמת האט ליב דעם אמת ווייל דאס איז חתמו של הקב"ה און אפילו עס ברענגט אים גארנישט. 

די טאטע האט געזאגט אז ער האט ממשיך געווען פארן זוהן די נשמה פון רבי יהושע בן פרחיה, און מעיד געווען אז זיין צורה איז געווען כצורות המגיד הגדול ממעזריטש זי"ע.  

הרה"ק רבי צדוק הכהן מלובלין בעל פרי צדיק זי"ע, האט מעיד געווען אויפן רבין שהוא נוטר ברית קודש. 

ער האט חתונה געהאט מיט די טאכטער פון הגה"ק רבי צבי מנחם מייזליש מקראקוב בעל זכרון צבי מנחם זי"ע. 

ער איז געווען א תלמיד פון זיין טאטן זי"ע, ומהרה"ק בעל שר שלום מבעלזא זי"ע, וואס האט אים מורא'דיג מחבב ומקרב געווען. 

אויך איז ער געפארן צו אסאך צדיקי דורו ובתוכם,

הרה"ק מווארקא זי"ע,

והרה"ק מקאצק זי"ע,

והרה"ק מרוז'ין זי"ע,

והרה"ק מפרמישלאן זי"ע,

והרה"ק מנעשכיז זי"ע,

והרה"ק מקוברין זי"ע וואס אים האט ער געהאלטן אלס זיין רבו מובהק, און געזאגט מיין הארץ איז אין קאברין. 

זיין טאטע האט געזאגט אז עס איז נישט קיין פלא אז ער פארט צו די אלע צדיקים וויבאלד ער האט געהאט די נשמה פון רבי יהושע בן פרחיה וואס האט געזאגט אין משנה אבות "עשה לך רב".

נאך די פטירה פונעם טאטן זי"ע האט ער ממלא מקום געווען אין שטאט לענטשנאי און פון דארט איז ער אריבער קיין סוסנוביץ, און דענאך איז ער געווארן רב אין שטאט אוסטרובה ווי ער איז געבליבן ביז צו זיין פטירה.  

ער האט מרביץ תורה געווען פאר אסאך תלמידים, 

און טויזנטער אידן זענען זיך געקומען מסתופף זיין בצלו און מיטהאלטן זיין עבודת הקודש. 

איז געווען א איד א חסיד וואס פלעגט אסאך קומען צום רבין, איינמאל האט דער איד געהאט שווערע צרה און ער איז געגאנגען צו הרה"ק מקאצק זי"ע, האט אים דער קאצקער געפרעגט פארוואס ער גייט נישט צו זיין רבין הרה"ק מאסטרובה, האט דער איד געזאגט אז פאר קליינע צרות גייט מען צו קליינע רבי'ס און פאר גרויסע צרות גייט מען צו א גרויסע רבי. 

האט דער הייליגער קאצקער זי"ע געזאגט די פארשטייסט נישט אפילו צו דיין קליינע רבי, וועל איך דיר דערציילן. 

אין הימל האבן אלע צדיקים מסכים געווען אז מען זאל ברענגען משיח. 

אפילו עס וועט קאסטען אסאך אידיש בלוט, האט דיין קליינער רבי זיך אויפגעשטעלט און געזאגט אז ער איז נישט מסכים אז משיח זאל קומען אויף די וועג אז עס זאל קאסטן אידיש בלוט, און אלע צדיקים בעולם העליון האבן געמיזט זיך מכניע זיין פאר דיין קליינע רבי. 

זיינע הייליגע דברי תורה זענען געדריקט געווארן אונעם ספר תולדות אדם וואס איז געדריקט געווארן אין יוזעפף. 

ער האט איבער געלאזט א בת יחידה הרבנית רחל לביאה ע"ה, אשת הרה"ק רבי יצחק יעקב רבינוביץ בעל דברי בינה זי"ע, בן הרה"ק רבי נתן דוד משידלובצא זי"ע, נכד הרה"ק היהודי הקדוש מפשיסחא זי"ע, וואס האט ממלא מקום געווען במקום פון זיין שווער.  

נסתלק לגנזי מרומים ערת שבת קודש כ"ח ניסן תרל"ג. 

ומנוחתו כבוד איז אין ביה"ח אין שטאט ווארשא,

זכותו הגדול יגן עלינו 

ועל כל ישראל אמן.

מתורתו של רבינו זי"ע.

ויוסף אברהם ויקח אשה ושמה קטורה ותלד את זמרן ואת יקשן ואת מדן. 

ופרש"י ז"ל: 

קטורה זו הגר ונקראת קטורה ע"ש שנאים מעשיה כקטורת ושקשרה פתחה שלא נזדווגה לאדם מיום שפירשה מאברהם. 

פירוש, ויוסף אברהם היינו שאברהם היה בחינת החסד והיה הולך במדה זו תמיד ממדריגה למדריגה כמאמר הכתוב הלוך ונסוע הנגבה ולזה אמר ויוסף אברהם אפילו אותו שהיה מבחינות גבורות קשות מ"מ קרבן אברהם אבינו ע"ה תחת כנפי הקדושה. 

וזה אמר ותלד לו את זמרן וכו'. 

כי גר שנתגייר כקטן שנולד דמי. 

זמרן ויקשן שמות הללו מודים על קשות הגבורה שהיה בהם, יקשן מלשון קשה, וזמרן לשון כריתה וכן כולם. 

מכל מקום עשה עותם בבחינות הולדה כנ"ל. 

וזה ותלד לו וכו'. 

(תולדות אדם)

לערן א משנה און צינד אן ליכט לעילו נשמת: 

הרה"ק רבי יהושע ב"ר שלמה יהודה לייב זי"ע 

די זכות פונעם צדיק 

וועט זיכער מיגן זיין.

הַנּוֹתֵן לְפֻנְדָּקִית, מְעַשֵּׂר אֶת שֶׁהוּא נוֹתֵן לָהּ, וְאֶת שֶׁהוּא נוֹטֵל מִמֶּנָּה, מִפְּנֵי שֶׁחֲשׁוּדָה לַחֲלֹף. 

אָמַר רַבִּי יוֹסֵי, אֵין אָנוּ אַחֲרָאִין לָרַמָּאִין, אֵינוֹ מְעַשֵּׂר אֶלָּא מַה שֶּׁהוּא נוֹטֵל מִמֶּנָּה בִּלְבָד:


צו זעהן יעדן טאג א שיינע באשרייבונג אין אידיש פון א יארצייט פון א צדיק, 

אויף וואטס אפ דרוקט דא 

https://chat.whatsapp.com/FgBA9sHhLTn8S8WNHIQo2d