Loading

באריכט: געהויבענע שבת פאריבער אין סאטמאר מאנטרעאל בראשות הגה"צ אבדק"ק סאטמאר וומסב"ג שליט"א

י"ד אייר תשפ"ד

0 618
Main image for באריכט: געהויבענע שבת פאריבער אין סאטמאר מאנטרעאל בראשות הגה"צ אבדק"ק סאטמאר וומסב"ג שליט"א

= שבת קודש פרשת אמור ~ יום ג' של הנסיעה הרוממה לעיר מאנטריאל =

ארום 8:40 איז הגה"צ אבדק"ק ור"מ שליט"א אריינגעקומען בהיכל בית מדרשינו

הגדול אין מאנטריאל צו תפילת מנחה,

בעל תפילה: הגה"צ גאב"ד דקהילתינו הק' מאנטריאל שליט"א,

בעל תפילה קב"ש ומעריב: הרה"ח ר' משה גאלדשטיין - ק"י,

נאך תפילת מעריב האט הגה"צ גאב"ד דקהלתינו שליט"א געציילט ספירה פאר'ן עמוד,

נאכ'ן דאווענען איז דער ציבור אריבער זאגן גוט שבת פאר'ן רב שליט"א,

מען האט געענדיגט ארום 10:10,

און דער רב שליט"א איז אריין בחדר הפרטי.

= סעודת ליל שבת קודש =

ארום 10:50 איז דער רב שליט"א אריינגעקומען בהיכל הביהמ"ד צום סעודת ליל

שב"ק וואו דער רב שליט"א האט מעריך געווען די סעודתא דחקל תפוחין קדישין

פאר איבער דריי שעה נאכאנאנד אינאיינעם מיט די אריבער הונדערט בחורי אנשי

שלומינו,

דער רב שליט"א האט דורכאויס דעם גאנצן סעודה אנגעפירט מיט די ניגונים

לבית סיגוט-סאטמאר מיט א ברען,

דורכאויס די סעודה האט דער רב שליט"א משמיע געווען דברי תורה וסיפורי

צדיקים פיר מאל, מיט אן התלהבות אש קודש אריינגעבנדיג א נעימות'דיגער טעם

שבת קודש.

דער רב שליט"א האט אנגעהויבן שלום עליכם בהתלהבות אש קודש אריינשלעפנדיג

דעם גאנצן ציבור מיט אן אש להבה,

הגבהת הכוס לקידוש: הרה"ח ר' שלום אליעזר פרענקל הי"ו - גזבר קהילתינו הק' וומ"ס,

נאך די פיש האט דער רב שליט"א משמיע געווען דברי תורה אויף די פרשת השבוע,

דער רב שליט"א האט זיך געשטעלט אויפ'ן פסוק 'אמור אל הכהנים בני אהרן'

וואס די מדרש זאגט 'זה שאמר הכתוב יראת ה' טהורה עומדת לעד',

דער רב שליט"א האט ארויסגעברענגט אז מ'דארף אפהיטן דעם דיבור אום שבת

קודש, ווייל אזויווי מ'זעהט ביי אהרן הכהן וואס איז געווען 'אוהב שלום

ורודף שלום', אז זיין דיבור איז מקויים געווארן ווען ער האט געזאגט פאר

ראובן אז שמעון וויל זיך איבערבעטן מיט אים, די זעלבע זאך ביום השבת

ווערן מקויים די דיבורים וואס מ'זאגט, ממילא טאר מען נישט רעדן קיין

דברים בטלים און שבת,

און אזוי אויך איז די דאווענען שבת מיט א אמת'דיגקייט, ווייל די דיבור

געשעהט, ווען מ'זאגט 'נפשנו חכתה לשם' איז עס מיט אן אמת, ווייל אפי' אן

עם הארץ איז אימת שבת עליו, און דאס מיינט א טעם אין א שבת, נישט די

דיפ'ס נאר די נשמת און די עבודת השבת, ממילא דארף מען זען צו לערנען שבת

פאר'ן דאווענען כדי צו קענען צוקומען צו דעם.

מיט כל מקדש האט דער רב שליט"א מכבד געווען דעם בעל אכסניא הרה"ח ר' ברוך

מרדכי אבערלענדער הי"ו חבר הנהלת הכולל,

דערנאך האט דער רב שליט"א פארציילט עובדות וסיפורים פונעם הייליגן

ראפשיצ'ער רב זי"ע בעל זרע קודש וואס די יארצייט געפאלט דעם קומענדיגן

זונטאג - י"א אייר.

מנוחה ושמחה האט דער רב שליט"א אליינס אנגעהויבן,

דערנאך האט דער רב שליט"א משמיע געווען דברי דרוש על הפרשה און געזאגט

נאך צוויי מהלכים אינעם אויבנדערמאנטן מדרש,

1) אז נדב ואביהוא זענען נפטר געווארן דורכדעם וואס זיי זענען

אויסגעגאנגען פון אהבה פאר'ן באשעפער, און ממילא דארף מען אייביג האבן

אביסל יראה כדי מען זאל נישט אויסגיין פון אהבה צום אויבערשטן,

2) אז מ'לערנט פאר'ן דאווענען, איז דאס שוין א חלק פון תפילה, אזויווי

ביי איינער פון די צדיקים וואס האט געזאגט פאר א איד אז ער זאל קומען צו

אים פאר'ן דאווענען, און ער איז געקומען אינמיטן לערנען, האט ער אים

געזאגט איך האלט שוין אינמיטן דאווענען,

דאס איז פשט אין מדרש, וויאזוי קען מען זוכה זיין צו יראת שמים, דורך

'עומדת' לשון תפילה.

דערנאך האט מען ממשיך געווען מיט די באטע וואו עס זענען זיך צוזאמגעקומען

הונדערטער אנ"ש תושבי העיר זקנים עם נערים זיך אנצוווארעמען בקדושות

השבת,

דער רב שליט"א האט פאר א לענגערע צייט ממשיך געווען מיט ניגוני שב''ק

בדביקות עילאה,

ביים באטע האבן זיך באטייליגט צווישן אנדערע הגה"צ גאב"ד דקהילתינו

שליט"א, הגה"צ ר' יוחנן סג"ל וואזנער שליט"א - ראב"ד סקווירא, הגה"צ אב"ד

טריסק מאנטריאל שליט"א, הרה''ג ר' יחיאל מיכל מאסקאוויטש שליט''א - אב''ד מעליץ מאנטריאל, הרה''ג ר' יעקב יוסף וואזנער שליט''א - מו''ץ בק''ק סקווירא, און נאך פילע רבני ודייני העיר, דער רב שליט"א האט

מכבד געווען די רבנים מיט לחיים און ווארעם אנגעוואונטשן מיט ברכות לרוב.

קה אכסוף: הגה''צ ר' יוחנן וואזנער שליט"א – ראב"ד סקווירא,

ויהיו רחמיך: הרה"ג ר' משה ווערצבערגער שליט"א,

דערנאך האט דער רב שליט"א פארציילט נאך עובדות וסיפורים פונעם הייליגן

ראפשיצ'ער רב זי"ע,

דערנאך האט דער רב שליט''א מכבד געווען דודו הגה''צ גאב"ד דקהילתינו

שליט''א צו משמיע זיין דברי תורה, און דער רב האט משמיע געווען קורצע

דברי תורה און פארציילט עטליכע מעשיות פונעם הייליגן ראפשיצ'ער רב זי"ע

לרגל דעם יארצייט.

צמאה נפשי: הרה"ג ר' יעקב יוסף וואזנער שליט"א - מו''ץ בק''ק סקווירא,

ברכת המזון: הרה"ג ר' מענדל ווערצבערגער שליט"א - דומ"ץ דקהילתינו הק'.

דערנאך האט מען אויפגעגעבן פירות,

דער רב שליט"א האט טועם געווען ווען בשעת מעשה האט דער ציבור געזינגען

ניגוני דביקות,

דער רב שליט"א האט פארטיילט פון די פירות פאר די פרישע חתנים החתן יואל

ב"ר ישכר בעריש גראס ני"ו, החתן דוב ב"ר יואל איצקאוויטש ני"ו, החתן יוסף

ב"ר יואל הכהן גאלדמאן ני"ו, החתן ישראל ב"ר יואל אקערמאן ני"ו, החתן משה

ב"ר יואל לאנדא ני"ו, החתן יואל הערש ב"ר משה נתן קטינא ני"ו, און זיי

אנגעוואונטשן ברכות לרוב,

דערנאך האט דער רב שליט"א פארטיילט פירות פאר די עסקני השבת מוה"ר יעקב

יושע פאלאטשעק הי"ו, און מוה"ר מענדל וואלף שטערן הי"ו, דער רב שליט"א

האט זיי באדאנקט און אנגעוואונטשן ברכות לרוב,

דערנאך האט מען פארטיילט פאר'ן גאנצן ציבור,

אז ביום השביעי: הרה"ג ר' מיכל מאסקאוויטש שליט"א,

מ'האט געענדיגט ארום 2:00,

און דער רב שליט"א האט פארלאזט דעם בנין הביהמ"ד אויפ'ן וועג לבית

האכסניא אין באגלייטונג פון פילע בחורי חמד וואס האבן זיך נישט געקענט

געזעגענען נאך אזא געהויבענע סעודה,

מען ארומגערעדט בדברי תורה וסיפורי צדיקים, און אין די קשיא וואס דער רב

שליט"א האט איבערגעלאזט פאר די בחורים פרייטאג.

וביום השבת.

אינדערפרי איז הגה"צ אבדק"ק ור"מ שליט"א געגאנגען אין מקוה, דער רב

שליט"א האט זיך באנוצט מיט'ן פריוואטן מקוה בבית הרבני הנגיד ר' רפאל

הערצאג שליט"א.

ארום 9:20 איז דער רב שליט"א אריינגעקומען אין חדר אהל שמעי' בבית

מדרשינו הגדול צום חברת תהלים פון די ילדי אנ"ש,

הר"ר מענדל גוטמאן שליט"א מנהל חברת תהלים האט אויפגעטרעטן מיט קורצע

ווערטער ארויסברענגענדיג פאר די קינדער די גרויסע זכיה וואס די גאנצע

קהילה האט דעם שבת אז דער רב שליט"א האט זיך מטריח געווען און געקומען

פראווענען א שבת מיט די קהילה און יעצט האבן די קינדער די זכיה אז דער רב

שליט"א וועט משמיע זיין דברי הדרכה וואס זיי וועלן מיטנעמען אויף א גאנץ

לעבן

דער רב שליט"א האט מיטגעזאגט א קאפיטל תהלים מיט די קינדער,

און דערנאך משמיע געווען קורצע דיבורים וואו דער רב שליט"א האט

ארויסגעברענגט די חשיבות פון תהלים, ובפרט דא וואס ס'איז די גרעסטע

מדריגה אין אלע דריי, עולם - ס'איז אין ביהמ"ד, שנה - ס'איז אום שבת און

נאכדערצו שבת צופרי, נפש - ס'איז תינוקות של בית רבן,

יעקב אבינו האט געזאגט תהלים די גאנצע צייט וואס ער איז געווען בבית לבן,

אבער שבת צופרי האט ער צוזאמגענומען די גאנצע משפחה צו זאגן תהלים,

און צוגעענדיגט מיט ברכות לרוב.

אום 9:30 איז דער רב שליט"א אריינגעקומען בהיכל בית מדרשינו הגדול צו תפילת שחרית,

בעל תפילה פסוקי דזמרה: הר"ר מרדכי וועבערמאן שליט"א - מלמד במוסדותינו הק',

דער רב שליט"א איז צוגעגאנגען צו תפילת שחרית און פארגעזאגט הכל יודוך

פסוק בפסוק כמנהג סיגוט,

ביים ליינען זענען נתכבד געווארן:

הוצאה והכנסה: הרה"ח ר' דוד שמעון פראמאוויטש הי"ו - וומ"ס,

פסוקי שמע ישראל: הרה"ח ר' יעקב יושע פריעדמאן הי"ו - וומ"ס,

בעל קורא: הרב יצחק נח פערלמוטטער שליט"א,

כהן: הרה"ח ר' שלום שווארץ הי"ו,

לוי: הרה"ח ר' משה ישעי' ווערצבערגער הי"ו - ראה"ק,

שלישי: הרה"ח ר' משה גאלדשטיין הי"ו - ק"י,

רביעי: הר"ר אהרן משה שווארץ שליט"א,

חמישי: הרה"ח ר' שמואל דוד מארקאוויטש הי"ו - וומ"ס,

שיש: הגה"צ אבדק"ק ור"מ שליט"א,

שביעי: הר"ר יחזקאל יואל סאמעט שליט"א - ק''י,

הוספות: הרה"ח ר' שלום אליעזר פרענקל הי"ו - גזבר קהילתינו הק' וומ"ס,

מו"ה וואלף סאמעט הי"ו - בעל ברית,

אחרון: הרה''ח ר' יוחנן מאנן הי"ו חבר הנהלת ישיבת דרך התורה - ק"י,

מפטיר: הרה"ח ר' ישראל בלייער הי"ו,

הגבה: הרבני הנגיד ר' יצחק צבי קליין הי"ו - וומ"ס,

גלילה: מוה"ר יושע הערש גאלדבערגער הי"ו חבר הנהלת ישיבת דרך התורה - ק"י,

בעל תפילה מוסף: הרה"ח ר' ישראל בלייער הי"ו,

פתיחה לאנעים זמירות: הרה"ח ר' משה יודל גאלדבערגער הי"ו - וומ"ס,

מ'האט געענדיגט ארום 12:15,

נאכן דאווענען איז פארגעקומען די ברית מילה לבן הנולד אצל מו"ה וואלף סאמעט הי"ו,

דער רב שליט"א האט געזאגט די ברכות וקריאת השם,

און ווארעם אנגעוואונטשן ברכות לרוב פאר'ן בעל ברית און פאר די זיידעס

הר''ר שלום יוסף סאמעט שליט''א-ק''י, הר''ר יחזקאל יואל סאמעט

שליט''א-ק''י, הר''ר מרדכי וועבערמאן שליט''א,

דערנאך האט דער רב שליט"א פארלאזט דעם בנין הביהמ"ד אויפ'ן וועג לבית

האכסניא אין באגלייטונג פון צענדליגער אנשי שלומינו וואס האבן אויסגענוצט

יעדע רגע פונעם געהויבענעם שבת זיך אנצושעפן מבאר מים חיים,

מען האט ארומגערעדט סיפורים פון הרה"ק רבי ר' מענדעלע מ'רימינוב זי"ע און

נאך אסאך ענינים ומנהגים.

= סעודת יום שבת קודש =

די סעודת יום שבת קודש האט דער רב שליט"א געפראוועט בבית האכסניא

אינאיינעם מיט די חשובי ופני הקהילה און מיט די אורחים החשובים,

מיט ברוך ה' יום יום האט דער רב שליט"א מכבד געווען מוה"ר גדלי' אפפעל הי"ו משב"ק,

ברוך קל עליון: מוה"ר ארי' הערשקאוויטש הי"ו חבר הנהלת ישיבת דרך התורה - ק"י,

במשך די סעודה האט זיך פארמירט א שיינע שמועס בדברי תורה וסיפורי צדיקים

מיט הרה"ג ר' אברהם מייזעלס שליט"א, צווישן אנדערע איבער די הלכות פון

'ותן ברכה',

דער רב שליט"א האט משמיע געווען קורצע דברי תורה,

מ'האט מאריך געווען מיט ניגוני שב"ק,

ברכת המזון: מו"ה ברוך זעלצער הי"ו איידעם פונעם בעל האכסניא,

ביים בענטשן האט דער רב שליט"א געזאגט דעם יהי רצון שלא יבוש בעל הבית.

אום 7:10 איז הגה"צ אבדק"ק ור"מ שליט"א אריינגעקומען צום שיעור פרקי אבות

בהיכל בית מדרשינו הגדול די בהמ''ד איז געווען פול מן הקצה אל הקצה מיט

הונדערטער אידן תושבי העיר פון אלע שיכטן און קרייזן וועלכע זענען

געקומען לשמוע את דבר ה',

דער רב שליט"א האט געטייטשט עטליכע טייטשן משולב מיט דברי אגדה ומוסר,

'כל ישראל יש להם חלק לעולם הבא' - מ'זאגט אז ער 'האט שוין' א חלק, ווייל

ווען א מענטש האט שוין עפעס, וויל ער עס נישט פארלירן.

'ועמך כולם צדיקים לעולם יירשו ארץ' - דער רב שליט"א האט פארציילט א מעשה

פון א שוואכע איד וואס האט זיך געלאזט הרג'ענען על קידוש השם, און

געטייטשט אז קרקעות אפי' יעצט איז עס נישט גוט, קען עס ווערן גוט, די

זעלבע זאך איז מיט אידן, אפי' זיי פירן זיך נישט אויף ווי ס'דארף צו

זיין, קומט אבער ארויס די אמת'דיגע נקודה.

'נצר מטעי מעשה ידי להתפאר' - אויב מ'זאגט בטעות 'ותן טל ומטר' דארף מען

איבער דאווענען, אפי' א ברכה לבטלה איז גאר הארב, זעהט מען אז א איד'ס

תפילה האט א שטארקע כח אין הימל, ממילא ווען מ'שטעלט זיך דאווענען זאל

מען וויסן אז מ'איז ווערד.

'הוי מתפלל בשלומה של מלכות' (פ"ג מ"ב)

א) ווען מען טרעט אויס ביי שמו''ע עושה שלום מיינט נישט אז מ'האט שוין

געענדיגט דאווענען, אפילו 'בשלומה של מלכות' זאל מען נאכאלץ מתפלל זיין.

ב) איינער פון די צדיקים וואס האבן מספיד געווען פראנץ יאזעף, האבן

גערעדט פונעם אויבערשטן, אפי' ווען דו רעדסט 'בשלומה של מלכות' זאל מעו

מתפלל זיין צום אויבערשטן.

ג) ס'איז דא צוויי קליפות, מחלת און לולית, ווען ס'איז דא א פירוד צווישן

זיי, האבן זיי נישט קיין שליטה,

װען מ'לערנט תורה אפי' אויב זיי זענען בשלום האבן זיי נישט קיין שליטה,

אפילו 'בשלומה של מלכות' קען מען נאכאלץ מתפלל זיין, דורכדעם וואס

מ'לערנט פאר'ן דאווענען.

דער רב שליט"א האט ארומגערעדט איבער פילע ענינים וואס זענען נוגע פאר

אברכים, בעלי בתים, בחורים, צווישן אנדערע איבער:

- לערנען פאר'ן דאווענען, ביים זיידן ז"ל דער ברך משה איז נישט געווען

אזא זאך א טאג וואס ער האט נישט געלערנט פאר'ן דאווענען,

ס'האט אים זייער געבאדערט ווען ער האט געהערט אז א טאג נאך שבעה עשר

בתמוז איז נישט געווען קיין פארטאגס סדר אין ישיבה.

- קביעות עתים לתורה, אידן בעטן 'אבינו מלכינו כתבינו בספר זכיות', אבער

אויב מ'שרייבט זיך איין אין חבורת יסודי התורה צו תורתך שעשועי וכדו' און

מ'לערנט עס נישט, קומען נישט די השפעות ח"ו, ווייל דער אויבערשטער זאגט

'דו ביסט איינגעשריבן אינעם ספר זכיות', אבער זיין איינגעשריבן מײנט ביי

דיר גארנישט.

- שמירת עינים, א ראיה אסורה גייט אזוי ווייט, אז אפי' אברהם אבינו און

אפי' ביי זיך אין געצעלט, שטייט 'וישא עיניו', ער האט אויפגעהויבן די

אויגן, ווייל אפי' דארט האט ער זיך געהיטן,

כ"ש וכ"ש אין די מאנטריאל'ע גאסן וואס זענען פול מיט ראיות אסורות,

דער רב שליט"א האט פארציילט אז הרה''ק ר' אהרן ראטה זי"ע בעל שומרי

אמונים האט געזאגט אז ער האט קונה געווען קדושה אין די פעסט'ע גאסן,

ווייל ער האט געהאט נסיונות און ער איז עס בייגעשטאנען, די זעלבע זאך קען

מען זאגן אויף מאנטריאל.

- ציונות, דער רב שליט"א האט גערעדט איבער דעם וואס א בעלזא יונגערמאן

האט ה' אייר אויסגעלאזט די הויכע שמו"ע מיט'ן נוסח פון הלל ביי אונז אין

ביהמ"ד בײ איינע פון די שפעטע מנינים, דער רב שליט"א האט ארויסגעברענגט

אז אפי' יענער האלט נישט אז ציונות איז א פראבלעם,

אבער ווען מ'מאכט ווען חוזק פון די יסורים וואס די אידן אוישוויץ האבן

געהאט, וואלט מען פארשטאנען אז יענער איז א רוצח, די זעלבע זאך דא וואס א

צדיק אמת האט 'געבלוטיגט' אויף דעם, וויאזוי קען א איד קומען און מאכן

ליצנות,

דער רב שליט"א האט ארויסגעברענגט אז מ'דארף זיך מחזק זיין צו זיין פעסט

און קלאר אין די שיטה הברורה קעגן ציונות, אזוי וועט יעדע פרעמדע איד

וואס קומט אריין דא אין ביהמ"ד פילן אז מיר 'בלוטיגן' אקעגן ציוניזם, און

מ'וועט מער נישט טוהן אזא זאך.

- קהילתינו הק', רב שליט''א האט ארומגערעדט בשבח פון די חשובע קהילה וואס

מ'האט געזעהן אין די לעצטע צוויי טעג די דערהויבענע יונגעלייט וואס די

קהילה פארמאגט, און די חשוב'ע בחורים וואס האבן אראפגעלייגט אזא עבודת

התפילה, און במשך שבת האבן צענדליגער בחורים געברענגט תירוצים אויף די

קשיא וואס מ'האט געפרעגט פרייטאג,

און א יונגל איז נעכטן צוגעקומען בעטן אז מ'זאל פרעגן א קשיא אויך פון די

קינדער, מ'זעהט די שטארקע שאיפות פון די חברי הקהילה וכו'.

און דער רב שליט"א האט צוגעענדיגט מיט ברכות לרוב.

מען האט געענדיגט ארום 8:10,

און דער רב שליט"א איז אריין בחדר הפרטי.

אום 8:15 איז דער רב שליט"א אריינגעקומען בהיכל בית מדרשינו הגדול צו תפילת מנחה,

בעל תפילה: מוה"ר נפתלי פאללאק הי"ו,

ביים ליינען זענען נתכבד געווארן:

הוצאה והכנסה: הרה"ח ר' נחמן יאקאב הי"ו,

בעל קורא: מוה"ר יחיאל קליין הי"ו

כהן: מוה"ר שמעון ישראל כהנא הי"ו,

לוי: מוה"ר נפתלי פאללאק הי"ו,

שלישי: הרה"ח ר' יעקב יושע פריעדמאן הי"ו,

הגבה: הגה"צ אבדק"ק ור"מ שליט"א,

גלילה: מוה"ר ברוך משה ראזענבערג הי"ו.

נאך תפילת מנחה האט זיך דער רב שליט"א געוואשן צו שלש סעודות,

מען האט געזינגען די זמירות שלש סעודות,

מיט אודה האט דער רב שליט"א מכבד געווען הרה"ח ר' יצחק פרענקל הי"ו,

שיר המעלות: הרה"ח ר' ישראל הערשקאוויטש הי"ו,

מען האט מאריך געווען מיט ניגוני התעוררות ודביקות ונגיני אהבת התורה פאר א לענגערע צייט,

נאכן זמן ר''ת איז אנגעקומען הגה''צ ר'יעקב אלי' אונסדארפער שליט''א אב''ד ראשית חכמה דער רב האט זיך ווארים באגריסט און מכבד געווען מיט לחיים,

דערנאך האט דער רב שליט"א געזאגט שלש סעודות תורה בהתעורות רב ובבכיות עצימות,

דער רב שליט"א האט זיך געשטעלט אויפ'ן פסוק 'אמור אל בני אהרן הכהנים, ואמרת אליהם לנפש לא יטמא בעמיו', און נאך דקדוקים בפסוקי ומדרשי הפרשה,

דער רב שליט"א האט ארומגערעדט פילע עניני תשובה ותיקון המעשים, צווישן אנדערע איבער:

תפילה בלי כוונה כגוף בלי נשמה, און די חיצונים האבן א יניקה פון דעם, ס'איז דאך אבער זייער שווער היינטיגע צייטן מצמצם צו זיין די כוונה,

די איינציגסטע עצה צו דעם איז אז מ'זאל דאווענען מיט מנין, וואס מנין קען מחי' זיין אפי' א טויטע זאך, אזויווי די ערוגת הבושם האט געזאגט אז לופט פון א איד ברענגט חיות, ממילא אז ס'איז דא מנין, איז דא לופט פון א איד, איז דא חיות,

אבער דאס איז נאר אויב מ'דאווענט אין ביהמ"ד מיט'ן ציבור, אויב מ'גייט ארויס, בלייבט די תפילה טויט בלי כוונה,

דאס איז פשט אין רש"י 'בעוד שהמת בתוך עמיו' - נאר ווילאנג מ'איז אין ביהמ"ד, 'יצא' - אויב מ'איז ארויסגעגאנגען, 'מת מצוה' - בלייבט עס טויט.

דער רבינו תם האלט אז א כהן וואס איז שוין ממילא טמא געווארן, מעג זיך שוין נאכאמאל מטמא זיין, ס'איז שוין נישט דא קיין דין טומאה בײ אים,

אבער דאס איז נאר ביי טומאת כהנים, אבער ביי א איד אפי' ער איז שוין נכשל געווארן היינט אין א ראיה אסורה, איז נישט דא אזא זאך אז די היינטיגע טאג איז שוין פארפאלן, 'מיין נשמה איז שוין פארפאלן', ס'איז נישט דא קיין שום היתר צו טוהן נאך עבירות, א נשמה פון א איד ווערט קיינמאל נישט בטל,

דאס זאגט די מדרש, ביי יראת שמים איז נישט אזויווי ביי א כהן, נאר ס'איז 'עומדת לעד', אפי' מ'האט שוין געזינדיגט,

וויאזוי א איד זעהט נאר נישט אױס, זיין נשמה בלייבט הייליג, מ'קען עס אויסרייניגן, מ'קען האבן א תיקון, דער זעלבע באשעפער וואס האט געזאגט אז א איד קען פארדארבן, איז אויך א 'נותן יד לפושעים', 'עד יום מותו תחכה לו לתחיה', א איד טאר נישט אויפגעבן אויף זיך.

די עבירות פון א מענטש איז איינגעקריצט אין זיינע ביינער, מ'איז אליינס עדות אויף זיך, און דער דין איז אז עדות דארפן שטיין,

פון דעם איז געקומען די יראת שמים פון די כהנים,

דאס איז פשט אין מדרש 'יראת ה' טהורה' - די יראת שמים פון די כהנים איז געקומען, 'עומדת' - מ'גייט דארפן שטיין, 'לעד' - עדות צו זאגן אויף זיך אליינס.

אמאליגע צייטן איז געווען צדיקים וואס האבן ארויסגעהאלפן אין עבודת השם, אזויווי ס'שטייט 'הבא ליטהר מסייעין אותו' בלשון רבים,

אבער אפי' אינעם היינטיגן דור, וואס ס'איז נישט דא אזעלכע צדיקים, אונז געדענק מיר שוין נישט וויאזוי א ראש השנה קוקט אויס, וויאזוי א שובבי"ם קוקט אויס, אבער דער אויבערשטער איז נאך דא, און דער אויבערשטער העלפט צו, וויאזוי מ'זעהט נאר נישט אויס, אויפ'ן אויבערשטן קען מען זיך אלעמאל פארלאזן,

דאס איז פשט אין די מסורה, 'אין זכרון לחכם' - ס'איז שוין נישט דא קיין צדיקים, 'אין זכרון לראשונים' - אונז געדענק מיר שוין נישט וויאזוי ס'האט אויסגעזעהן אמאל א ראש השנה, שובבי"ם וכדו', אבער 'זכרון תרועה' - געדענק אז 'השם אלקיו עמו ותרועת מלך בו'.

דער רבי ז"ל זאגט אז פון דעם פרשה זעהט מען א מורא'דיגע חיזוק, ווייל די דיני טומאה פאר די כהנים גייט אן בזמן הזה ווייל 'מהרה יבנה בית המקדש',

א זאך וואס האט געהאט א קדושה בלייבט אייביג די קדושה אויפ'ן זעלבן פלאץ,

דאס איז א חיזוק פאר א יעדן איד, ווייל דער ישמח משה זאגט אז יעדע איד איז געבוירן געווארן מיט אמונה שלימה און יראת שמים, און מ'זעהט ביים ביהמ"ק אז די קדושה בלייבט אויפ'ן פלאץ וואו ס'איז געווען,

דאס איז פשט אין מדרש, 'יראת ה' טהורה עומדת לעד', פון די פרשה פון די כהנים זעהט מען אז א קדושה בלייבט אויפ'ן זעלבן פלאץ פאר אייביג, און די זעלבע זאך איז מיט יראת שמים.

אבער מ'דארף מתפלל זיין אויף דעם, 'עומדת' איז א לשון תפילה, מ'דארף מתפלל זיין אז די 'יראת השם' זאל טאקע זיין 'לעד', און אז ס'זאל זיך האלטן ביי די קינדער און אייניקלעך אין דעם שווערן דור וואס מ'לעבט היינט.

דער רב שליט"א האט צוגעענדיגט מיט ברכות לרוב.

ידיד נפש: מוה"ר יחיאל קליין הי"ו,

קל מסתתר: הרה"ח ר' יודא משה געלב הי"ו,

ברכת המזון: הגה"צ אבדק"ק ור"מ שליט"א,

הגבהת הכוס: דומ"ץ דקהילתינו הק'.

דערנאך האט מען געדאווענט תפילת מעריב,

בעל תפילה: הרה"ח ר' ישראל בלייער הי"ו

נאך תפילת מעריב האט דער רב שליט"א געציילט ספירה פאר'ן עמוד בהתלהבות אש קודש,

מ'האט געענדיגט ארום 11:00,

און דער ציבור איז אריבערגעגאנגען זאגן א גוטע וואך,

דערנאך האט דער רב שליט"א פארלאזט דעם בנין הביהמ"ד אויפ'ן וועג אהיים לבית האכסניא.