Loading

אלופי אלפי תושבי עיר בארא פארק ביים דינער לטובת 'צדקת רבי מאיר בעל הנס כולל חיבת ירושלים' שיקט חיזוק כוואליעס צו די ירושלימ'ער געסאלעך

י"א סיוון תשפ"ד

0 963
Main image for אלופי אלפי תושבי עיר בארא פארק ביים דינער לטובת 'צדקת רבי מאיר בעל הנס כולל חיבת ירושלים' שיקט חיזוק כוואליעס צו די ירושלימ'ער געסאלעך

טויזענטער תושבי בארא פארק זענען דעם פארגאנגענעם ליל שישי ארויסגעקומען זיך משתתף זיין ביים יערליכן דיננער 'מדור לדור' למען בני ציון היקרים, לטובת די מסורה'דיגע צדקה קאסע פון כולל חיבת ירושלים לצדקת רבי מאיר בעל הנס, און האבן איבערגעפולט די ריזן עטרת גאלדא זאלן, אין שפיץ די רבני ודייני העיר, ובראשם די נשיאי הכולל מנהיגי עדת ישורון כ''ק מרנן האדמורי''ם מצאנז קלויזענבורג און באבוב שליט''א און נאך פיל גדולי ורבני העיר שליט"א, וועלכע האבן באשיינט דעם אויבן אן און א לענגערע צייט פארברענגט אינאיינעם בנועם שיח.

אלע משתתפים זענען ענטפאנגען געווארן צו רייך געדעקטע טישן און א הערליכע סעודה ווי עס פאסט פאר שותפים פון אזא חשובע צוועק. די גאנצע מעמד איז באגלייט געווארן מיט פרקי שירה וזמרה דורך דער טאלאנטפולער בעל מנגן ר' יעקב דאסקאל פון ארץ ישראל אין די שירה קאר, וואס האבן מהנה געווען אלע משתתפים און ארומגענומען מיט אן העכערע געפיל מיט ניגונים פון אמאל.

צום ערשט האט הגה"צ אב"ד ראצפערטא שליט"א פארגעזאגט במעמד קהל רב פרקי תהילים לזכות רפואת מחותנו הגה"צ אבד"ק קאסוב שליט"א מחשובי רבני העיר 

 

אלס יושב המעמד האט אויפגעטרעטן הרב מרדכי יעקב ראזען שליט"א וואס האט באגייסטערט דעם ציבור מיט שיינע און בליציגע רעיונות. דער מנהל הכולל האדמו"ר מדאמבראווא שליט"א, האט איבערגעגעבן דעם דבר רבי מאיר און א גרוס מהנעשה והנשמע פונעם אנדערע זייט צדקה פושקע און אויפגעפלאמט די הערצער צו טוען וואס מער פאר די הייליגע מסורה'דיגע צדקה.

אלס נואם הכבוד האט אויפגעטרעטן די באקאנטע מגיד מישרים הרה"ג רבי מרדכי שיף שליט"א, זוהן פון הגה"צ גאב"ד אנטווערפען שליט"א, וועלכער האט אויפגעשטורעמט אלע באטייליגטע מיט אן אש קודש און פערל ווערטער איבער די געוואלדיגע סגולה וואס איז געווען קודש קדשים ביי אלע פריערדיגע צדיקים כידוע, און ווייטער ממשיך זיין צו שטיצן די עניי ארץ הקודש לצדקת רבי מאיר בעל הנס.

באזונדער איז געהערט געווארן דברי זכרון, אין אנדענק פון די חשובע גבאי הכולל וועלכער זענען ליידער נעדר געווארן דעם יאהר, הרה"צ רבי אברהם יהושע העשיל שפירא זצ"ל בן יבלחט"א האדמו"ר מנאראל שליט"א חבר הנהלת הכולל, און הרה''ח ר' מענדיל קרעש ע"ה מחשובי חסידי צאנז קלויזענבורג. נאך די דברי זכרון דורכ'ן זון הרה"ג ר' שמאול אלטר שפירא משפיע בקהלית בעלזא מאנסי האבן די קינדער למשפחת שפירא הנכבדה  ערהאלטן די פרס 'נזר נחלת אבות' לכבודו פון זייער חשוב'ע אומפארגעסליכע טאטע. 

אזוי אויך נאך די קורצע דברי זכרון פון הנגיד ר' לייבי קרעש האט משפחת קרעש הנכבדה ערהאלטן דעם פרס 'נזר נחלת אבות ' לעי"נ זייער טאטע. ס'איז בלתי ספק אז 'צדק לפניו יהלך' און די אלע זכותים וואס זיי האבן זיך בהאי עלמא אנגעזאפט, פונעם הייליגע פושקע, איז זיי אנטקעגן געקומען אויף יענע וועלט.

עס זענען באעהרט געווארן מיט די נזר 'גבאי קודש' די געטרייע גבאי קודש רבות בשנים בנש"ק הרב אלטר וואגשאהל מחשיבי חסידי סאטמאר, און הרב נפתלי בצלאל באקאן און הרב אשר זעליג גרינבערג מיקירי חסידי באבוב.

 

אזוי אויך מיט די נזר גדול המעשה איז באעהרט געווארן העסקן הנמרץ ר' שמואל יעקב פעלבערבוים מחשובי חסידי צאנז קלויזענבורג.

צום שלוס פונעם מעמד האט אויפגעטרויטן מיט ווארימע ווערטער הגה''צ ר' אברהם מאיר הלברשטאם שליט"א, דומ"ץ סאטמאר 18, זוהן פון הגה''צ ר' זלמן הלברשטאם זצ"ל אב''ד טשאקאווא וחבר הנהלת הכולל, וואס איז אויפגענומען געווארן אלס חבר וועד הכולל במקומו פון זיין גרויסן טאטן די טשאקאווא רב זצ"ל, און ארומגערעדט דברי זכרון לעי"נ אביו הגדול, און איבער די הייליגע מסורה'דיגע צדקה.

אויפן בימת הכבוד זענען געווען אויסגעשורה'ט מערערע גדולי הדור, אדמור"י ורבני העיר, וואס האבן באשיינט דעם הייליגען מעמד.

 

די טויזענטער משתתפים זענען זיך צוגאנגען מיט העכערע געפילן און מיט א פלאם פייער פאר דעם הייליגען מסורה'דיגן צדקה כולל חיבת ירושלים לצדקת רבי מאיר בעל הנס, און האבן בייגעשטייערט גרעסערע נתינות למען אחב"י הנצרכים בארה"ק, און איינוועגס איינגעקויפט די גרויסע זכותים און ישעות וואס קומען מיט דעם, מיט א הייסע תפילה 'אלקא דמאיר עננו'.