יארצייט - דאנערשטאג י"ג אייר.

הרה"ק רבי נפתלי נתן נטע ב"ר יהודה ליבוש זי"ע, (דאמיניץ), מהוסאקוב,

הנקרא "רבי הערש נטע הוסקאבער".

ער איז געבוירן אין שטאט רעדים אין גאליציה, בשנת תקנ"ח. 

צו זיין טאטע הרה"ק רבי יהודה ליבוש מגיד בגראדזיסק זי"ע,

און צו זיין מאמע הצדקת מרת צפורה ע"ה, בת הצדיק הנסתר הרה"ק רבי נפתלי נתן נטע משינאווא בעל עולת תמיד זי"ע. 

צדיקי דורו האבן מעיד געווען בשם הרה"ק רבי שמעלקא מניקלשבורג זי"ע, אז דער זיידע רבי נתן נטע משינאווא איז געווען פון די ל"ו צדיקים בדורו. 

הרה"ק בעל דברי יחזקאל משינאווא זי"ע האט געזאגט גרויסע זאכן אויפן זיידן, און אויך האט ער געזאגט אז ווען מען קומט אן אויפן ביה"ח אין שינאווא, קען מען זעהן פון דרויסן פונעם ביה"ח דעם קבר פונעם זיידן רבי נתן נטע משינאווא אבער לפלא ווען מען קומט ארויף אונעם ביה"ח ווערט עס נעלם, "ולא ידע איש את קבורתו".  

דער טאטע רבי ליבוש גראדזיסקער זי"ע איז געווען פון די בני היכלא קדישא פון הרה"ק החוזה מלובלין זי"ע, און לגבי זיין גרויס התמדה בתורה שרייבט הרה"ג רבי שלמה דאמיניץ מוויעליטשקא זי"ע הי"ד, אונעם קונטרס נושא אבהון, מיט די ווערטער, 

"הקדוש רבי ליבוש איז געווען א שקדן נפלא מיט א געוואלדיגע התמדה בתורה ועבודה, ער איז כמעט נישט געשלאפן אין א בעט, נאר ער פלעגט שלאפן אין ביהמ"ד און געמאכט אסאך תחבולות אז ער זאל נישט איינשלאפן, ער פלעגט אנצינדן א ליכט און דאס איינבינדען צו זיין הענט און ווען די פייער איז אנגעקומען צו זיין האנט האט ער זיך אויפגעוועקט, און דאס איז נאך געווען פאר זיין בר מצוה". 

נאך זיין חתונה צו הצדקת מרת צפורה ע"ה די בת יחידה פונעם צדיק נסתר רבי נטע שינאווער זי"ע, האט ער זיך אריינגעלייגט אין תורת הנסתר און ער איז דאן געווארן באוויסט אלס א בעל מופת, און ער פלעגט טיילן קמיעות. 

הרה"ק בעל ישמח משה זי"ע וואס איז דאן געווען רב אין שינאווא האט נישט געהאלטן פון דעם אז דער רבי ליבוש טיילט קמיעות, האט ער דאס געזאגט פאר זיין רבי דער הייליגער חוזה מלובלין זי"ע, דאן האט דער חוזה מלובלין געהאט א הקפדה אויף דעם רבי ליבוש און ער איז ליידער קראנק געווארן מיטן מחלה קדחת רח"ל. 

רבי ליבוש ווען ער האט מרגיש געווען אז די הקפדה קומט פונעם הייליגען חוזה מלובלין, האט ער אריבערגעשיקט א שליח מיט א קוויטל און אויך א קמיע, און געזאגט פאר דעם שליח אז קודם זאל ער געבן דעם קוויטל און אויב דער הייליגער חוזה איז מקבל ברצון דעם קווויטעל זאל ער געבן דעם קמיע.  

ווען דער שליח האט געגעבן דעם קוויטל פארן חוזה וואס דארט איז געשטאנען "יהודא ליבוש בן מאלע לרפואה שלימה על מחלת הקדחת" האט דער הייליגער חוזה א קרעכץ געגעבן און געזאגט "דער אינגערמאן וואס זיין קדושה שיינט ארויס פונעם קוויטל, ער זאל זיין קראנק מיטן מחלה קדחת, אוודאי נישט".

דאן האט דער שליח איבער געגעבן דעם קמיע פארן חוזה, און דער הייליגער חוזה האט מעיד געווען אז דער קמיע איז געשריבן געווארן מיט א געוואלדיגע קדושה, און ער האט גלייך מתפלל געווען אז דער רבי ליבוש זאל האבן א רפואה שלימה, וכך הוה דער רבי ליבוש איז געזונט געווארן. 

הרה"ק רבי ליבוש גראדזיסקער זי"ע האט זיך מתפאר געווען מיט זיינע פונעף הייליגע קינדער און געזאגט אז זיי זענען קעגן די "חמשה חומשי תורה". 

הרה"ק רבי נפתלי נתן נטע מהוסאקוב זי"ע, 

הרה"ק רבי אהרן המכונה השרף ר' אריש זי"ע א חבר נאמן פונעם בני יששכר זי"ע, 

הרה"ק רבי אברהם משה המכונה ר' אבטשע משה, למדן נפלא משינאווא זי"ע, 

הרה"ק רבי מנחם מענדל זי"ע מחשובי חסידים ביים הייליגען רבי מענדעלע מרימנוב זי"ע, 

הרה"ק רבי יצחק קדוש עליון מזאדיבראווע זי"ע.

רבי נפתלי נתן נטע מהוסאקוב זי"ע האט שוין פון אלס קליין קינד געלערנט מיט א התמדה, ער איז גאר שנעל באוויסט געווארן אלס א גאון נפלא און א קדוש וטהור. 

ער האט חתונה געהאט מיט הרבנית הצדקת מרת פיגא ע"ה, בת רבי אברהם זי"ע. 

דאן איז ער געווארן רב אין שטאט רעדים וואס איז נאנט צום שטאט יערוסלב אין גאליציה, דארט האט ער ממלא מקום געווען אויפן פלאץ פון זיין טאטן וואס איז דאן אריבער קיין גראדזיסק.  

בשנת תק"ץ איז ער געווארן רב אין שטאט הוסאקוב וואס איז געווען נאנט צום שטאט פרעמישלא, און דארט האט ער געדינט אלס רב פאר בערך צוואנציג יאר ביז צו זיין הסתלקות. 

זיין עבודת התפילה איז געווען גאר געהויבן, ער איז געווען א מופלג בתורה, צדיקים האבן געזאגט אז ער האט זוכה געווען צו לערנען תורה מיט א קדושה וטהרה.  

פארציילט א איד רבי יונה הירש ז"ל אז איינמאל איז געקומען א גאר שווערע שאלה בטריפת הדקין, און דער גאון האט געזאגט זיין פסק הלכה, 

אבער די אנדערע תלמידי חכמים האבן פארשטאנען אנדערש די הלכה ווי אים, איז דארט געווארן א שארפע ויכוח צווישן די תלמידי חכמים, און דער גאון האט זיך געהאלטן ביי זיין פסק, און נאכן גאנצן פלפול האט יעדער מודה געווען צו זיין פסק. 

ער האט געהאט א הייליגע מנהג אז שבת ביינאכט ביים זינגען דעם זמר "אזמר בשבחין" האט ער גענומען צוויי הדסים און מיט דעם ארום געטאנצן דעם טיש, אויך שבת ביי שלש סעודות ווען ער האט געזינגען דעם זמר פון חרדים "אדון הכל" האט ער דאס געזינגען מיט א התלהבות, און ווען ער איז אנגעקומען צו די ווערטער "לא תתפרש מנן, ואל נפרוש ממך" האט זיך דער טיש געשאקלט מרוב אימה ויראה פונעם הייליגען שבת.  

ווען מען איז געקומען צו אים מזכיר זיין א איד פאר א רפואה האט ער געהייסן אז מען זאל נישט נעמען קיין מעדעצינען, נאר געהייסן מען זאל בעטן רחמי שמים פונעם בורא רפואות און געזאגט די ווערטער "ישלח דברו וירפאם וימלט משחיתותם". 

אויך איז ער געווען באקאנט אלס א גרויסע חכם ומחוכם. 

רבי אליקים מרדכי ראטטענשטיין מווייטצען ז"ל פארציילט אז אין איינע פון די שטעט אין גאליציה איז געווען א פרוי וואס האט חתונה געהאט, א שטיק צייט נאך די חתונה איז דער מאן אנטלאפן און דער פרוי איז געבליבן א עגונה, נאך א יאר איז איינער צוריק געקומען און געזאגט אז ער איז דער מאן און אפילו איבער געגעבן סימנים אז ער איז טאקע די מאן, אבער דער פרוי האט געזאגט אז ביי זיך ווייסט זי אז דער איז נישט איר מאן,

איז מען געקומען צו דעם גאון און צדיק רבי נטע מהוסאקוב זי"ע פרעגן וואס מען זאל טון, האט ער געהייסן אז מען זאל ווארטן ביז שב"ק. 

ווען עס איז אנגעקומען שבת און מען איז געגאנגען אין ביהמ"ד האט דער צדיק צוגערופען דעם מענטש וואס האט געזאגט אז ער איז דער מאן פון דעם פרוי, און געזאגט אויב בוסטו טאקע דער מאן האסטו דאך געהאט א זיץ דא ביי מיר אין ביהמ"ד, זאגט דער צדיק גיי צום פלאץ וואס איז געווען דיינס. 

דער מענטש האט גלייך מודה געווען אז ער איז נישט די מאן, ווען מען האט געפרעגט דעם צדיק פון ווי האט ער געוויסט צו פרעגן דעם קשיא, האט ער געזאגט אז אפילו דער מאן האט איבער געגעבן אלע סימנים פאר דעם מענטש האט ער געטראכט פון אלעם אבער וועגן דעם זיץ אין ביהמ"ד וועט ער זיכער נישט טראכטן דערפאר האב איך דאס געפרעגט און אזוי איז ארויס געקומען דעם אמת.

[10:54 PM, 5/3/2023] +1 (347) 243-7777: המשך ב,

ער איז געווען א ידיד נפש פון הרה"ק רבי שמעון מיערוסלב זי"ע, און זיי פלעגן זיך יעדעס יאר טרעפן ווען זיי זענען געפארן קיין איסטריק צום יומא דהילולא פון הרה"ק רבי שמואל זאנוויל מליטאוויסק - איסטריק זי"ע.  

הגה"ק רבי אברהם גאלער אב"ד קריפטש זי"ע, וואס איז געווען א תלמיד פונעם גאון רבי נתן נטע מהוסאקוב זי"ע און פון הרה"ק רבי מענדעלע מרימנוב זי"ע און פון הרה"ק רבי מאיר מפרעמישלאן זי"ע, האט קיינמאל נישט געגעבן קיין הסכמות אויף קיין ספרים מרוב ענוות צדקו. 

איין ספר האט ער יא געגעבן א הסכמה דאס איז דעם "סידור עולת תמיד" וואס דער מחבר איז געווען הצדיק הנסתר רבי נתן נטע משינאווא זי"ע. 

אונעם הסכמה שרייבט ער בזה"ל, "וסיפר לי אשר שמע שכבוד אדמו"ר רשבה״ג הרב הקדוש מליזענסק בעת שהיה דר בק' שינאווי כאשר שמע דברי קודש מפי הרב המחבר הנ"ל, אמר בזו הלשון: יפה אמר ר' נטע",

אויך האט הגה"ק רבי אברהם מקריפטש זי"ע מסיים געווען דעם הסכמה בזה"ל, "ומובטחני כי מי שיתפלל בפירושיו הקדושים תפילתו לא יחזור ריקם". 

ער האט איבער געלאזט הייליגע קינדער. 

הגה"ק רבי מרדכי מנחם מענדל זי"ע, ממלא מקום אביו אין שטאט רעדים,

הגה"ק רבי אברהם מחירוב זי"ע,

הגה"ק רבי יהודה ליבוש אב"ד ברעזוב/איסטריק זי"ע,

הרה"ק המקובל רבי חיים יעקב יחיאל אב"ד ניישטאט בעל עולת שבת זי"ע,

בתו, הצדקת מרת חנה ע"ה, אשת הגה"ק רבי משה מרדכי גימפל פריעדמאן מו"ץ בפרעמישלא זי"ע,

בתו, הצדקת מרת מאליא ע"ה, אשת הרבני ר' אברהם אליקים געציל גרינשטיין מפרעמישלא ז"ל. 

ווען מען האט שוין געזעהן אז די עת פטירתו קומט, זענען געשטאנען ארום אים זיינע תלמידים און קרובים, ווען מען האט געזעהן אז די מצב איז זייער שווער האבן די ארימיגע אנגעהויבן וויינען, דער צדיק האט זיך געשטארקט און געבעטן מען זאל אים ברענגן זיינע בגדי שבת. 

און געזאגט אז ער וויל זיך שיידן פון די וועלט מיט שמחה, און געזאגט אז די פטירה פון דעם וועלט איז ביי אים ווי ארויסגיין פון א קליינע חדר צו א גאר גרויסע חדר, און געבעטן אז מען זאל רופן דעם בעל מנגן רבי קלמן מחיראב און אים געהייסן זינגען דעם זמר "אין כאלוקינו", און אים געהייסן זינגען נאכאמאל מיט שמחה כי עוד בי נשמתי. 

זיינע צוויי קינדער הגה"ק רבי מרדכי מנחם, און זיין זוהן הרה"ק רבי חיים יעקב זענען דאן געווען אויפן וועג, ווייל זיי זענען געפארן קיין לאנצוט צום יארצייט פון הרה"ק רבי נפתלי מראפשיץ זי"ע י"א אייר, האט דער קדוש געזאגט פאר די מענטשן אז היינט י"ב אייר וועט נישט זיין די פטירה ווייל איך ווארט אויף מיינע קינדער אז זיי זאלן צוריק קומען. 

וכך הוה ממש ווען די צוויי קינדער זענען אנגעקומען צום טאטן איז געווען די יציאת נשמה הטהורה. 

נסתלק לגנזי מרומים ביום י"ג אייר תרי"ח. 

ומנוחתו כבוד איז אין ביה"ח אין שטאט הוסאקוב.

זכותו הגדול יגן עלינו 

ועל כל ישראל אמן.

 מתורתו של רבינו זי"ע

מרגלא בפומיה לאמר 'נחפשה דרכינו ונחקורה.

על פי מה שאמרו חז"ל. 

קורות ביתו של אדם מעידין ומכריזין עונותיו ביום הדין, וזה שכתוב נחפשה דרכינו לעשות תשובה, ונח -קורה, כלומר שתנוח הקורה ולא תבא להעיד. 

(אמרי צדיקים)

לערן א משנה און צינד אן ליכט לעילו נשמת: 

הרה"ק רבי נפתלי נתן נטע ב"ר יהודה ליבוש זי"ע 

די זכות פונעם צדיק 

וועט זיכער מיגן זיין.

הַלּוֹקֵחַ מִבַּעַל הַבַּיִת וְחָזַר וְלָקַח מִמֶּנּוּ שְׁנִיָּה, מְעַשֵּׂר מִזֶּה עַל זֶה, אֲפִלּוּ מִשְּׁתֵּי קֻפּוֹת, אֲפִלּוּ מִשְּׁתֵּי עֲיָרוֹת. 

בַּעַל הַבַּיִת שֶׁהָיָה מוֹכֵר יָרָק בַּשּׁוּק, בִּזְמַן שֶׁמְּבִיאִין לוֹ מִגַּנּוֹתָיו, מְעַשֵּׂר מֵאַחַת עַל הַכֹּל. 

וּמִגַּנּוֹת אֲחֵרוֹת, מְעַשֵּׂר מִכָּל אֶחָד וְאֶחָד: