באבוב: כ"ק אדמו"ר מבאבוב שליט"א וואס האט זיך אויפגעהאלטן די לעצטע וואכן אין מיאמי פלארידע אויף אפרוה קערט זיך היינט צוריק למעונו אין בארא פארק.

***

קרית צאנז ירושלים - טשעבין - ראצפערט: היינט קומט פאר די שבע ברכות בשמחת בית טשעבין - ראצפערט - קרית צאנז ירושלים אין בית מדרש אין קרית צאנז ירושלים צוגעשטעלט דורך די קהילה.

***

לעלוב בראנוביץ: היינט קומט פאר די חתונה פון די כלה א טאכטער פון כ"ק אדמו"ר מלעלוב בראנוביץ שליט"א, מיט די חתן בן הרה"צ ר' יעקב האגער בן הגה"צ אב"ד סערט וויזניץ ירושלים און איידעם ביי כ"ק אדמו"ר מפיטסבורג זצ"ל, עס קומט פאר אין זאל האצולה אין אשדוד.

***

קרית הרמ"א בית שמש - בית מאיר - מטשאקאווא - וויען פלעטבוש: היינט קומט פאר די חתונה פון א חתן בן הגה"צ רבי חיים צבי דאווידאוויטש אב"ד בית מאיר איידעם ביי הגה"צ רבי משה הלברשטאם זצ"ל מטשאקאווא בעל 'דברי משה' מיט די כלה א טאכטער פון הרה"ג ר' מנחם בנציון זעגעלבוים בן כ''ק אדמו''ר מוויען פלעטבוש זצ''ל און איידעם ביי הגה"צ רבי יהושע ראזנבערגער גאב"ד קרית הרמ"א בית שמש, עס קומט פאר אין זאל פאראהנד אין בית שמש.(JCN)

פאפא: די וואך איז פארגעקומען אן אסיפת כללית פאר חסידי פאפא און הורי המוסדות לקראת די מגבית בית יעקב אש דורך מוסדות פאפא מאנסי.

פאפא: די וואך איז פארגעקומען אן אסיפת הכנה לקראת די מגבית בית יעקב אש לטובת מוסדות פאפא מאנסי, אין שטוב פון הרבני הנגיד ר' אהרן עקיבא גאלדבערגער, בראשות האדמו"ר מפאפא. 

סלאנים: היינט קומט פאר די מעמד הכנסת ספר תורה וואס ווערט אריינגעגעבן צום נייעם בית המדרש דחסידי סלאנים אין ספרינג וואלי, נדבת הרה"ח ר' דוד ביללער הי"ו, אין שפיץ פון כ"ק אדמו"ר מסלאנים שליט"א וואס איז צוגאסט די טעג אין ניו יארק בקרב חסידיו.

אמשינוב ארה"ב: הילולא קדישא:כ"ק אדמו"ר מאמשינוב ארה"ב שליט"א וועלכער איז צוגאסט די טעג אין ארץ ישראל לרגל די שמחת החתונה בבית אחיו כ"ק אדמו"ר מאמשינוב בית שמש שליט"א, וועט היינט נאכמיטאג אנקומען קיין טבריה, צו פוקד זיין דעם ציון הק' פון זקינו הרה"ק רבי איציקל מאמשינוב זי"ע, לרגל די יומא דהילולא קדישא וואס געפאלט היינט י"ט אדר. שפעטער אויפדערנאכט וועט פארקומען די צענטראלע יארצייט טיש אינאיינעם מיט די שמחת השבע ברכות פונעם חתן א זון ביי כ"ק אדמו"ר מאמשינוב בית שמש שליט"א, אין ביהמ"ד אמשינוב אין בית שמש.

וויזשניץ וויליאמסבורג: הוא הודה הוא זיוה הוא הדרה:כ "ק אדמו"ר מוויזשניץ וויליאמסבורג שליט"א פון וויליאמסבורג וועלכער האט געוויילט די לעצטע פאר טעג אין אנטווערפן לרגל די שמחת החתונה פון א אייניקל, קערט זיך היינט צוריק למעון קדשו אין וויליאמסבורג.

סאטמאר מאנסי: כ"ק גאב"ד סאטמאר מאנסי שליט"א לאזט זיך היינט ארויס אויף א געהויבענע מסע הקודש צו די קברי צדיקים אין פוילין, אין באגלייטונג פון הונדערטער חסידים חברי הקהילה.

שמחת בית תולדות אברהם יצחק: היינט קומט פאר די שמחת החתונה פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין זון הגה"צ ר' חיים מאיר קאהן שליט"א אב"ד תולדות אברהם יצחק ביתר, איידעם ביי הגה"צ ר' מאיר בראנדסדארפער זצ"ל בעל קנה בושם ורב חסידי תולדות אברהם יצחק, מיט די כלה א טאכטער פון הגה"צ ר' יואל כ"ץ שליט"א, זון פון הגה"צ ר' יהודה הכהן כ"ץ שליט"א רב דקהל ויצב אברהם אין מעלבארן אסטראליע, און איידעם ביי הגה"צ ר' דוד שוויממער שליט"א דומ"ץ וויזניץ בית שמש. - די שמחת החתונה קומט פאר אין די גרויסע פריימאן זאל אויף רחוב החוזה מלובלין אין שטאט ביתר.

שמחת בית סאטמאר - ספינקא - ציעשנוב - סטריזוב: היינט קומט פאר די שמחת החתונה פון די חתן א זון פון הגה"צ ר' שלמה רובין שליט"א אב"ד ציעשנוב קרית יואל, זון פון הגה"צ אבד"ק ציעשנוב שליט"א, און איידעם ביי הגה"צ גאב"ד סאטמאר מאנטריאל שליט"א, אור אייניקל פון כ"ק אדמו"ר מסטריזוב שליט"א, מיט די כלה א טאכטער פון הגה"צ ר' זלמן לייב מייזליש שליט"א דומ"ץ סאטמאר ב"פ, זון פון הגה"צ גאב"ד סאטמאר ב"פ שליט"א, און איידעם ביי כ"ק אדמו"ר מספינקא שליט"א. - די שמחת החתונה קומט פאר אין זאל עטרת גאלדא אין בארא פארק.

טאהש: היינט קומט פאר די שמחת הבר מצוה פון א אייניקל ביי כ"ק אדמו"ר מטאהש שליט"א, א זון פון זיין איידעם הגה"צ ר' זאב ראזענבוים שליט"א, זון פון הגה"צ אבד"ק נאנאש וומס"ב שליט"א. - די שמחה קומט פאר אין ביהמ"ד הגדול אין קרית טאהש.

קאלוב - וויזשניץ לאנדאן- מאנטריאל : היינט קומט פאר די שמחת פדיון הבן פון א אור אור אייניקל ביי כ"ק אדמו"ר מקאלוב שליט"א, אור אייניקל פון זיין איידעם כ"ק אדמו"ר מוויזשניץ לאנדאן שליט"א, אייניקל פון זיין זון הגה"צ ר' יעקב יוסף האגער שליט"א, איידעם ביי הגה"צ אבד"ק זכרון נפתלי ארי' נעשכיז שליט"א, בן הנולד ביי זיין זון הגה"צ ר' לייבוש האגער שליט"א, איידעם ביי כ"ק אדמו"ר מוויזשניץ מאנטריאל שליט"א. - די שמחה קומט פאר אין ביהמ"ד קאלוב אין וויליאמסבורג. (JDN)

וויזשניץ לאנדאן:  | השתדלו והרבו תחינה ובקשה - קרעו שערי שמים:כלל ישראל ווערט גערופן איינצורייסן לרפואתו השלימה והמהירה פון כ"ק אדמו"ר מוויזניץ לאנדאן שליט"א וועלכע איז דעי נאכט אריינגעפירט געווארן אין שפיטאל,די וויזניצע רבי איז געווען אויפן וועג צוריק פון די שמחת החתונה לבן המשמש בקודש הרב יואל גאלדמאן וואס איז פארגעקומען אין מאנטשעסטער אויפן וועג אהיים האט די רבי אנגעהויבן צו שפירן גאר שטארקע יסורים און מען האט גלייך אלאמירט די חברה הצלה ווי מען האט אריינגעפירט דעם רבי'ן אין שפיטאל,ווי די דאקטורים געבן איבער איז די בלוט דרוק ארויף גאר הויעך נאכדעם וואס די רבי ליידט פון גאר א שווערן אינפעקציע אין איז זקוק לרחמים שמים מרובים.די נאמען צו מתפלל זיין איז מרן דוד בן סימא מירל לרפו"ש. (אידישע נייעס טעלעגראם)

אן אינטרעסאנטע מחזה איז נעכטן פארגעקומען ווען  כ"ק אדמו"ר מטאהש שליט"א וואס איז געווען אויפן וועג צום מעמד החופה בחצר הקודש סאטמאר מהר"א איז געווארן געשטראנדעט אין טראפיק און האט פארפאסט די מעמד החופה, ביים אנקומען צום ביהמ"ד הגדול סאטמאר אין וויליאמסבורג האט די סאטמאר רבי שליט"א געהאלטן אינמיטן שמונה עשרה פון תפילת מעריב און מיט א יראת הכבוד האט זיך די טאהשע רבי געשטעלט מיטהאלטן דעם רבינס שמו"ע און צוגעווארט ביז נאך תפילת מעריב און דעמאלטס אפגעגעבן ברכת מזל טוב פארן סאטמארע רבי שליט"א. (אידישע נייעס טעלעגראם)

נייע בית הוראה אין וויזשניץ מאנסי:אין די יעצטיגע טעג איז געעפנט געווארן א נייע בית הוראה אינערהאלב קהל תורת חיים וויזניץ אין מאנסי, נאכפאלגענדיג די פטירה פונעם לאנגיעריגער דיין הקהילה הרה"ג ר' אברהם ניסן ניימאן זצ"ל מיט עטליכע וואכן צוריק.אצינד האט די קהילה געגרינדעט א נייע בית הוראה, בברכתו ובעידודו פון כ"ק אדמו"ר מוויזניץ שליט"א פון מאנסי, וואו די חשובע דיינים און מורי צדק פון די קהילה וועלן ענטפערן שאלות לכל דורש ומבקש אין ספעציעלע שעות דורכ'ן טאג, לכבוד די געוואלדיגע דערגרייכונג איז נעכטן זונטאג פארגעקומען א מסיבת לחיים לכבוד די פתיחת בית הוראה, אין בית מדרש הגדול וויזניץ אין מאנסי. (JDN)

סדר הכיבודים ביים מעמד החופה בשמחת בית סאטמאר: פארגעקומען נעכטן פארענט פון ביהמ"ד הגדול סאטמאר אויף הופער סט, אין וויליאמסבורג.סידור קידושין: הגה"צ אב"ד בית אהרן שליט"א זיידע פון די חתן,

קריאת הכתובה: הגה"צ אב"ד ראדימישלא שליט"א עלטער פעטער פון די כלה,

ברכות ראשונות: הגה"צ אב"ד נאסויד שליט"א זיידע פון די כלה,

ברכה אחריתה: הגה"צ אבד"ק סאטמאר 15 שליט"א עלטער פעטער פון די חתן און כלה.

סדר הכיבודים ביים מעמד החופה בשמחת בית ראחמיסטריווקא - באבוב 45 - אולם - פאלטישאן:פארגעקומען נעכטן פארענט פון ביהמ"ד הגדול ראחמיסטריווקא, אין בארא פארק.

סידור קידושין: הגה"צ אבד"ק באבוב-45 שליט"א זיידע פון די חתן,

קריאת הכתובה: הגה"צ אבד"ק אולם שליט"א זיידע פון די חתן,

ברכות ראשונות: הגה"צ גאב"ד פאלטישאן שליט"א זיידע פון די כלה,

ברכה אחריתה: האדמו"ר מבאבוב-45 שליט"א.(אידישע נייעס טעלעגראם)