כ"ק אדמו"ר מסאטמאר שליט"א אויפן שטח ווי עס וועט אויפגעשטעלט ווערן צוויי פרישע בנינים פאר די ישיבה קטנה ד'סאטמאר קרית יואל
*הוּא יִבְנֶה בֵּיתוֹ בְּקָרוֹב!*
דינסטאג אינדערפרי, ראש חודש ניסן יום שהוקם בו המשכן, האט כ״ק אדמו"ר מסאטמאר שליט״א *געדאַוונט שחרית מיט בניו החביבים, די בחורי חמד תלמידי הישיבה קטנה דקרית יואל אינעם ״בנין אליהו״* אויפ׳ן גיגאַנטישן שטח ״נחלת אברהם״ אין ״ניו ווינדסאַר״.
תיכף נאכ׳ן דאווענען איז כ״ק אדמו"ר מסאטמאר שליט״א ארויס פונעם עקזיסטירנדן בנין, און *אריבערגעשפּרייזט צום ״שטח הבני׳*״, וואס געפינט זיך הארט דערנעבן, וואו די הנהלת המוסדות האַלט שוין *פעסט אינדערמיט פונעם מעכטיגן פּראיעקט אויפצובויען ״צוויי נייע בנינים כבירים*״!
די חשובע עומדים על הפּקודים במלאכת הבני׳אין שפיץ פון מוה"ר *אייזיק וואלטער* הי"ו, אינאיינעם מיט די אָנוועזנדע בעלי המלאכה האָבן *געצייגט פאר'ן רבין שליט״א די גענויע ״בילדינג פּלענס״* וואָס מ׳גייט דאָ אויפבויען.
כ״ק אדמו"ר מסאטמאר שליט״א האט זיך נאכגעפרעגט אויף אלע דעטאלן, און *געקוואלן נחת דקדושה זעענדיג ווי מ׳האָט אינזינען געהאַט אַהערצושטעלן אלעס מיט אזא אויסטערלישע רחבות און שיינקייט*, און געוואונטשן די עוסקים במלאכה הצלחה ס׳זאל אריינקומעןן די ברכה במעשי ידיהם!
*כִּי לוֹ נָאֶה, כִּי לוֹ יָאֶה!