דאס יעצטיגע ביהמ”ד וועלכע איז א תל תלפיות פארן גאנצן שטאט און שוין א ווייל צו קליין צו אנטהאלטן די שטענדיגע וואוקס פון די בני הקהלה, ווערט אין די טעג אראפגעווארפן, און אויף די שטח וועט אויפגעבויעט ווערן א ריזן געביידע איבער 5 שטאק, וועלכע וועט בעז"ה פארוואנדלט ווערן אין א צענטער פאר תורה וחסידות, פאר באבובער חסידים און תושבי לונדון.

דאס נייעם גרויסן בנין ביהמ”ד וועט אנהאלטן א ריזן היכל ביהמ”ד מיט העכער 350 זיצן, חדרי תפלה, מקוה טהרה, עזרת נשים, אולם שמחות, היכל התורה, און נאך פארשידענע געברויכן פאר א קהלה נאה וחסידה.

דעם מעכטיגן פראיעקט איז א גאר קאסטבארע אינטערנעמונג, און וועט אפקאסטן בערך 15 מיליאן פונט, (18.7 מיליאן דאללאר), און א גרויסן קאמפיין איז פאררופן געווארן דורך כ”ק אדמו”ר מבאבוב 45 שליט”א פארגאנגענעם ווינטער, ווי סכומים נכבדים זענען געשאפן געווארן בעז”ה, דורך נגידי וחסידי באבוב.

אויף דערווייל איז א צייטווייליגע ביהמ”ד צוגעשטעלט געווארן קעגן איבער די גאס, אין אן אפגעדינגענעם גאראדזש, וועלכע איז הערליך רענאווירט געווארן צו דינען פאר א צייטווייליגע ביהמ”ד, פאר די בני הקהלה.

באבובער חסידים אין לונדון לעבט מיר גאר פרייליכע טעג, ווי מזעט שוין ב”ה ווי אט דעם לאנגן דערווארטעטע חלום, הייבט אן פארווירקליכט צו ווערן בשעטומ”צ.

אבן מאסו הבונים היתה לראש פנה!