*הונדערטער פרישע דירות זענען ערווארטעט בקרוב אין "קרית יטב לב"*

"ויהי בונה עיר" איז דער ריכטיגער אויסדרוק, ווען מען הייבט אן צו באשרייבן די געוואלדיגע פארשריט וואס *קרית יטב לב* האט געמאכט די פארגאנגענע האלבע יאר, ווען עס בויעט זיך א הערליכע עיר גדולה לאלקים וואס מארשירט מיט אומגלויבליכע הרחבת גבולי הקדושה מיט א יעדע פארבייגייענדע טאג, מיטן ארויפברענגען פרישע דעוועלאפמענטס, צו קענען צושטעלן הונדערטער דירות פאר אנשי שלומינו אומעטום.

צום אלעם ערשט, איז דאך באקאנט פאר יעדען די מאסיווע *"עמעראלד דעוועלאפמענט"* וואס ווערט געבויעט דורך די באקאנטע "בערקאו גרופ" מיט *פרישע 421 רחבות'דיגע דירות*, וואס דאס וועט מיטברענגען מיט זיך פרישע 9 גאסן, בנוסף צו נאך פילע איינריכטונגען, ווי א הערליכע סופערמארקעט אא"וו. 

מען האלט יעצט *אינמיטן די אינפראסרוקטור*, וואס איז א לאנגע פארצויגענע אין קאסבארע ארבעט, און מען האפט ממש *בקרוב אנצוהייבן צו קענען גיסן די פאנדעישענס* איינס נאכן צווייטן, און פון דארט און ווייטער זאל דאס קענען גלאפירן בסייעתא דשמיא מיט א שנעלע אימפעט.

תושבי העיר קרית יטב לב האלטן מיט מיט פרייד טאג טעגליך די העפטיגע ארבעט אופ'ן ריזן שטח ווי א פלאטע פון טראקטערס און מאשינען ארבעטן יעדן טאג השכם והערב, און אט אט דערנענטערט זיך די טאג ווען פרישע *הונדערטער סאטמארע אידן * וועלן ווערן א חלק פון די גליקליכע תושבים אינעם עיר מלוכה - קרית יטב לב.

~~~

 יעצט וועלן מיר אויפן שפיץ גאפל אויסרעכנען די *אנדערע דעוועלאפמענטס וועלכע ווערן אויך געבויעט לענגאויס דעם שטעטל*:

● אויף די *ווינטערטאון גאס* האט מען די וואך איינגעווארפן אן אלטע הויז, סותר על מנת לבנות, וואו עס גייט אי"ה ממש בקרוב געבויעט ווערן *פרישע 38 דירות* צו אקאמאדירן דעם פרישן וואוקס פונעם שטאט. 

● אויף *מעין סטריט קארנער היי סטריט*, האט מען אויך אראפגעווארפן אן אלטע הויז, וואו עס גייט אי"ה געבויעט *פרישע ווערן 4 דירות* פאר'ן שטאט. 

● די דירות אויף *אלד ראוזע געפ גאס*, וואס איז די בילדינג'ס שטייען שוין מיט איר פראכט, און האלט שוין ממש ביי די לעצטע פאזעס, *האט ב"ה פאריגע וואך באקומען די לאנג ערווארטעטע AG אפראוועל*. 

● אויך האט מען *באקומען אן אפראוועל* צו קענען אנהייבן טעסטן וואסער *פאר נאך 140 דירות*, ממש אין די זעלבע געגענט. 

● ווי אויך גרייט מען זיך בעז"ה צו בויען נאך א דעוועלאפמענט *אויף היי סטריט*, און עס איז שוין ב"ה געווארן אפראווד *פאר 8 דירות*. 

● פאר עטליכע וואכן צוריק איז פארגעקומען די ערשטע 'ווארק שאפ' *פאר פרישע 200 דירות* וואס וועט אי"ה געבויעט ווערן אנהייב פון *מעין סטריט*. 

● פאר 2 חדשים צוריק איז אריינגעגעבן געווארן - שוין צום צווייטן מאל - פלענס פאר פרישע *40 דירות*, וואס וועט אי"ה געבויעט ווערן אויף *מעין סטריט* אונטערן יעצטיגן פאסט אפיס

● ווי אויך וועט דעא דעוועלאפמענט בעז"ה אנטהאלטן א *ביזנעס צענטער פון 12000 סקווער פיס* פאר אפיסעס, און *עטליכע טויזנט סקווער פיס פאר געשעפטן,* אא"וו. 

דאס ברענגט די ס"ה דירות וואס ווערן געבויעט / געפלאנט צו א *סך הכל פון 859 פרישע דירות* ממש און די גאר נאנטע צוקנופט