כְּלוּלַת מִגְדָּלִים נָאִים - לְפִי עִנְיַן הַבַּנָּאִים "קאנסטראקשען און מענעדזשמענט" גרייט מיט שפאנונג צו "אינטערסטעיט עקספאו" קומענדיגן מיטוואך וישב הבעל"ט לעצטע צוגרייטונגען ארויסצונעמען מאקסימום בענעפיטן במשך דעם גאנצן טאג מלא שבוע זאת... בלויז איין וואך איז געבליבן צום גרויסארטיגן "אינטערסטעיט עקספאו," און פון טאג צו טאג שטייגט די שפאנונג צו די העכסטע פראפעסיאנאלע צוזאמקום פון די קאנסטראקשען און מענעדזשמענט אינדוסטריע אין גרעיטער ניו יארק און ניו דזשערסי. אויפ'ן ריעל עסטעיט קאלענדער איז שוין פארצייכנט אפיציעל, מיטוואך פר' וישב, למספרם דעצעמבער 18, מיט א גאר רייכע סדר היום פון 10 אזייגער אינדערפרי ביז 6:30 אין אווענט, צו פארזיכערן אז יעדער ביזנעס אייגנטומער אדער מענעדזשער וואס אינוועסטירט די צייט, גייט ארויס אנגעפילט מיט פיינע גריסן מיט באקאנטע, א כוואליע נייע קליענטן, און וויכטיגע אינדוסטריע אפדעיטס, צו פירן די ביזנעס פאראויס מער און מער בסייעתא דשמיא. אצינד איז אין שוואונג דער ענדגילטיגער גאלאפ צום ריזיגן צוזאמקום, אין די "מעדאולענדס עקספאו צענטער" אין ניו דזשערסי, ווען באטייליגטע ביזנעסער צוגלייך מאכן די לעצטע צוגרייטונגען אז דער עקספאו זאל ברענגען די ריכטיגע תכלית און ביזנעס וואוקס. זיין גרייט צום גרויסן טאג די חידושים וואס ווערט צוגעשטעלט ביים היי-יאריגן עקספאו נעמען ארום דעם גאנצן פראגראם, פון די רעגיסטראציע ביז'ן אהיימגיין און נאכפאלגנדיגע הצלחה אויף ווייטער. גלייכצייטיג הערט מען פון מארקעטינג פירמעס און פרינטערס אא"וו א שטארקע פלוס פון עקזיביטאר באשטעלונגען אויף מארקעטינג מאטעריאל און ביזנעס-קארטלעך צו פארטיילן פאר אלע קאלעגעס און געסט. סאפיסטיקירטע איינריכטונגען ביים אנקומען וועלן צושטעלן שנעלע "בעדזש פראסעסינג", אז יעדער זאל קענען אריינקומען מיט'ן אפיציעלן "בעדזש" אן קיין ווארטענישן, צו פארזיכערן אז יעדע מינוט ווערט אויסגענוצט פאר די ביזנעס – אין איין בליק ווייסט מען שוין די צוועק, פלאץ און "ליין" פון יעדן איינעם, ממילא קען מען זאפארט וויסן צי דאס איז א "פראספעקט" פאר מיין ביזנעס אדער נישט. "עקזיביטאר" סטאנציעס – ווי אויך די פילצאליגע "פאפ-אפ בוטס" פאר קלענערע און פרילענס ביזנעסער – ווערן פארטיג איבער'ן גאנצן ריזיגן זאל, אבער מיט הרחבת הדעת, יעדער זאל קענען אנקומען צו די ריכטיגע ביזנעס אדרעסן אין אלע ליניעס בסבר פנים יפות. [געציילטע פלעצער זענען נאך פארבליבן ביים שרייבן די שורות, וכל הקודם זכה.] אזוי ווערן פארענדיגט די אומצאליגע איינצלהייטן וואס קומען צוזאמען אינעם גרויסן בילד, די פרעכטיגע סצענע וואו אזויפיל היימישע ביזנעסער קומען צוזאמען כאיש אחד בלב אחד. ווי איין לאנגיאריגער סעילסמאן האט געזאגט לעצטנס פאר א חבר, "פאראיאר ביים עקספאו האבן אפאר ביזנעסער זיך אפגעשטעלט ביי אונזער בודקע מיט וואונדער, איך האב נישט געוואוסט אז א היימישע ביזנעס פארקויפט אזעלכע 'היי-ענד' קאנסטראקשען עקוויפמענט!..." וויכטיגסטע טעמעס אדרעסירט א גאר רייכע און אינפארמאטיווע פראגראם ווערט געפלאנט צו ברענגען פאר די באטייליגטע די לעצטיגע נייעס, אנטוויקלונגען, און לעגאלע פארשריפטן, אין אלע געביטן פון קאנסטראקשען און פראפערטי מענעדזשמענט, און די סערוויסעס און פראדוקטן וואס ווערן גענוצט פראפעסיאנעל דורך די פירמעס טאג-טעגליך. ביים "אינטערסטעיט עקספאו" איז די סעריע לעקציעס א צענטראלע חלק פונעם סדר היום במשך דעם גאנצן טאג, און היי-יאר נאך פיל מער. פראמינענטע מומחים אויפ'ן גאנצן ספעקטרום פון ביזנעס מענעדזשמענט, ספעציפיש פאר ריעל עסטעיט און ארומיגע ביזנעסער, וועלן אויפטרעטן דירעקט אדער צוזאמען אין א "פענאל" איבער די קריטישע טעמעס פון סעילס, מארקעטינג, לעגאלע פארשריפטן, ביזנעס לאונס, נעטווארקינג, אפארטוניטי זאון אינוועסטמענטס, און נאך אסאך, וואס צוזאמען זענען דאס די פונדאמענטן פון גוטע ביזנעס ווירטשאפט ביי יעדע "ליין" אין ריעל עסטעיט, קאנסטראקשען און מענעדזשמענט. יעדע ביזנעס, גרויס און גרעסער, קומט ארויס פון אזא ביזנעס צוזאמטרעף מיט אן א שיעור גוטע גריסן פון באקאנטע און נייע "פראספעקטס" צו וואקסן פאראויס. ווי איין פראמינענטער סוחר דערציילט, אז ער קומט "עקזיביטן" זיין פירמע ביי די יערליכע צוזאמקונפט, אלס די ריכטיגע מהלך צו זאגן פאר די גאנצע אינדוסטריע, "מיר זענען דא." ער באטאנט אז די עקספאו האט געברענגט גוטע "ברענדינג" ביי עקזיסטירנדע קאסטומערס און שטארקע אינטערעסע ביי נייע קליענטן. דער ציל איז נישט נאר צו שמועסן וועגן נייע קאנטראקטן, זאגט ער, נאר אפילו מער צו שטארקן און בויען די נאמען. דאס איז איין ביישפיל פון פילע הונדערטער היימישע ביזנעסער וואס אינוועסטירן די צייט און ארבייט ביים עקספאו צו שניידן הערליכע פירות. אלזא, סיי ביזנעסער וואס זענען שוין פאזיטיוו ערפארן מיט די "אינטערסטעיט עקספאו" פון פריער, און סיי די וואס קומען יעצט צום ערשטן מאל, זענען איינשטימיג אז מען גרייט זיך צו זיין אויפ'ן ריכטיגן פלאץ אין די ריכטיגע צייט צו ברענגען דעם ריכטיגן תכלית פון ברכה און הצלחה געדענקט, לכו והתפרנסו