א געיעג מיט די צייט: כינע ווארנט אז אן איבערגעפילטע לעיק קען ברענגען א פרישע קאטאסטראפע
שרעק אויפן נעפאל-כינע גרעניץ: פרישע סכנה פון א צווייטע מאסיווע פארפלייצונג נאכדעם וואס א נייע אזערע הייבט אן איבערצורינען
קוים איין טאג נאכדעם וואס שרעקליכע פלאדס האבן איבערגעלאזט הונדערטער טויטע ביים גרעניץ צווישן נעפאל און כינע, ווארענען יעצט כינעזע אויטאריטעטן איבער א פרישע סכנה. א ניי-געשאפענע אזערע וואס האט זיך פארמירט פון די ברוכווארג, האלט שוין ביים איבעררינען און קען יעדע מינוט פלאצן, וואס קען ברענגען א צווייטע כוואליע פון טויטליכע פארפלייצונגען אויף די שטעטלעך וואס זענען שוין סייווי חרוב געווארן פונעם ערשטן קאטאסטראפע.
די אזערע האט זיך פארמירט אין נעפאל, נעבן דעם פלאץ וואו די ארגינעלע גלעטשער איז איינגעפאלן. די כינעזע וואסער-מיניסטעריום האט איבערגעגעבן אז די אזערע האט געהאלטן ארום 2 מיליאן קיוביק מעטער וואסער ביים דאנערשטאג אינדערפרי, און מען ערווארט אז נאך 3 מיליאן קיוביק מעטער וועט אריינפליסן אין די קומענדיגע דריי טעג. באאמטע האבן דערקלערט די סיטואציע אלס א "הויכע ריזיקע", וואס מיינט אז עס קען קומען אן אומגעראכטענע בראך אן קיין פריערדיגע ווארענונג און אראפשיקן א מאסיווע וואנט פון וואסער.
די געפארפולע אזערע געפינט זיך בלויז עטליכע קילאמעטער העכער דעם 'דזשיראנג פארט', דער הויפט גרעניץ-אריבערגאנג צווישן נעפאל און כינע. דער פלאץ איז שוין געווארן גענצליך פארניכטעט פונעם מיטוואך פלאד, וואס לויט די אויטאריטעטן איז די וואסער געקומען צו לויפן מיט א שנעלקייט פון 200 קילאמעטער א שעה און האט זיך געהויבן צו א הייך פון 15 מעטער.
די אנגעצויגנקייט איז נאך מער געשטיגן פרייטאג אינדערפרי ווען א כינעזע מיליטערישע דראון האט אפגעכאפט ווי אן אוואלאנטש האט אריינגעווארפן א געשאצטע 50,000 קיוביק מעטער פון אייז דירעקט אריין אין די אזערע, וואס האט נאך מער געהויבן דעם וואסער פלאך. וויבאלד די וואסער האט אנגעהויבן איבערצורינען אן אפשטעל, האבן די כינעזע רעטונגס-פארסעס באקומען א באפעל זיך צוריקצוציען א קילאמעטער אוועק, און אויך אין נעפאל האבן די אויטאריטעטן צייטווייליג אפגעשטעלט די זוך-אקציעס אלס א פראקאוציע. עדות האבן דערציילט ווי לאקאלע איינוואוינער האבן אנגעהויבן אנטלויפן צו די העכערע בערג זיך צו ראטעווען דאס לעבן ווען די נייעס האט זיך פארשפרייט.
עקספערטן ערקלערן אז אזא סארט ערשיינונג פאסירט ווען ברוכווארג אדער אייז פארשטעלט א טייך, וואס שאפט א צייטווייליגע אזערע. איינמאל די פרעשור ווערט צו גרויס און די נאטורליכע דאמבע קען עס מער נישט האלטן, קען עס פלאצן אין איין סעקונדע מיט קאטאסטראפאלע פאלגן. אינזשענירן זענען אראפגעשיקט געווארן צו האלטן אן אויג אויף די וואסער שטאפלען, און דראונס ווערן גענוצט צו ברענגען עקוויפמענט.
ביז פרייטאג נאכמיטאג האבן די סטעיט מידיא באריכטעט אז די דירעקטע סכנה איז שוין אונטער קאנטראל און די רעטונגס אקציעס זענען באנייט געווארן, אבער באאמטע האלטן נאך אלס א נאנטע אויג אויף די סיטואציע וויבאלד מען ערווארט נאך אסאך וואסער. טייל סייענטיסטן האפן אז די וואסער וועט זיך אויסליידיגן צוביסלעך אנשטאט פלאצן אויף איין מאל, אבער עס איז שווער פאראויסצוזאגן.
דערווייל האלט די צאל אומגעקומענע פונעם ערשטן קאטאסטראפע אין איין שטייגן. הונדערטער זענען שוין באשטעטיגט טויט און ווייט איבער טויזנט מענטשן זענען נאך אלס פארשוואונדן אויף ביידע זייטן פונעם גרעניץ. די ראיאן איז ווייט פון סטאביל, מיט נאך עטליכע טעג פון רעגן וואס ווערט פאראויסגעזאגט, און פרישע צייטווייליגע אזערעס פארמירן זיך כסדר פון די איינגעפאלענע ערד.
לאקאלע עקספערטן ווארענען שוין לאנג אז די מאנגל אין קאמוניקאציע און אינפארמאציע-טיילונג צווישן נעפאל, כינע און אינדיע לאזט די איינוואוינער אומבאשיצט קעגן די סארט נאטורליכע קאטאסטראפעס וואס קענען פאסירן אן קיין פריערדיגע מעלדונג. בעת די עמערדזשענסי טיעמס ארבעטן צו ראטעווען וואס מען קען, דינט די יעצטיגע איבערגעפילטע אזערע ווי א שרעקליכע דערמאנונג אז די סכנה פון די וואך איז נאך ווייט פון פאריבער.
קוים איין טאג נאכדעם וואס שרעקליכע פלאדס האבן איבערגעלאזט הונדערטער טויטע ביים גרעניץ צווישן נעפאל און כינע, ווארענען יעצט כינעזע אויטאריטעטן איבער א פרישע סכנה. א ניי-געשאפענע אזערע וואס האט זיך פארמירט פון די ברוכווארג, האלט שוין ביים איבעררינען און קען יעדע מינוט פלאצן, וואס קען ברענגען א צווייטע כוואליע פון טויטליכע פארפלייצונגען אויף די שטעטלעך וואס זענען שוין סייווי חרוב געווארן פונעם ערשטן קאטאסטראפע.
די אזערע האט זיך פארמירט אין נעפאל, נעבן דעם פלאץ וואו די ארגינעלע גלעטשער איז איינגעפאלן. די כינעזע וואסער-מיניסטעריום האט איבערגעגעבן אז די אזערע האט געהאלטן ארום 2 מיליאן קיוביק מעטער וואסער ביים דאנערשטאג אינדערפרי, און מען ערווארט אז נאך 3 מיליאן קיוביק מעטער וועט אריינפליסן אין די קומענדיגע דריי טעג. באאמטע האבן דערקלערט די סיטואציע אלס א "הויכע ריזיקע", וואס מיינט אז עס קען קומען אן אומגעראכטענע בראך אן קיין פריערדיגע ווארענונג און אראפשיקן א מאסיווע וואנט פון וואסער.
די געפארפולע אזערע געפינט זיך בלויז עטליכע קילאמעטער העכער דעם 'דזשיראנג פארט', דער הויפט גרעניץ-אריבערגאנג צווישן נעפאל און כינע. דער פלאץ איז שוין געווארן גענצליך פארניכטעט פונעם מיטוואך פלאד, וואס לויט די אויטאריטעטן איז די וואסער געקומען צו לויפן מיט א שנעלקייט פון 200 קילאמעטער א שעה און האט זיך געהויבן צו א הייך פון 15 מעטער.
די אנגעצויגנקייט איז נאך מער געשטיגן פרייטאג אינדערפרי ווען א כינעזע מיליטערישע דראון האט אפגעכאפט ווי אן אוואלאנטש האט אריינגעווארפן א געשאצטע 50,000 קיוביק מעטער פון אייז דירעקט אריין אין די אזערע, וואס האט נאך מער געהויבן דעם וואסער פלאך. וויבאלד די וואסער האט אנגעהויבן איבערצורינען אן אפשטעל, האבן די כינעזע רעטונגס-פארסעס באקומען א באפעל זיך צוריקצוציען א קילאמעטער אוועק, און אויך אין נעפאל האבן די אויטאריטעטן צייטווייליג אפגעשטעלט די זוך-אקציעס אלס א פראקאוציע. עדות האבן דערציילט ווי לאקאלע איינוואוינער האבן אנגעהויבן אנטלויפן צו די העכערע בערג זיך צו ראטעווען דאס לעבן ווען די נייעס האט זיך פארשפרייט.
עקספערטן ערקלערן אז אזא סארט ערשיינונג פאסירט ווען ברוכווארג אדער אייז פארשטעלט א טייך, וואס שאפט א צייטווייליגע אזערע. איינמאל די פרעשור ווערט צו גרויס און די נאטורליכע דאמבע קען עס מער נישט האלטן, קען עס פלאצן אין איין סעקונדע מיט קאטאסטראפאלע פאלגן. אינזשענירן זענען אראפגעשיקט געווארן צו האלטן אן אויג אויף די וואסער שטאפלען, און דראונס ווערן גענוצט צו ברענגען עקוויפמענט.
ביז פרייטאג נאכמיטאג האבן די סטעיט מידיא באריכטעט אז די דירעקטע סכנה איז שוין אונטער קאנטראל און די רעטונגס אקציעס זענען באנייט געווארן, אבער באאמטע האלטן נאך אלס א נאנטע אויג אויף די סיטואציע וויבאלד מען ערווארט נאך אסאך וואסער. טייל סייענטיסטן האפן אז די וואסער וועט זיך אויסליידיגן צוביסלעך אנשטאט פלאצן אויף איין מאל, אבער עס איז שווער פאראויסצוזאגן.
דערווייל האלט די צאל אומגעקומענע פונעם ערשטן קאטאסטראפע אין איין שטייגן. הונדערטער זענען שוין באשטעטיגט טויט און ווייט איבער טויזנט מענטשן זענען נאך אלס פארשוואונדן אויף ביידע זייטן פונעם גרעניץ. די ראיאן איז ווייט פון סטאביל, מיט נאך עטליכע טעג פון רעגן וואס ווערט פאראויסגעזאגט, און פרישע צייטווייליגע אזערעס פארמירן זיך כסדר פון די איינגעפאלענע ערד.
לאקאלע עקספערטן ווארענען שוין לאנג אז די מאנגל אין קאמוניקאציע און אינפארמאציע-טיילונג צווישן נעפאל, כינע און אינדיע לאזט די איינוואוינער אומבאשיצט קעגן די סארט נאטורליכע קאטאסטראפעס וואס קענען פאסירן אן קיין פריערדיגע מעלדונג. בעת די עמערדזשענסי טיעמס ארבעטן צו ראטעווען וואס מען קען, דינט די יעצטיגע איבערגעפילטע אזערע ווי א שרעקליכע דערמאנונג אז די סכנה פון די וואך איז נאך ווייט פון פאריבער.
