געיאגט פון די לופטן: רעגירונג דראונס קומען אויף די שפורן פון די הוטי קעמפער
תימן: א דראמאטישע טויש אינעם קריג ווי די רעגירונג קרעפטן הייבן אן נוצן 'דראונס' קעגן די איראן-געשטיצטע חוטי רעבעלן
נייע ווידעא קליפס וואס זענען ארויסגעגעבן געווארן דורך די אינטערנאציאנאל-אנערקענטע רעגירונג אין תימן, צייגט א דראמאטישע טויש אין ווי אזוי דער לאנג-יעריגער ברודער-קריג אינעם לאנד ווערט געפירט. די בילדער ווייזן ווי אטאקע-דראונס זוכן אויף און באמבארדירן חוטי קעמפער און מיליטערישע טראקס אויף עטליכע פראנטן.
לויט די מידיא צענטער פון די תימן'ע מיליטער, קען מען זען אין די ווידעאס ווי די דראונס יאגן נאך די טראקס אפילו ווען די דרייווערס פרובירן צו אנטלויפן, און ענדליך רייסן זיי אויף אדער גייען אין פלאמען. איין קליפ צייגט דעם מאמענט וואס א הויכראנגיקער חוטי קאמאנדיר ווערט געצילט, בעת אן אנדערע קליפ ווייזט ווי די רעגירונג'ס אזוי-גערופענע "זיג טיעם" אטאקירט מיט סוקסעס א חוטי סופליי-טראק אינעם אל-אורייקאט געגנט, ווי אויך אן אנדערע טראק וואס איז פארניכטעט געווארן אויפן אל-קאסארא פראנט. די רעגירונג זאגט אז זינט די לעצטערע עסקאלאציע אין די שלאכטן האבן זיי שוין ארויסגעגעבן צענדליגע אזעלכע קליפס וואס דאקומענטירן דראון אפעראציעס קעגן חוטי פאזיציעס.
דאס באנוץ פון דראונס דורך די רעגירונג קרעפטן צייכנט אפ א גרויסע אנטוויקלונג אינעם קאנפליקט. פאר יארן לאנג האבן די איראן-געשטיצטע חוטים געהאט כמעט א מאנאפאל אויף דראון-מלחמות אין תימן. לויט באריכטן, נאכדעם וואס די חוטים האבן פארגאנגענעם חודש פארשטארקט זייערע קאמיקאזע דראון אטאקעס אויף רעגירונג מיליטערישע באזעס - וואס האט איבערגעלאזט צענדליגע טויטע און פארוואונדעטע זעלנער - האט די רעגירונג רעאגירט מיט'ן ארויסשיקן זייערע אייגענע דראונס קעגן די חוטים אויף די פראנט ליניעס. זינט דעמאלט האבן די רעגירונג קרעפטן כסדר פובליצירט קליפס ווי די דראונס טרעקן צילן, ווארפן באמבעס און רייסן אויף געפאנצערטע טראקס - א מעגליכקייט וואס האט ביז איצט געגעבן פאר די חוטים א ריזיגע טאקטישע אויבערהאנט.
די דראון-קעגן-דראון עסקאלאציע קומט אין א צייט וואס די זיכערהייט צושטאנד אין תימן ווערט אלס ערגער, און די שלאכטן האבן זיך שטארק פארמערט אין די לעצטע חדשים נאכן צוזאמפאל פון א שוואכע פייער-אפשטעל וואס האט אנגעהאלטן פאר ארום פיר יאר. די חוטים פון זייער זייט ווייזן ווייטער ארויס שטארקע אפענסיווע קראפט; לעצטנס האבן זיי געשאסן 14 באליסטישע מיסילס אינאיינעם מיט קאארדינירטע דראון אטאקעס געצילט אויף די ים סוף בארטן געגנטער אין טאיז און האדעידא. עטליכע פון די חוטי דראונס זענען אראפגעשאסן געווארן דורך נייע עיר-דעפענס סיסטעמען וואס די רעגירונג האט לעצטנס באקומען, וואס צייגט ווי אזוי ביידע זייטן טוישן כסדר זייערע טאקטיקן און טעכנאלאגיע ווי די קריג פארשטארקט זיך.
מיליטערישע אנאליסטן וואס האלטן מיט דעם קריג ווייזן אן אז די פארמערטע באנוץ פון דראונס דורך ביידע זייטן שפיגלט אפ א ברייטערע גלאבאלע טרענד אין מאדערנע מלחמות. די ביליגע, אומבאמאנטע סיסטעמען ערלויבן קלענערע אדער שוואכער-אויסגעשטאטעטע ארמייען צו אנמאכן גרויסע שאדנס אן די ריזיקעס פון נוצן עכטע פליגערס אדער גרויסע ערד-אפענסיוועס.
פאר די תימן'ע רעגירונג קרעפטן, גיט די מעגליכקייט צו מאכן פונקטליכע אטאקעס מיט דראונס א וועג צו דירעקט צילן די חוטי מיליטערישע אינפראסטרוקטור און קעמפער, אן דארפן אריינגיין אין א ברייטע ערד-אפענסיווע (וואס לויט באריכטן האט סאודי אראביע געקלערט צו טון, אבער אמעריקאנער באאמטע האבן זיי אפגערעדט דערפון). ווי ביידע זייטן האלטן אין איין פארברייטערן און פארבעסערן זייערע דראון מעגליכקייטן, קוקט אויס אז די טעכנאלאגיע וועט שפילן א הויפט ראלע אין די קומענדיגע חדשים פונעם באנייטן קאנפליקט.
נייע ווידעא קליפס וואס זענען ארויסגעגעבן געווארן דורך די אינטערנאציאנאל-אנערקענטע רעגירונג אין תימן, צייגט א דראמאטישע טויש אין ווי אזוי דער לאנג-יעריגער ברודער-קריג אינעם לאנד ווערט געפירט. די בילדער ווייזן ווי אטאקע-דראונס זוכן אויף און באמבארדירן חוטי קעמפער און מיליטערישע טראקס אויף עטליכע פראנטן.
לויט די מידיא צענטער פון די תימן'ע מיליטער, קען מען זען אין די ווידעאס ווי די דראונס יאגן נאך די טראקס אפילו ווען די דרייווערס פרובירן צו אנטלויפן, און ענדליך רייסן זיי אויף אדער גייען אין פלאמען. איין קליפ צייגט דעם מאמענט וואס א הויכראנגיקער חוטי קאמאנדיר ווערט געצילט, בעת אן אנדערע קליפ ווייזט ווי די רעגירונג'ס אזוי-גערופענע "זיג טיעם" אטאקירט מיט סוקסעס א חוטי סופליי-טראק אינעם אל-אורייקאט געגנט, ווי אויך אן אנדערע טראק וואס איז פארניכטעט געווארן אויפן אל-קאסארא פראנט. די רעגירונג זאגט אז זינט די לעצטערע עסקאלאציע אין די שלאכטן האבן זיי שוין ארויסגעגעבן צענדליגע אזעלכע קליפס וואס דאקומענטירן דראון אפעראציעס קעגן חוטי פאזיציעס.
דאס באנוץ פון דראונס דורך די רעגירונג קרעפטן צייכנט אפ א גרויסע אנטוויקלונג אינעם קאנפליקט. פאר יארן לאנג האבן די איראן-געשטיצטע חוטים געהאט כמעט א מאנאפאל אויף דראון-מלחמות אין תימן. לויט באריכטן, נאכדעם וואס די חוטים האבן פארגאנגענעם חודש פארשטארקט זייערע קאמיקאזע דראון אטאקעס אויף רעגירונג מיליטערישע באזעס - וואס האט איבערגעלאזט צענדליגע טויטע און פארוואונדעטע זעלנער - האט די רעגירונג רעאגירט מיט'ן ארויסשיקן זייערע אייגענע דראונס קעגן די חוטים אויף די פראנט ליניעס. זינט דעמאלט האבן די רעגירונג קרעפטן כסדר פובליצירט קליפס ווי די דראונס טרעקן צילן, ווארפן באמבעס און רייסן אויף געפאנצערטע טראקס - א מעגליכקייט וואס האט ביז איצט געגעבן פאר די חוטים א ריזיגע טאקטישע אויבערהאנט.
די דראון-קעגן-דראון עסקאלאציע קומט אין א צייט וואס די זיכערהייט צושטאנד אין תימן ווערט אלס ערגער, און די שלאכטן האבן זיך שטארק פארמערט אין די לעצטע חדשים נאכן צוזאמפאל פון א שוואכע פייער-אפשטעל וואס האט אנגעהאלטן פאר ארום פיר יאר. די חוטים פון זייער זייט ווייזן ווייטער ארויס שטארקע אפענסיווע קראפט; לעצטנס האבן זיי געשאסן 14 באליסטישע מיסילס אינאיינעם מיט קאארדינירטע דראון אטאקעס געצילט אויף די ים סוף בארטן געגנטער אין טאיז און האדעידא. עטליכע פון די חוטי דראונס זענען אראפגעשאסן געווארן דורך נייע עיר-דעפענס סיסטעמען וואס די רעגירונג האט לעצטנס באקומען, וואס צייגט ווי אזוי ביידע זייטן טוישן כסדר זייערע טאקטיקן און טעכנאלאגיע ווי די קריג פארשטארקט זיך.
מיליטערישע אנאליסטן וואס האלטן מיט דעם קריג ווייזן אן אז די פארמערטע באנוץ פון דראונס דורך ביידע זייטן שפיגלט אפ א ברייטערע גלאבאלע טרענד אין מאדערנע מלחמות. די ביליגע, אומבאמאנטע סיסטעמען ערלויבן קלענערע אדער שוואכער-אויסגעשטאטעטע ארמייען צו אנמאכן גרויסע שאדנס אן די ריזיקעס פון נוצן עכטע פליגערס אדער גרויסע ערד-אפענסיוועס.
פאר די תימן'ע רעגירונג קרעפטן, גיט די מעגליכקייט צו מאכן פונקטליכע אטאקעס מיט דראונס א וועג צו דירעקט צילן די חוטי מיליטערישע אינפראסטרוקטור און קעמפער, אן דארפן אריינגיין אין א ברייטע ערד-אפענסיווע (וואס לויט באריכטן האט סאודי אראביע געקלערט צו טון, אבער אמעריקאנער באאמטע האבן זיי אפגערעדט דערפון). ווי ביידע זייטן האלטן אין איין פארברייטערן און פארבעסערן זייערע דראון מעגליכקייטן, קוקט אויס אז די טעכנאלאגיע וועט שפילן א הויפט ראלע אין די קומענדיגע חדשים פונעם באנייטן קאנפליקט.
