מאמדאני'ס גרויסע צוזאג: ניו יארק סיטי מעיאר מאמדאני שטעלט פאר א פלאן צו באשיצן אידישע ניו יארקער
בס"ד
ניו יארק סיטי מעיאר מעמדעני מעלדט אן א נייע פלאן צו באקעמפן אנטיסעמיטיזם אין די שטאט טראץ שווערע קריטיק פון אידישע גרופעס
ניו יארק סיטי מעיאר זאראן מעמדעני האט אנטפלעקט וואס זיין אדמיניסטראציע רופט דעם שטאט'ס ערשטע היסטארישע פלאן צו באקעמפן אנטיסעמיטיזם, אלס א דירעקטע רעאקציע צו די שארפע העכערונג אין האס-פארברעכנס קעגן אידן איבער די פינף באראס.
אין א ווידעא מעלדונג איבער דעם נייעם פראגראם, האט דער מעיאר דערמאנט דעם באקאנטן מאמר חז"ל אז "כל המקיים נפש אחת כאילו קיים עולם מלא", און ער האט צוגעזאגט אז אידישע איינוואוינער אין ניו יארק וועלן זיין "זיכער און רעספעקטירט".
דער נייער פלאן וועט אריינפליסן מיליאנען דאלארן צו פארמיידן האס-פארברעכנס, ווי אויך צו פינאנצירן פיזישע זיכערהייט אפגרעידס ביי בתי מדרשים, מוסדות און אידישע צענטערן. דערצו נעמט עס אריין א ברייטערע האלאקאסט עדיוקעישאן אין די פובליק סקולס און שטיצע פאר אידישע קולטורעלע ערטער. שטאטישע באאמטע האבן עס אראפגעלייגט אלס א ברייטע רעגירונגס איניציאטיוו וואס נעמט אריין עטליכע שטאטישע אגענטורן, מיטן ציל צו באשיצן די אידישע קאמיוניטי און ארויסברענגען זייער ביישטייערונג צו די שטאט.
די מעלדונג קומט אבער אין א פאליטיש-אנגעצויגענע צייט פאר מעמדעני, וועלכער שטייט אויס שווערע קריטיק פון פארשידענע אידישע ארגאניזאציעס איבער זיינע שארפע אטאקעס קעגן מדינת ישראל איבער די מלחמה אין עזה. טייל גרופעס טענה'ן אז זיין אייגענע רעטאריק איז גאר דאס וואס גיסט אויל אויפן פייער און טרייבט ארויף די אנטיסעמיטישע שטימונג אין די שטאט.
די אנטי-דעפעמעישאן ליג (ADL), וואס האלט א נאענטע אויג אויף די אדמיניסטראציע דורך א ספעציעלע "מעמדעני מאניטאר", האט אוועקגעמאכט דעם פלאן אלס אומגענוג. דער הויפט פון די ארגאניזאציע האט קלארגעשטעלט אז דעם מעיאר'ס אייגענע ווערטער זענען אין קאנטראסט מיט זיינע אקציעס.
א הויפט קריטיק אויפן נייעם פלאן איז אז עס נעמט נישט אן קיין אפיציעלע קלארע דעפיניציע וואס אנטיסעמיטיזם איז, נאר נוצט עטליכע אלגעמיינע ווערסיעס. קריטיקירער זאגן אז די פאליציי און די סקולס ברויכן האבן א קלארע סטאנדארט ווי אזוי צו האנדלען מיט די פראבלעמען.
טראץ די קריטיק, האבן געוויסע שטאטישע באאמטע און אידישע גרופעס יא באגריסט דעם פלאן און די נייע פאנדינג וואס קומט מיט דעם, כאטש די דעבאטע צי דער מעיאר טוט גענוג און צי ער אדרעסירט דעם ריכטיגן פראבלעם וועט ווארשיינליך ווייטער אנגיין.
ניו יארק סיטי מעיאר מעמדעני מעלדט אן א נייע פלאן צו באקעמפן אנטיסעמיטיזם אין די שטאט טראץ שווערע קריטיק פון אידישע גרופעס
ניו יארק סיטי מעיאר זאראן מעמדעני האט אנטפלעקט וואס זיין אדמיניסטראציע רופט דעם שטאט'ס ערשטע היסטארישע פלאן צו באקעמפן אנטיסעמיטיזם, אלס א דירעקטע רעאקציע צו די שארפע העכערונג אין האס-פארברעכנס קעגן אידן איבער די פינף באראס.
אין א ווידעא מעלדונג איבער דעם נייעם פראגראם, האט דער מעיאר דערמאנט דעם באקאנטן מאמר חז"ל אז "כל המקיים נפש אחת כאילו קיים עולם מלא", און ער האט צוגעזאגט אז אידישע איינוואוינער אין ניו יארק וועלן זיין "זיכער און רעספעקטירט".
דער נייער פלאן וועט אריינפליסן מיליאנען דאלארן צו פארמיידן האס-פארברעכנס, ווי אויך צו פינאנצירן פיזישע זיכערהייט אפגרעידס ביי בתי מדרשים, מוסדות און אידישע צענטערן. דערצו נעמט עס אריין א ברייטערע האלאקאסט עדיוקעישאן אין די פובליק סקולס און שטיצע פאר אידישע קולטורעלע ערטער. שטאטישע באאמטע האבן עס אראפגעלייגט אלס א ברייטע רעגירונגס איניציאטיוו וואס נעמט אריין עטליכע שטאטישע אגענטורן, מיטן ציל צו באשיצן די אידישע קאמיוניטי און ארויסברענגען זייער ביישטייערונג צו די שטאט.
די מעלדונג קומט אבער אין א פאליטיש-אנגעצויגענע צייט פאר מעמדעני, וועלכער שטייט אויס שווערע קריטיק פון פארשידענע אידישע ארגאניזאציעס איבער זיינע שארפע אטאקעס קעגן מדינת ישראל איבער די מלחמה אין עזה. טייל גרופעס טענה'ן אז זיין אייגענע רעטאריק איז גאר דאס וואס גיסט אויל אויפן פייער און טרייבט ארויף די אנטיסעמיטישע שטימונג אין די שטאט.
די אנטי-דעפעמעישאן ליג (ADL), וואס האלט א נאענטע אויג אויף די אדמיניסטראציע דורך א ספעציעלע "מעמדעני מאניטאר", האט אוועקגעמאכט דעם פלאן אלס אומגענוג. דער הויפט פון די ארגאניזאציע האט קלארגעשטעלט אז דעם מעיאר'ס אייגענע ווערטער זענען אין קאנטראסט מיט זיינע אקציעס.
א הויפט קריטיק אויפן נייעם פלאן איז אז עס נעמט נישט אן קיין אפיציעלע קלארע דעפיניציע וואס אנטיסעמיטיזם איז, נאר נוצט עטליכע אלגעמיינע ווערסיעס. קריטיקירער זאגן אז די פאליציי און די סקולס ברויכן האבן א קלארע סטאנדארט ווי אזוי צו האנדלען מיט די פראבלעמען.
טראץ די קריטיק, האבן געוויסע שטאטישע באאמטע און אידישע גרופעס יא באגריסט דעם פלאן און די נייע פאנדינג וואס קומט מיט דעם, כאטש די דעבאטע צי דער מעיאר טוט גענוג און צי ער אדרעסירט דעם ריכטיגן פראבלעם וועט ווארשיינליך ווייטער אנגיין.
