ענערגיע זיכערהייט אלערט: סעקרעטאר רוביא זאגט אז גלאבאלע סטאביליטעט איז אנגעוויזן אויפן אפשטעלן איראן'ס סטראשונגען
בס"ד
סעקרעטערי אוו סטעיט מארקא רוביא: "ענערגיע זיכערהייט און נאציאנאלע זיכערהייט זענען איין זאך; איראן'ס דורכפאל באווייזט עס"
סעקרעטערי אוו סטעיט מארקא רוביא האט מיטוואך שטארק ארויסגעברענגט דעם פאקט אז ענערגיע זיכערהייט און נאציאנאלע זיכערהייט זענען אומאפשיידבאר, אנווייזנדיג דירעקט אויף איראן'ס דורכגעפאלענע פרואוון צו שטערן די גלאבאלע אויל סופליי אלס א קלארע באווייז דערצו.
ביי א געמיינזאמע פרעסע קאנפערענץ אין אטען, גריכנלאנד, אינאיינעם מיט זיין גריכישן קאלעגע, האט רוביא דערקלערט אז ווער עס צווייפלט אין דעם קשר דארף בלויז א קוק טון אויף וואס איראן פרובירט צו טון אין די יעצטיגע טעג - און וויאזוי זיי פאלן דורך. ער האט באטאנט אז די וועלט קען מער קיינמאל נישט ערלויבן א סיטואציע וואו דאס אפצוהאקן ענערגיע סופליי פון איין ראיאן זאל סטראשען דעם גאנצן פלאנעט און אונטערברענגען די מעגליכקייט פון לענדער צו טון וואס איז גוט פאר זייערע אייגענע אינטערעסן.
רוביא האט אראפגעלייגט דעם יעצטיגן קריזיס אלס א לעבעדיגע ביישפיל וויאזוי איין פיינטליכע רעזשים קען האלטן די גלאבאלע ענערגיע מארקעט אלס משכון, אויב מען ארבעט נישט אויס קיין אלטערנאטיווע וועגן און קוואלן. ער האט פארבינדן די ווארענונג מיט די ברייטערע אמעריקאנער באמיאונגען צו פארשטארקן די קאאפעראציע מיט אנדערע לענדער, אריינגערעכנט גריכנלאנד, צו פארברייטערן פארלעסליכע ענערגיע רוטס. די רעדע האט אונטערגעשטראכן א הויפט יסוד פון די אדמיניסטראציע: אז האבן פארשידנארטיגע סופליי קוואלן איז קריטיש וויכטיג פאר עכטע זעלבסטשטענדיגקייט און גלאבאלע סטאביליטעט.
די קאמענטארן פון רוביא האבן אנגעוויזן וויאזוי די פאליסיס פון פרעזידענט טראמפ ארבעטן פאקטיש צו פארעכטן די שוואכקייטן וואס זענען ארויסגעשווימען צוליב איראן'ס אקטיוויטעטן אינעם 'סטרעיט אוו הארמוז'. דורכ'ן דראסטיש הייבן די לאקאלע אמעריקאנער אויל פראדוקציע, פארמערן די סופליי פון ווענעזועלע, און אוועקשטעלן נייע רוטס וואס גייען ארום די פראבלעמאטישע פונקטן, מאכט די אדמיניסטראציע זיכער אז ענערגיע זאל ווייטער פליסן אומגעשטערט אפילו ווען איין ספעציפישע ראיאן פלאגט זיך מיט קריזיסן.
דער סעקרעטערי האט אראפגעשטעלט די דאזיגע שריט אלס די פאקטישע רעאליזאציע פון די ענערגיע זעלבסטשטענדיגקייט וואס די אמעריקאנער וויילער האבן געפאדערט. ער האט ארגומענטירט אז זיך צו פארלאזן אויף איין איינציגע קוואל אדער רוט, לאזט די וועלט אפן פאר בלאקמעיל און פרעשור פון לענדער ווי איראן.
צום שלוס האט ער קלארגעמאכט אז דאס בויען פארשידנארטיגע ענערגיע אינפראסטרוקטור איז נישט בלויז אן עקאנאמישע ציל, נאר א פונדאמענטאלע יסוד פאר נאציאנאלע זיכערהייט. מיט דעם האט ער פארבינדן די יעצטיגע אמעריקאנער דיפלאמאטישע און פראדוקציע שריט צו די גרעסערע מיסיע: צו פארמיידן אז סיי וועלכע דיקטאטור זאל קענען אין די צוקונפט שטעלן די גלאבאלע ענערגיע - און דערמיט די גלאבאלע זיכערהייט - אין געפאר.
סעקרעטערי אוו סטעיט מארקא רוביא: "ענערגיע זיכערהייט און נאציאנאלע זיכערהייט זענען איין זאך; איראן'ס דורכפאל באווייזט עס"
סעקרעטערי אוו סטעיט מארקא רוביא האט מיטוואך שטארק ארויסגעברענגט דעם פאקט אז ענערגיע זיכערהייט און נאציאנאלע זיכערהייט זענען אומאפשיידבאר, אנווייזנדיג דירעקט אויף איראן'ס דורכגעפאלענע פרואוון צו שטערן די גלאבאלע אויל סופליי אלס א קלארע באווייז דערצו.
ביי א געמיינזאמע פרעסע קאנפערענץ אין אטען, גריכנלאנד, אינאיינעם מיט זיין גריכישן קאלעגע, האט רוביא דערקלערט אז ווער עס צווייפלט אין דעם קשר דארף בלויז א קוק טון אויף וואס איראן פרובירט צו טון אין די יעצטיגע טעג - און וויאזוי זיי פאלן דורך. ער האט באטאנט אז די וועלט קען מער קיינמאל נישט ערלויבן א סיטואציע וואו דאס אפצוהאקן ענערגיע סופליי פון איין ראיאן זאל סטראשען דעם גאנצן פלאנעט און אונטערברענגען די מעגליכקייט פון לענדער צו טון וואס איז גוט פאר זייערע אייגענע אינטערעסן.
רוביא האט אראפגעלייגט דעם יעצטיגן קריזיס אלס א לעבעדיגע ביישפיל וויאזוי איין פיינטליכע רעזשים קען האלטן די גלאבאלע ענערגיע מארקעט אלס משכון, אויב מען ארבעט נישט אויס קיין אלטערנאטיווע וועגן און קוואלן. ער האט פארבינדן די ווארענונג מיט די ברייטערע אמעריקאנער באמיאונגען צו פארשטארקן די קאאפעראציע מיט אנדערע לענדער, אריינגערעכנט גריכנלאנד, צו פארברייטערן פארלעסליכע ענערגיע רוטס. די רעדע האט אונטערגעשטראכן א הויפט יסוד פון די אדמיניסטראציע: אז האבן פארשידנארטיגע סופליי קוואלן איז קריטיש וויכטיג פאר עכטע זעלבסטשטענדיגקייט און גלאבאלע סטאביליטעט.
די קאמענטארן פון רוביא האבן אנגעוויזן וויאזוי די פאליסיס פון פרעזידענט טראמפ ארבעטן פאקטיש צו פארעכטן די שוואכקייטן וואס זענען ארויסגעשווימען צוליב איראן'ס אקטיוויטעטן אינעם 'סטרעיט אוו הארמוז'. דורכ'ן דראסטיש הייבן די לאקאלע אמעריקאנער אויל פראדוקציע, פארמערן די סופליי פון ווענעזועלע, און אוועקשטעלן נייע רוטס וואס גייען ארום די פראבלעמאטישע פונקטן, מאכט די אדמיניסטראציע זיכער אז ענערגיע זאל ווייטער פליסן אומגעשטערט אפילו ווען איין ספעציפישע ראיאן פלאגט זיך מיט קריזיסן.
דער סעקרעטערי האט אראפגעשטעלט די דאזיגע שריט אלס די פאקטישע רעאליזאציע פון די ענערגיע זעלבסטשטענדיגקייט וואס די אמעריקאנער וויילער האבן געפאדערט. ער האט ארגומענטירט אז זיך צו פארלאזן אויף איין איינציגע קוואל אדער רוט, לאזט די וועלט אפן פאר בלאקמעיל און פרעשור פון לענדער ווי איראן.
צום שלוס האט ער קלארגעמאכט אז דאס בויען פארשידנארטיגע ענערגיע אינפראסטרוקטור איז נישט בלויז אן עקאנאמישע ציל, נאר א פונדאמענטאלע יסוד פאר נאציאנאלע זיכערהייט. מיט דעם האט ער פארבינדן די יעצטיגע אמעריקאנער דיפלאמאטישע און פראדוקציע שריט צו די גרעסערע מיסיע: צו פארמיידן אז סיי וועלכע דיקטאטור זאל קענען אין די צוקונפט שטעלן די גלאבאלע ענערגיע - און דערמיט די גלאבאלע זיכערהייט - אין געפאר.
