העגסעט לויבט אויס די מארינס אינמיטן דורכפירן גרונטליכע רעפארמען
בס"ד
קריגס סעקרעטאר פיט העגסעט טרעט אויף פאר מארינען אין סאן דיעגא; לויבט זייער העלדישקייט און רעדט איבער די פרישע טוישונגען אינעם פענטאגאן
קריגס סעקרעטאר פיט העגסעט האט אויסגעטון זיין אנצוג און זיך אנגעטון אין ספארט קליידער זיך אנצושליסן מיט א גרופע מארינען פאר א מארגן-איבונג אין סאן דיעגא, אויסנוצנדיג די געלעגנהייט ארויסצוברענגען די דראסטישע טוישונגען וואס ער האט דורכגעפירט אינעם פענטאגאן.
"מיר האבן געדארפט טון גאר אסאך," האט העגסעט געזאגט פאר די פארזאמלטע זעלנער, אויסרעכענענדיג די רייע אויפזאגונגען, פאליסי טוישונגען, און א פלייץ פון רעדעס וואס זענען געצילט צו איבערמאכן די קולטור אין די מיליטער. אבער זיין הויפט פונקט איז געווען ווען ער האט ספעציפיש געלויבט די 'מארין קארפס', זאגנדיג אז ווען זיין טיעם איז אנגעקומען, איז די קריגס-גייסט שוין געווען לעבעדיג און אקטיוו צווישן זייערע רייען. "איר האט דאס קיינמאל נישט אפגעלאזט," האט ער געזאגט פאר די מארינען, אראפשטעלנדיג זיי אלס א ביישפיל פאר די איבעריגע טיילן פון די מיליטער זיך אפצולערנען פון זיי.
די ווערטער פאסן זיך גוט אריין אין העגסעט'ס ברייטערע קאמפיין זינט ער האט איבערגענומען דעם ניי-באנאמטן 'קריגס דעפארטמענט', א קאמפיין וואס איז געבויט אויף צוריקצוברענגען די אמאליגע מיליטערישע העלדישקייט, איבערבויען די מיליטער, און צוריקשטעלן די אמעריקאנער אפשראקונג קראפט.
ער האט שוין עטליכע מאל איבערגעחזר'ט דעם מעסעדזש אין די לעצטע וואכן, אריינגערעכנט ביי זיין רעדע אין קוואנטיקא דעם פארגאנגענעם סעפטעמבער, וואו ער האט געמאלדן נייע אנווייזונגען צו פארשטערקערן די פיזישע און אויסזען סטאנדארטן, אפגעשאפט די פאליסיס וואס זענען געווען געצילט אויף 'דייווערסיטי', און ארויסגעברענגט אז העכערונגען אין ראנג וועלן בלויז זיין באזירט אויף כשרונות און נישט אויף קוואטעס.
די רעדע אין סאן דיעגא, וואס איז אפגעכאפט געווארן אינדרויסן פארנט פון א ריזיגע אמעריקאנער פאן, איז א פארזעצונג פון דעם זעלבן מעסעדזש, אנווייזנדיג אויף די מארינען אלס א לעבעדיגע באווייז אז די קולטוראלע טויש וואס ער פאדערט איז נישט בלויז מעגליך, נאר עס קומט שוין פאקטיש פאר אין געוויסע טיילן פון די מיליטער.
קריגס סעקרעטאר פיט העגסעט טרעט אויף פאר מארינען אין סאן דיעגא; לויבט זייער העלדישקייט און רעדט איבער די פרישע טוישונגען אינעם פענטאגאן
קריגס סעקרעטאר פיט העגסעט האט אויסגעטון זיין אנצוג און זיך אנגעטון אין ספארט קליידער זיך אנצושליסן מיט א גרופע מארינען פאר א מארגן-איבונג אין סאן דיעגא, אויסנוצנדיג די געלעגנהייט ארויסצוברענגען די דראסטישע טוישונגען וואס ער האט דורכגעפירט אינעם פענטאגאן.
"מיר האבן געדארפט טון גאר אסאך," האט העגסעט געזאגט פאר די פארזאמלטע זעלנער, אויסרעכענענדיג די רייע אויפזאגונגען, פאליסי טוישונגען, און א פלייץ פון רעדעס וואס זענען געצילט צו איבערמאכן די קולטור אין די מיליטער. אבער זיין הויפט פונקט איז געווען ווען ער האט ספעציפיש געלויבט די 'מארין קארפס', זאגנדיג אז ווען זיין טיעם איז אנגעקומען, איז די קריגס-גייסט שוין געווען לעבעדיג און אקטיוו צווישן זייערע רייען. "איר האט דאס קיינמאל נישט אפגעלאזט," האט ער געזאגט פאר די מארינען, אראפשטעלנדיג זיי אלס א ביישפיל פאר די איבעריגע טיילן פון די מיליטער זיך אפצולערנען פון זיי.
די ווערטער פאסן זיך גוט אריין אין העגסעט'ס ברייטערע קאמפיין זינט ער האט איבערגענומען דעם ניי-באנאמטן 'קריגס דעפארטמענט', א קאמפיין וואס איז געבויט אויף צוריקצוברענגען די אמאליגע מיליטערישע העלדישקייט, איבערבויען די מיליטער, און צוריקשטעלן די אמעריקאנער אפשראקונג קראפט.
ער האט שוין עטליכע מאל איבערגעחזר'ט דעם מעסעדזש אין די לעצטע וואכן, אריינגערעכנט ביי זיין רעדע אין קוואנטיקא דעם פארגאנגענעם סעפטעמבער, וואו ער האט געמאלדן נייע אנווייזונגען צו פארשטערקערן די פיזישע און אויסזען סטאנדארטן, אפגעשאפט די פאליסיס וואס זענען געווען געצילט אויף 'דייווערסיטי', און ארויסגעברענגט אז העכערונגען אין ראנג וועלן בלויז זיין באזירט אויף כשרונות און נישט אויף קוואטעס.
די רעדע אין סאן דיעגא, וואס איז אפגעכאפט געווארן אינדרויסן פארנט פון א ריזיגע אמעריקאנער פאן, איז א פארזעצונג פון דעם זעלבן מעסעדזש, אנווייזנדיג אויף די מארינען אלס א לעבעדיגע באווייז אז די קולטוראלע טויש וואס ער פאדערט איז נישט בלויז מעגליך, נאר עס קומט שוין פאקטיש פאר אין געוויסע טיילן פון די מיליטער.
