ספיקער מייק זשאנסאן ווארנט: א דעמאקראטישע געווינס אין די מידטוירם וואלן וועט ברענגען א קאטאסטראפע פאר אמעריקע

דער ספיקער פונעם רעפרעזענטאנטן הויז, מייק זשאנסאן, האט ארויסגעגעבן א שארפע ווארענונג צו די אמעריקאנער וויילער איבער די מעגליכע קאטאסטראפאלע קאנסעקווענצן אויב די דעמאקראטן וועלן געווינען די קומענדיגע מידטוירם וואלן.

לויט זשאנסאן, וועט א דעמאקראטישע געווינס עפענען דעם וועג פאר זייער אזוי-גערופענע "דעי וואן אגענדע" (ערשטע-טאג פלאן). ער האט אראפגעלייגט א שווארצע בילד, זאגנדיג אז זייער פלאן רעכנט אריין אפצושאפן די גרעניצן, קלאוזן די טורמעס, דיפאנדן פעדעראלע לאו ענפארסמענט, און אפשניידן די בודזשעט פונעם קריגס דעפארטמענט.

ער האט ווייטער געווארנט אז אזא רעזולטאט וועט עפענען די טיר פאר א ברייטע "לאופעיר" קאמפיין צו צילן טראמפ אליאירטע, געוועזענע טראמפ באאמטע, און רעפובליקאנער בכלליות. זשאנסאן האט ארגומענטירט אז די דאזיגע פאליסיס וועלן אינגאנצן צעמישן די מארקעטס און געבן קראפט פאר אמעריקע'ס פיינט איבער די וועלט, און דאס קומט אין א גאר סענסיטיווע און געפארפולע צייט פאר די נאציאנאלע זיכערהייט.

אין קאנטראסט, האט זשאנסאן ארויסגעברענגט די רעפובליקאנער און "מאגא" אלטערנאטיוו. דאס רעכנט אריין: שטרענגערע געזעצן צו פארזיכערן די וואלן (עלעקשאן אינטעגריטי), א פערמאנענטע פארבאט וואס זאל אפהאלטן סיי וועלכע צוקונפטיגע פרעזידענט פון צוריק עפענען די גרעניץ, א פארבאט אויף טראנסזשענדער מעדיצינישע פראצעדורן פאר קינדער, נידריגערע טעקסעס, און דאס אפשאפן פון פראדזשעלאנטע גאווערנמענט ספענדינג.

דער ספיקער האט גערופן די וויילער צו באטראכטן די קומענדיגע וואלן אלס א קריטישע מאמענט פאר די צוקונפט פונעם לאנד. זיין רעדע שטעלט אראפ די מידטוירמס נישט סתם אלס א געווענליכע פארמעסט פאר זיצן אין קאנגרעס, נאר אלס א רעפערענדום צווישן צוויי אינגאנצן פארקערטע וויזיעס וויאזוי צו פירן דאס לאנד. די שארפע ווארענונג קומט אין א צייט וואס ביידע פארטייען פארשטארקן זייער קאמפיין מעסעדזשעס בעפאר די וואלן, ווען יעדע זייט לייגט אראפ דעם צווייטן אלס א פונדאמענטאלע סכנה פאר די צוקונפט פון אמעריקע.