70 סעקונדעס צו דיזעסטער - א טיפערע בליק אין די פאטאלע פלארידע פליגער קראך נאך שווערע טערבולענס און אייז
בס"ד
וואס האט געפירט דערצו אז א פריוואטע דזשעט זאל אראפפאלן פונעם הימל העכער פאלם ביטש?
א פריוואטע 'לירדזשעט' פליגער האט געטראסקעט ארום 26,000 פיס (בערך 7,900 מעטער) אין קוים 70 סעקונדעס, אומברענגענדיג אלע 9 מענטשן דערויף.
עטליכע מינוט בעפאר די קראך, ווען דער פליגער איז געווען אויף א הייך פון 35,000 פיס, האט דער פילאט באריכטעט איבער לייכטע אייז אויפן פליגער וואס מען קען קאנטראלירן, און א מיטלגאטיגע טורבולענץ. עקספערטן ערקלערן אז אויף אזא הויכע אלטיטוד איז די לופט זייער דין, וואס מאכט אז די זיכערע ספיד פונעם פליגער זאל זיין זייער באגרעניצט. אויב פארט מען צו שטאט קענען די פליגלען נישט פראדוצירן גענוג קראפט צו האלטן דעם פליגער אין די לופטן, און אויב פארט מען צו שנעל קען עס שאפן כוואליעס וואס שטערן די לופט-שטראם. די אייז האט מעגליך נאך מער פארשווערט די מצב, וויבאלד אפילו א שיכט אייז אזוי הארט ווי סענדפעיפער קען רעדוצירן די קראפט פונעם פליגער זיך צו האלטן אין די לופטן מיט אזויפיל ווי 30 פראצענט.
די מאנשאפט האט לויט באריכטן געוואלט ארויפציען דעם פליגער העכער צו טרעפן א רואיגערע וועג, אבער א העכערע אלטיטוד מיינט נאך דינערע לופט און א נאך קלענערע מארדזשין פאר א זיכערע ספיד. איין טעאריע איז אז איין שטארקע טרייסל איז געווען גענוג צו מאכן א פליגל פארלירן איר קראפט און אראפווארפן די נאז פונעם פליגער.
דער פילאט האט שפעטער איבערגעגעבן אויפן ראדיא אז דער פליגער פארט צו שנעל און פאלט אראפ מיט א שנעלקייט פון 20,000 פיס א מינוט. אבער די פלייט דאטא צייגט אז די עכטע ספיד פונעם פאלן איז געווען העכער 30,000 פיס א מינוט - וואס איז צוגעגליכן ווי אראפצופאלן די הייך פון א 40-שטאקיגע געביידע יעדע איינציגע סעקונדע.
דאס באדייט אז עס האט זיך גארנישט אויסגעפעלט קיין ערנסטע מעכאנישע פראבלעם צו פירן צום קראך; די קאמבינאציע פון אייז, טורבולענץ, און דאס ארויפציען דעם פליגער אין די ערגסטע מעגליכע צייט איז געווען גענוג צו ברענגען די קאטאסטראפע. דאס איז אבער דערווייל בלויז א טעאריע. די NTSB האט נאך נישט אפיציעל באשטעטיגט די אורזאך פונעם קראך, און א פרעלימינערי באריכט ווערט ערווארטעט אין ארום 30 טעג.
וואס האט געפירט דערצו אז א פריוואטע דזשעט זאל אראפפאלן פונעם הימל העכער פאלם ביטש?
א פריוואטע 'לירדזשעט' פליגער האט געטראסקעט ארום 26,000 פיס (בערך 7,900 מעטער) אין קוים 70 סעקונדעס, אומברענגענדיג אלע 9 מענטשן דערויף.
עטליכע מינוט בעפאר די קראך, ווען דער פליגער איז געווען אויף א הייך פון 35,000 פיס, האט דער פילאט באריכטעט איבער לייכטע אייז אויפן פליגער וואס מען קען קאנטראלירן, און א מיטלגאטיגע טורבולענץ. עקספערטן ערקלערן אז אויף אזא הויכע אלטיטוד איז די לופט זייער דין, וואס מאכט אז די זיכערע ספיד פונעם פליגער זאל זיין זייער באגרעניצט. אויב פארט מען צו שטאט קענען די פליגלען נישט פראדוצירן גענוג קראפט צו האלטן דעם פליגער אין די לופטן, און אויב פארט מען צו שנעל קען עס שאפן כוואליעס וואס שטערן די לופט-שטראם. די אייז האט מעגליך נאך מער פארשווערט די מצב, וויבאלד אפילו א שיכט אייז אזוי הארט ווי סענדפעיפער קען רעדוצירן די קראפט פונעם פליגער זיך צו האלטן אין די לופטן מיט אזויפיל ווי 30 פראצענט.
די מאנשאפט האט לויט באריכטן געוואלט ארויפציען דעם פליגער העכער צו טרעפן א רואיגערע וועג, אבער א העכערע אלטיטוד מיינט נאך דינערע לופט און א נאך קלענערע מארדזשין פאר א זיכערע ספיד. איין טעאריע איז אז איין שטארקע טרייסל איז געווען גענוג צו מאכן א פליגל פארלירן איר קראפט און אראפווארפן די נאז פונעם פליגער.
דער פילאט האט שפעטער איבערגעגעבן אויפן ראדיא אז דער פליגער פארט צו שנעל און פאלט אראפ מיט א שנעלקייט פון 20,000 פיס א מינוט. אבער די פלייט דאטא צייגט אז די עכטע ספיד פונעם פאלן איז געווען העכער 30,000 פיס א מינוט - וואס איז צוגעגליכן ווי אראפצופאלן די הייך פון א 40-שטאקיגע געביידע יעדע איינציגע סעקונדע.
דאס באדייט אז עס האט זיך גארנישט אויסגעפעלט קיין ערנסטע מעכאנישע פראבלעם צו פירן צום קראך; די קאמבינאציע פון אייז, טורבולענץ, און דאס ארויפציען דעם פליגער אין די ערגסטע מעגליכע צייט איז געווען גענוג צו ברענגען די קאטאסטראפע. דאס איז אבער דערווייל בלויז א טעאריע. די NTSB האט נאך נישט אפיציעל באשטעטיגט די אורזאך פונעם קראך, און א פרעלימינערי באריכט ווערט ערווארטעט אין ארום 30 טעג.
