דראמא אין די לופטן: פאלשע באמבע סטראשונגען פירן צו עמערדזשענסי לאנדונגען איבער אייראפע


א רייע קאמערציאלע פליגערס איבער אייראפע זענען געשטערט געווארן און האבן געמוזט טוישן זייער רוטע דעם פארגאנגענעם נאוועמבער 5, נאכדעם וואס עטליכע באמבע סטראשונגען האבן געפירט צו א העכסטע סעקיוריטי אלערט און געצווינגען די פליגערס צו מאכן עמערדזשענסי לאנדונגען.


צווישן די אפעקטירטע פליגערס איז געווען אן 'עיר לינגוס' פליגער וואס איז געווען אויפ'ן וועג פון דובלין קיין רוים. דער פליגער איז אריבערגעפירט געווארן צו א פראנצויזישע מיליטערישע עיר-בעיס אין עווערעקס.


א פראנצויזישע פייטער דזשעט האט באגלייט דעם פליגער דורכאויס דעם דראמאטישן אינצידענט. אין ווידעא קליפס וואס זענען רעקארדירט געווארן דורך די פאסאזשירן, קען מען קלאר זען ווי דער מיליטערישער דזשעט פליט ממש הארט נעבן דעם פאסאזשירן פליגער צו פארזיכערן די סיטואציע.


אלע 151 פאסאזשירן און די 6 קרו מיטגלידער זענען ברוך השם אפגעקומען אן קיין שאדן און זענען אין א זיכערע צושטאנד. נאך גרונטליכע סעקיוריטי אונטערזוכונגען אויפ'ן פליגער האט מען נישט געטראפן קיין שום אויפרייס מאטעריאל, און די אויטאריטעטן האבן באשטעטיגט אז עס האט זיך בלויז געהאנדלט פון א פאלשע סטראשע.