א אור! א לעכטיגקייט!

פאר זעקס יאר צוריק, האט הרה''ג ר' יואל וואזנער שליט''א, באוויזן דאס אומגלויבליכע, און קעגן אלע פאראויסשאצונגען, באוויזן צו עפענען די טויערן, פונעם הייליגן מוסדות, ישיבת ברכת דוד, א ישיבה וועלכע איז געבויט מיט הארץ און נשמה, מיט א ציהל ארויפצוברענגען יעדן בחור, צו זיין מאקסימום סוקסעס און פאטענציאל.

כאטש די פילע אידן וועלכע האבן אפגערעדט דעם ראש הישיבה שליט''א, אז אזעלכע ישיבות האלטן זיך נישט, און ס'איז א שאד די צייט און געלט וואס גייט אריין, האט די ראש הישיבה זיך נישט דערשראקן, און אריינגעשפרינגן אינעם מאסיוון אונטערנעמונג, צו שאפן א פלאץ פאר בחורים אין די עלטער פון 16 און ארויף, וועלכע האבן מאיזה סיבה שהוא נישט אריינגעפאסט אין קיין אנדערע ישיבה…

די רעזולטאטן האבן נישט געשפעטיגט צו קומען, בליץ שנעל האט זיך איר נאמען פארשפרייט אלץ א פלאץ וועלכע איז מצליח ארויפצוברענגען אירע תלמידים, צו אומבאשרייבליכע סוקסעס'ן, יעדער תלמוד וועלכע איז אדורכגעגאנגען די ישיבה טירן, האט זיך בעזר השם געטראפן אויף גאר הויכע סוקסעס לעוועל'ס, יעדער אין זיין וועג.

אצינד, זעקס יאר שפעטער, זעט זיך אן די פירות, ווען עס איז ארויסגעקומען א הערליכע דור פון ערליכע בעל בתים, כולל אינגערלייט, ארבעטער'ס, און יעדער פון זיי גרייכט בעז''ה זייער אייגענע פערזענליכע מאקסימום סוקסעס, אוודאי איז דאס צו פארדאנקן די פאקט, אז די ציהל פון ישיבה הקדושה ברכת דוד, און פונעם ראש השיבה שליט''א, איז נישט צו נארן די וועלט מיט פאלשע מציונים, נאר ליבערשט ארויפברענגען די תלמידים, צו די העכסטע לעוועל סוקסעס וואס זיי פערזענליך קענען זיין.

די סוקסעס מעשה האט זיך נאכנישט געענדיגט, עס גייט נאך אן מיט א פלאם פייער, לעת עתה געפונען זיך א פרישע דור פון בחורים יראים ושלמים, ציווישן די ווענט פונעם הייליגן מקום, און שטרעבן ווייטער, אזויווי די פריעדיגע תלמידים, ארויסצוקומען, גרייכנדיג זייער מאקסימום סוקסעס.

איר האט יעצט א גלענצענדע געלעגנהייט, צו זיין א חלק פון אונזער סוקסעס מעשה, וואס האלט זיך נאך אונמיטן וועבן, מיט אייער ווארעמע שטיצע, וועט אונז געלונגען אנצוגיין, און אנהאלטן די סוקסעס אויף די העכסטע שטאפלען.

ובשכר המצוה הזאת נזכה כולנו לראות רוב נחת דקדושה מכל יוצ"ח מתוך אושר ועושר והרחבת הדעת כל הימים ויזכו להרבות פעלים לתורה ולתעודה לצדקה ולחסד למען הכלל והפרט עדי נזכה לבנין ציון וירושלים בביאת משיח צדקנו ומלכנו בראשינו בב"א.