די לעצטערע טעג ראשט און טומלט די וועלט, איבער א נייעס-קעיס וועלכע איז נישט אראפ פונעם עסקנישן טיש פאר לענגערע וואכן און חדשים, נאכדעם וואס א טאטע פון קינדער, וועלכע זיין ווייב ע"ה איז ל"ע נפטר געווארן מיט אפאר חדשים צוריק, און איז געקומען לקבורה אין ארצינו הקודש, און די טאטע האט נישט געקענט צוריק פארן צו זיין היים-פאלץ אין אמעריקע צוליב דעם וואס זיינע דאקומענטן זענען שוין געווען אויסגעלאפן, ברענגענדיג די צער נאכן פארלירן א מאמע מיט א חתן און דערהיים צו די קומענדיגע שטאפלען.

די וואך שבת האט געדארפט פארקומען די שמחת שבת אויפרוף פון בנו החתן, אן דעם וואס מ'זאל בכל וויסן אויב די טאטע וועט זיין ביים שמחה רח"ל, וואס די צער דערפון קען מען בכלל נישט אראפלייגן, און זיכער נישט און קארגע פאר ארטיקל-ליניעס.

די געטרייע עסקנים, וועלכע האבן איבערגעדרייט אין געשתדולת אהיים צו ברענגען דעם טאטן צו זיין זון'ס חתונה מיט ציין און נעגל, און האבן איבערגעדרייט וועלטן אין וואשינגטאן, האבן נאך פילע פעילות געברענגט די ענגילטוגע פריידיגע נייעס, דורכן בארימטן אידן פריינד קאנגרעסמאן מייק לאלער, און זיין געטרייע געהילפער העסקן ר' רפאל (ראפי) זילבערבערג הי"ו, און אזוי אויך הרבני הנגיד רבי יואל לאנדא הי"ו, ווען יעצט נאכמיטאג אין אמעריקע איז בחסדי שמים אנגעקומען די גוטע בשורה אז דער אינגערמאן איז ב"ה אנגעקומען צום JFK לופטפעלד און וועט ב"ה קענען קומען מיטהאלטן די גאנצע שמחה מקירוב מקום.

מיט לויב און דאנק צו השי"ת איבער די פילע חסדים, און אזוי אויך אן עקסטערן דאנק פאר די געטרייע עסקנים ובראשום די בארימטן אידן פריינד קאנגרעסמאן מייק לאלער, און זיין געטרייע געהילפער העסקן ר' רפאל (ראפי) זילבערבערג הי"ו וועלכע האבן אלעס געטוהן למען השמחה, אהיים צוברענגען דעם חשובן טאטן און א בחינה פון והשיב לב אבות על בנים ולב בנים על אבותם, ויה"ר שמשמחה זו ישפע שפע רב לנו ולכל בית ישראל אנס"ו.