א הערליכע מעמד חיזוק און פריצייטיגער בר-מצוה איז פארגעקומען אין מחנה חיים ושלום מונקאטש אין מאנטיסעלא, פאר הבחור שלומי גרמי הי"ו, בן הרב יהודה גרמי שליט"א, דער הויפט רב פון די אידישע קהילה אין איראן.

דער רב וועלכע געפונט זיך אין ניו-יארק די טעג, פירט דורך א צאל באזוכן צו ערלעדיגן און אויפטון פאר זיינע בני הקהילה, און צווישן אנדערע אנגעקומען צו די מונקאטשער קעמפ, ווי די קינדער האבן אהערגעשטעלט א רייכע פראגראם פאר דער זון פון דער איראנער רב.

דער בר-מצוה בחור'ל וועלכע וואוינט אין איראן האט באקומען א הערליכע אויפנאמע, די קינדער האבן פרעזענטירט א הערליכע אוונט מיט פארשידענע איבערראשונגען, פרעזענטאציעס, געזאנגען און טענץ, זיך מיטפרייענדיג מיט די שמחה.

דער איראנער רב האט געלאזט פאלן טרערן און זיך טיף באדאנקט פאר די גאנצע שטאב, אויף די הערליכע מעמד.