הגאון ר' אברהם סאלים שליט"א באזוכט ישיבת 'ארחות מאיר' נאכדעם וואס א בחור איז ארעסטירט געווארן דורך די מיליטער


הגאון ר' אברהם סאלים שליט"א, א מיטגליד אין די מועצת חכמי התורה פון ש"ס, האט אפגעשטאט א חיזוק באזוך אין ישיבת 'ארחות מאיר' אין די בית וגן געגנט אין ירושלים, נאכדעם וואס איינע פון די בחורים אין די ישיבה איז פאראורטיילט געווארן צו מיליטערישע טורמע איבער אן אישו פארבינדן מיט די מיליטערישע גיוס.


דער בחור, אליהו דבאדה, איז לויט באריכטן פאראורטיילט געווארן צו 20 טעג אין א מיליטערישע תפיסה נאכן ווערן פארמישט אין פראצעדורן ארום זיין מיליטער סטאטוס. באזונדערע באריכטן געבן אן אז זיין ארגינעלע אורטייל איז פארמינערט געווארן מיט פיר טעג, און ער איז ערווארטעט צו ווערן באפרייט דעם 23'סטן אקטאבער, כאטש זיין עקשועל באפרייאונג איז נאכנישט זעלבסטשטענדיג באשטעטיגט געווארן.


דורכאויס זיין באזוך האט ר' אברהם אויפגעטרויטן פאר די תלמידי הישיבה מיט ווארימע דברי חיזוק, אין שאטן פון די וואקסנדע זארג איבער די ארעסטן פון ישיבה בחורים וואס האבן זיך נישט געמאלדן צום מיליטער. דער ראש ישיבה האט מחזק געווען די בחורים צו בלייבן איבערגעגעבן צו זייער תורה לערנען טראץ די אומזיכערקייט ארום די אנגייענדע גיוס קריזיס.


דער באזוך קומט אין א צייט פון גרויס אנגעצויגנקייט און זארג אין די חרדי'שע קהילות איבער די תפיסות פון ישיבה בחורים אין פארבינדונג מיט די מיליטערישע געזעצן. דער שריט שפיגלט אפ די כסדר'דיגע באמיאונגען פון די רבנים און ראשי ישיבות צו געבן חיזוק און שטיצע פאר די בני הישיבות אין די יעצטיגע אומקלארע תקופה וואס פלאגט דעם עולם התורה.