הגאון ר' שלמה מחפוד שליט"א מיט עמאציאנעלע דרשה ביי עצרת אין בני ברק לטובת ארעסטירטע ישיבה בחורים


אן עמאציאנעלע און פייערדיגע דרשה איז געהערט געווארן דורך הגאון ר' שלמה מחפוד שליט"א ביי א גרויסע עצרת מוצאי שבת (נאוועמבער 14) אין בני ברק, וואס איז פאררופן געווארן ארויסצוצייגן שטיצע פאר די ישיבה בחורים וואס זענען ארעסטירט געווארן צוליב די יעצטיגע גיוס פראבלעמען און זייער אפזאג זיך צו שטעלן צום מיליטער.


אינמיטן זיין דרשה האט דער רב זיך דערמאנט זיינע אייגענע איבערלעבענישן אלס יונגער אימיגראנט פון תימן אין יאר 1949. ער האט אראפגעלייגט מיט ווייטאג די ביטערע נסיונות און די פארזוכן פון די פרייע עסטעבלישמענט אפצורייסן די תימנ'ע קינדער פון תורה און אידישקייט אין די ערשטע יארן נאכן אויפשטעלן דעם שטאַט.


דער רב האט געצויגן א דירעקטע שטריח צווישן יענע שווערע תקופה און די יעצטיגע ארעסטן פון די ישיבה בחורים, אונטערשטרייכנדיג די קריטישע וויכטיגקייט פון זיך האלטן פעלזן-פעסט און ווייטער אנהאלטן דעם ריינעם תורה חינוך אן קיין שום פשרות.