הצלה סאוט פלארידע פייערט 'חנוכת האמבולאנס' פאר א נייעם אמבולאנס געשאנקען דורך משפחת סוסטערמאן


זונטאג נאוועמבער 8 איז פארגעקומען א שיינע מסיבת 'חנוכת האמבולאנס' דורך די "הצלה סאוט פלארידע" ארגאניזאציע, אפצוצייכענען דאס אריינגעבן א נייעם אמבולאנס וואס איז נדבה געווארן דורך די סוסטערמאן משפחה פון האלאנדעיל, פלארידע.


דער נייער אמבולאנס וועט סערווירן די אידישע קהילה אין אווענטורא און די ארומיגע געגנטער, און וועט שטארק ארויסהעלפן צו פארברייטערן די עמערדזשענסי מעדיצינישע הילף וואס הצלה שטעלט צו פאר די לאקאלע איינוואוינער.


דאס איז שוין דער פינפטער אמבולאנס וואס ווערט געשאנקען דורך די חשוב'ע סוסטערמאן משפחה פאר די ארגאניזאציע, ווען די פריערדיגע פיר אמבולאנסן זענען שוין אין פולן באנוץ אויף די גאסן צו ראטעווען לעבנס.


ביי די צערעמאניע האבן זיך באטייליגט לאקאלע קהילה פירער, הצלה וואלאנטירן, און ארטיגע פוירסט רעספאנדערס, וועלכע האבן ארויסגעברענגט זייער טיפע אנערקענונג און דאנקבארקייט פאר די משפחה פאר זייער נאכאנאנדע ברייטהארציגקייט און איבערגעגעבנקייט למען הצלת נפשות.