ליסקא, אונגארן - אין א שטוינענדע געפינס האבן ארבעטער ביים בית החיים אין שטאט ליסקא געפינען א אומבארירטע האנט-גרענאט פון די צווייטע וועלט מלחמה עטליכע מעטער פונעם אוהל הק'! דאס קומט אין ליכט פון אנגייענדע ארבעט ביים בית החיים אין ליסקא ווי עס ליגן די אדמור"י בית ליסקא זי"ע, הרה"ק בעל אך פרי תבואה זי"ע און זיין ממשיך דרך הרה"ק בעל טל חיים פון ליסקא זי"ע, ווי מען פארשענערט די בית החיים, פאריכטנדיג די מציבות און פארברייטנדיג די גדר, ווי אויך האט מען אפגעקויפט א שטח ווי מען וועט בויען א נייע פארקינג לאט און אורחים, אויפן אינציאטיוו פון בית ליסקא בנשיאת כ"ק אדמו"ר מליסקא שליט"א.אצינד אין סאמע ברען פון די פלאנירונג שטאפל, האבן ארבעטער פלוצים געפינען א האנט-גרענאט באמבע פון די צייטן פון די צווייטע וועלט מלחמה. עס האט זיך גלייך געטון א צוזאמפאר פון פאליס און פייערלעשער, און גאנץ ליסקא איז געווען אויף רעדער. קאמענטירער ברענגן ארויס די מופת פון די צדיקי בית ליסקא אז במשך די אלע 80 יאר האט די באמבע נישט עקספלאדירט, און די אוהל הק' און ארומיגע מציבות זענען אפגעשוינט געווארן.
