*הרה"ח איש החסד לב טוב, ושמח אלקים ואנשים רבי חיים בער מייזעלס ע"ה,*

דאס הארץ בלוטיגט, מען האט ליידער פארלוירען א עמוד החסד פון כלל ישראל, נאר טראכטענדיג וויפיל שטובער פון כלל ישראל האבן זיך געהאלטן נאר אויפן פלייצע פון דעם איש החסד, און יעצט ברויכן די אידן וויינען, "ווער וועט אונז העלפן",

מען קען ריכטיג זאגן אז יעדער איד האט געהאט א שייכות מיט דעם צדיק חיים בער אויף עפעס א וועג,

לאמיר מאכן זיכער אז מען פארגעסט נישט וואס דער איד דער צדיק חיים בער האט דא אויפגעטון פאר כלל ישראל, דאס איז זיכער אז אויבן אין הימל פרייעט מען זיך און מען איז אים מקבל פנים מיט א שמחה, אלע צדיקים וואס דער חיים בער איז געגאנגען אין זייערער וועגן, און פון זיך אוועק געבן מיט א מסירת נפש פאר אנדערע אידן,

אֵלּוּ דְבָרִים שֶׁאֵין לָהֶם שִׁעוּר,

*וּגְמִילוּת חֲסָדִים*

א איד וואס האט עוסק געווען אין דעם מצוה מוטן גאנצן הארץ גומל חסד געווען מיט יעדן איד, נישט קיין חילוק א חסידישע צו א ליטפישע, נישט קיין חילוק וועלכע חסידות, יעדער האט געהאט א אפען טיר ביי דעם איד, און אלעס מיט א שמייכל,

*וְתַלְמוּד תּורָה.*

ווער געדענקט נישט די שיעורים וואס דער איד פלעגט כסדר לערנען און דאס איז געווען נאך א טאג ארומלויפן נאר געלט מיט א א"י חתן אדער א איד וואס ברויך באצאלן חובות אד"ג,

אֵלּוּ דְבָרִים שֶׁאָדָם אוֹכֵל פֵּרוֹתֵיהֶם בָּעוֹלָם הַזֶּה וְהַקֶּרֶן קַיֶּמֶת לוֹ לָעוֹלָם הַבָּא, וְאֵלּוּ הֵן, 

*כִּבּוּד אָב וָאֵם,*

דאס קענען זיינע נאנטע חברים מעיד זיין אז זיין טאטע און מאמע זענען געווען ביי אים גאר טייער,

*וּגְמִילוּת חֲסָדִים,*

*חתונה,*

חתונה מאכן הונדערטער אידישע קינדער, אויסצאלן ביידע זייטן, פון קליידער ביז שבע ברכות, און אלעס ארום,

*בר מצוה,*

תפילין און סעודות אן א שיעור, און נישט איינגעריעט ביז דער איד איז געשטאנען ביי די שמחה מיט א שמייכל,

*הוצאות יו"ט,*

וויפיל אידישע שטיבער האבן געהאט א שמחות יו"ט ווען דער צדיק האט ארויפגעטראגן געלט מען זאל קענען איינקויפען די פשוטע צרכי יו"ט, און אלעס מיט א געוואלדיגע כבוד אז דער נצרך זאל ח"ו נישט פארשעמט ווערן,

*הוצאות הבית,*

וויפיל שטובער האט דער צדיק געצאלט די רענט פאר חדשים לאנג ביז דער נצרך האט זיך געשטעלט אויף די פיס,

*ארבעט,*

וויפיל אידן האט דער צדיק מסדר געווען אין א ארבעט פון וואס דער איד האט געקענט אריינברענגען פרנסה און געקענט האבן פרנסה בדרך כבוד אנשטאט דארפן קלעטערן פאר נדבות,

*אלמנות,* 

וויפיל אלמנות יתומים און יתומות האבן זיך מנחם געווען מיט די שטיצע פון דעם צדיק רבי חיים בער, פון איינקויפן טעגליכע געברויכן, ביז אויסצאלן דעם שכר לימוד אדער די קעמפ בילס פאר אלע קינדער, ביז סתם ארויפטראגן אפאר טויזענט דאלער אז די משפחה זאל קענען ווייטער אנגיין,

*וְהַשְׁכָּמַת בֵּית הַמִּדְרָשׁ שַׁחֲרִית וְעַרְבִית,*

געדאווענט און געלערנט און געדינט דעם באשעפער מיט א תמימות,

*וְהַכְנָסַת אוֹרְחִים,*

מיט הונדערטער ארץ ישראל'דיגע בחורים איז ער געגאנגען נאך געלט צו צאמשטעלן גרויסע געלטער פאר די חתונה, זיי באזארגט מיט אן אכסניא ווי איין צו שטיין, און מער פון אלעם דעם גוט ווארט וואס ער האט אייביג געהאט פאר זיי צו מחזק זיין די צובראכענע אידן,

*וּבִקּוּר חוֹלִים,*

זיך געזארגט פאר קראנקע אידן אז מען זאל זיי גיין אויפלעבן, אוו ער פרעזענליך איז ארום געגאנגען מחזק זיין די קראנקע אידן מיט זיין אויסערגעווענליכע שמחה וואס דער איד האט פארמאגט,

ווער געדענקט נישט וויפיל מאל דער איד האט קאמפיינט פאר מייליטש פאר א פליגער פאר א חולה צו גיין צו ווייטע פלעצער זיך היילן,

אדער ווען מען האט געברויכט מאכן אן אפעראציע פאר א איד וואס האט בכלל נישט באלאנגט צו אונזער סעקטע, האט דער צדיק געארבעט צו פארשאפן גרויסע געלטער כאילו מען רעדט דא פון א ברידער זיינער, ביי אים האט גארנישט אויסגעמאכט ווער יענער איז, יעדער איד איז געווען ביי אים איינס,

*וְהַכְנָסַת כַּלָּה,*

איך ווייס נישט אויב איינער וועט אפילו קענען אויסרעכענען וויפיל חתונות דער איד האט מיט די אייגענע הענט צוזאמען געשטעלט די גאנצע חתונה הוצאות, עס האט אים בכלל נישט אינטרעסירט אויב ער האט שוין צוזאמען געשטעלט נעכטן איין חתונה, די היינטיגע חתונה איז געווארן צוזאמען געשטעלט מיטן זעלבן פרישקייט ווי דאס נעכטיגע,

*וּלְוָיַת הַמֵּת,*

וויפיל מאל האט דער צדיק צוזאמען געשטעלט געלט פאר קבורה פאר א איד וואס האט נישט געהאט קיין משפחה,

וַהֲבָאַת שָׁלוֹם בֵּין אָדָם לַחֲבֵרוֹ וּבֵין אִישׁ לְאִשְׁתּוֹ. 

אין וויפיל שטובער איז געווען שלום בית נאר אין זכות פון זיין שטיצע, ער האט זיך צופליגט פאר די גאנצע שטוב, און געמאכט זיכער אז די קינדער האבן אלעס און די טאטע און מאמע קענען האבן מנוחת הנפש,

וְתַלְמוּד תּוֹרָה כְּנֶגֶד כֻּלָּם:

ווי צדיקים זאגן אז אויב האט מען אלעס פון ביז דא, דאן איז די תורה וואס מען לערענט *תורה לשמה*,

רבי חיים בער ע"ה די האסט אונז אלע געוויזן וואס מיינט זיין א אמת'ע איד, מיטן העלפן אזוי פיל צובראכענע נשמות פון כלל ישראל,

מיר וועלן בל"נ אנהאלטן דיין דרך צדקה וחסד לעילוי נשמתך און דיר ברענגען א הנאה אויף יענע וועלט,

חיים בער מיר וועלן דיך בעזהשי"ת נישט פארגעסן, און טון וואס מען קען פאר דיין נשמה הטהורה,