זעט: פראטעסטירער פארזאמלען זיך פארנט פון די שטוב פונעם סאטמארער רבי'ן אין וויליאמסבורג
וויליאמסבורג: א גרופע פראטעסטירער האבן זיך פארזאמלט אינדרויסן פון די שטוב פון כ"ק אדמו"ר מסאטמאר שליט"א
לויט ווידיאוס וואס זענען צירקולירט געווארן מיטוואך ביינאכט, קען מען זען ווי א גרופע פראטעסטירער האבן זיך פארזאמלט אין די שפעטע נאכט שטונדן אינדרויסן פון די רעזידענץ פון כ"ק אדמו"ר מסאטמאר שליט"א (מהרז"ל) אין וויליאמסבורג.
די ווידיאו פונעם סצענע צייגט ווי די גרופע שטייט אויפ'ן גאס נעבן דעם רבי'נס שטוב, וואס געפינט זיך אויף ראס סטריט אינעם הארץ פון די סאטמארע קהילה אין וויליאמסבורג.
די בילדער און ווידיאוס זענען ארויסגעלייגט געווארן דורך די חסידישע נייעס אקאונט '@hasidic_1', וועלכע האט באשריבן די באטייליגטע אלס "עקסטרעמיסטישע פראטעסטירער".
די פונקטליכע סיבה פארוואס זיי האבן דארט דעמאנסטרירט איז דערווייל נישט קלאר, און עס איז נאכנישט דא קיין באשטעטיגטע אינפארמאציע איבער וואס פונקטליך עס האט געפירט צו די פארזאמלונג. מער דעטאלן זענען דערווייל נישט באקאנט.
