צוויי קריטישע מינוטן: א דראון אין סעינט פאול טרעפט א פארלוירן אינגל אין א טייך
בס"ד
דראמאטישע רעטונג: א פאליציי 'דראון' ראטעוועט דאס לעבן פון א קליין קינד אין מינעסאטע אין א קריטישע מאמענט
א שנעל-טראכטנדע פארבייגייער אינאיינעם מיט א פאליציי 'דראון' האבן געראטעוועט דאס לעבן פון א קליין אינגל אין די 'גרעיטער איסט סייד' געגנט אין סעינט פאול, מינעסאטע, דעם מאנטאג נאכמיטאג. א גוטער סאמאריטאנער האט באמערקט ווי דאס קינד מוטשעט זיך ארויסצוקריכן פון א טייכל און האט תיכף גערופן 911, וואס האט אריינגעברענגט די פאליציי אין א שנעלע רעטונגס-אקציע וואו יעדע סעקונדע איז געווען קריטיש.
די סעינט פאול פאליציי דעפארטמענט האט רעאגירט צום רוף דורכ'ן ארויסשיקן איינע פון זייערע ספעציעלע דראונס וואס זענען סטאנציאנירט אויף דעכער און קענען ווערן ארויסגעשיקט אטאמאטיש ביי אן עמערדזשענסי. דער דראון, וואס ווערט קאנטראלירט דורך א טרענירטע אפיציר, איז אנגעקומען צום טייכל ארום צוויי מינוט בעפאר די פאליציי אפיצירן זענען אנגעקומען צופוס. דאס האט געגעבן פאר די רעטער א קריטישע פארשפרונג. ווידיאו פונעם דראון צייגט ווי מען זעט דאס קינד זיך ראנגלען אין די וואסער, וואס האט געהאלפן די אפיצירן אים גלייך צו טרעפן און ארויסשלעפן צו זיכערהייט.
לויט די פאמיליע, ליידט דאס קינד אויף אוטיזם און ער איז ארויסגעגאנגען פון שטוב אן דעם וואס קיינער זאל באמערקן (דאס איז א באקאנטע ערשיינונג ביי קינדער מיט אוטיזם, בפרט די וואס קענען נישט רעדן). וויבאלד דער דראון איז אנגעקומען ערשט, האט עס געקענט איבערגעבן די פונקטליכע לאקאציע פאר די אפיצירן נאך בעפאר זיי זענען אנגעקומען צום וואסער. דאס האט געשפארט טייערע צייט וואס עס נעמט געווענליך צו זוכן א קינד אין א גרויסע טייכל. די פאליציי זאגט אז די קאמבינאציע פון די שנעלע 911 רוף און די דראון האבן דירעקט געפירט צו די סוקסעספולע ענדע. דאס קינד איז שפעטער אונטערגעזוכט געווארן אין שפיטאל און צוריק פאראייניגט געווארן מיט זיין פאמיליע.
פראגראם אונטער דעבאטע
די דראמאטישע רעטונג קומט פונקט אינמיטן א ברייטע פאליטישע דעבאטע איבער ווי ווייט מען זאל ערלויבן די שטאט'ס דראון פראגראם זיך צו פארברייטערן. די סעינט פאול סיטי קאונסיל באטראכט יעצט צי מען זאל אננעמען א 200,000 דאלאר גרענט פונעם יוסטיץ דעפארטמענט צו פארגרעסערן די פראגראם. אן אפשטימונג דערויף איז געווען געפלאנט פאר אנהייב סעפטעמבער, אבער איז אפגעלייגט געווארן נאכדעם וואס איינוואוינער האבן פראטעסטירט אין די קאונסיל קאמערן. צוויי קאונסיל מיטגלידער האבן שוין געהאט געמאלדן אז זיי זענען דערקעגן, און די קאונסיל האט געזאלט איבערשמועסן די טעמע בלויז צוויי טעג נאך דעם אינצידענט.
לויט די מינעסאטע געזעץ, ברויך די פאליציי געווענליך א סוירטש ווארענט צו נוצן א דראון, אבער עס איז דא אן אויסנאם פאר עמערדזשענסיס וואו עס איז דא א סכנת נפשות אדער ווען מען זוכט א פארפאלענע פערזאן, וואס דאס האט ערלויבט די פאליציי עס צו נוצן אזוי שנעל אין דעם פאל.
די טיימינג פון די רעטונג איז שוין געווארן א הויפט טעמע אין די דעבאטע. שטיצער פונעם פראגראם ווייזן אן אויף דעם אינצידענט אלס א קלארע באווייז אז די טעכנאלאגיע איז קריטיש וויכטיג, טענה'נדיג אז א דראון וואס קומט אן צוויי מינוט פריער צו א דערטרינקעדיג קינד רעדט פאר זיך אליינס. פון די אנדערע זייט, האלטן די קריטיקירער ווייטער אן מיט זייערע זארגן איבער פריוואטקייט, קאסטן, און וויאזוי די פראגראם ווערט קאנטראלירט, זאגנדיג אז איין סוקסעספולע רעטונג ענטפערט נישט אלע פראגעס.
סעינט פאול איז נישט די איינציגסטע שטאט וואס ספראוועט זיך מיט דעם, וויבאלד די שכינות'דיגע מינעאפאליס האט אויך ענליכע דעבאטעס איבער פאליציי דראונס. ווי עס קוקט אויס וועט די יעצטיגע רעטונג בלייבן א צענטראלע ביישפיל אין די קומענדיגע פארהאנדלונגען איבער די צוקונפט פון די פראגראם.
דראמאטישע רעטונג: א פאליציי 'דראון' ראטעוועט דאס לעבן פון א קליין קינד אין מינעסאטע אין א קריטישע מאמענט
א שנעל-טראכטנדע פארבייגייער אינאיינעם מיט א פאליציי 'דראון' האבן געראטעוועט דאס לעבן פון א קליין אינגל אין די 'גרעיטער איסט סייד' געגנט אין סעינט פאול, מינעסאטע, דעם מאנטאג נאכמיטאג. א גוטער סאמאריטאנער האט באמערקט ווי דאס קינד מוטשעט זיך ארויסצוקריכן פון א טייכל און האט תיכף גערופן 911, וואס האט אריינגעברענגט די פאליציי אין א שנעלע רעטונגס-אקציע וואו יעדע סעקונדע איז געווען קריטיש.
די סעינט פאול פאליציי דעפארטמענט האט רעאגירט צום רוף דורכ'ן ארויסשיקן איינע פון זייערע ספעציעלע דראונס וואס זענען סטאנציאנירט אויף דעכער און קענען ווערן ארויסגעשיקט אטאמאטיש ביי אן עמערדזשענסי. דער דראון, וואס ווערט קאנטראלירט דורך א טרענירטע אפיציר, איז אנגעקומען צום טייכל ארום צוויי מינוט בעפאר די פאליציי אפיצירן זענען אנגעקומען צופוס. דאס האט געגעבן פאר די רעטער א קריטישע פארשפרונג. ווידיאו פונעם דראון צייגט ווי מען זעט דאס קינד זיך ראנגלען אין די וואסער, וואס האט געהאלפן די אפיצירן אים גלייך צו טרעפן און ארויסשלעפן צו זיכערהייט.
לויט די פאמיליע, ליידט דאס קינד אויף אוטיזם און ער איז ארויסגעגאנגען פון שטוב אן דעם וואס קיינער זאל באמערקן (דאס איז א באקאנטע ערשיינונג ביי קינדער מיט אוטיזם, בפרט די וואס קענען נישט רעדן). וויבאלד דער דראון איז אנגעקומען ערשט, האט עס געקענט איבערגעבן די פונקטליכע לאקאציע פאר די אפיצירן נאך בעפאר זיי זענען אנגעקומען צום וואסער. דאס האט געשפארט טייערע צייט וואס עס נעמט געווענליך צו זוכן א קינד אין א גרויסע טייכל. די פאליציי זאגט אז די קאמבינאציע פון די שנעלע 911 רוף און די דראון האבן דירעקט געפירט צו די סוקסעספולע ענדע. דאס קינד איז שפעטער אונטערגעזוכט געווארן אין שפיטאל און צוריק פאראייניגט געווארן מיט זיין פאמיליע.
פראגראם אונטער דעבאטע
די דראמאטישע רעטונג קומט פונקט אינמיטן א ברייטע פאליטישע דעבאטע איבער ווי ווייט מען זאל ערלויבן די שטאט'ס דראון פראגראם זיך צו פארברייטערן. די סעינט פאול סיטי קאונסיל באטראכט יעצט צי מען זאל אננעמען א 200,000 דאלאר גרענט פונעם יוסטיץ דעפארטמענט צו פארגרעסערן די פראגראם. אן אפשטימונג דערויף איז געווען געפלאנט פאר אנהייב סעפטעמבער, אבער איז אפגעלייגט געווארן נאכדעם וואס איינוואוינער האבן פראטעסטירט אין די קאונסיל קאמערן. צוויי קאונסיל מיטגלידער האבן שוין געהאט געמאלדן אז זיי זענען דערקעגן, און די קאונסיל האט געזאלט איבערשמועסן די טעמע בלויז צוויי טעג נאך דעם אינצידענט.
לויט די מינעסאטע געזעץ, ברויך די פאליציי געווענליך א סוירטש ווארענט צו נוצן א דראון, אבער עס איז דא אן אויסנאם פאר עמערדזשענסיס וואו עס איז דא א סכנת נפשות אדער ווען מען זוכט א פארפאלענע פערזאן, וואס דאס האט ערלויבט די פאליציי עס צו נוצן אזוי שנעל אין דעם פאל.
די טיימינג פון די רעטונג איז שוין געווארן א הויפט טעמע אין די דעבאטע. שטיצער פונעם פראגראם ווייזן אן אויף דעם אינצידענט אלס א קלארע באווייז אז די טעכנאלאגיע איז קריטיש וויכטיג, טענה'נדיג אז א דראון וואס קומט אן צוויי מינוט פריער צו א דערטרינקעדיג קינד רעדט פאר זיך אליינס. פון די אנדערע זייט, האלטן די קריטיקירער ווייטער אן מיט זייערע זארגן איבער פריוואטקייט, קאסטן, און וויאזוי די פראגראם ווערט קאנטראלירט, זאגנדיג אז איין סוקסעספולע רעטונג ענטפערט נישט אלע פראגעס.
סעינט פאול איז נישט די איינציגסטע שטאט וואס ספראוועט זיך מיט דעם, וויבאלד די שכינות'דיגע מינעאפאליס האט אויך ענליכע דעבאטעס איבער פאליציי דראונס. ווי עס קוקט אויס וועט די יעצטיגע רעטונג בלייבן א צענטראלע ביישפיל אין די קומענדיגע פארהאנדלונגען איבער די צוקונפט פון די פראגראם.
